اغاني اعراس ليبية 😂🖖

الله غالب 🥹

يبنات نحس في روحي بنبكي ريتو صاحب محل مواد تنظيف اللي قلتكم عليه مره اللي فاتت 🥹🥹🥹
مكلمنيش ع واتس شكله رقم غلط وه عليا وه 🥹🥹
تو انتم بتعوضوني بخوتكم صح ولاه 🥹

بسم الله الصلاة عالهادي 💃🏻مرحب يا بو عيون عوادي

داروا صوب بشيرة هلهم 💃🏻 عقد يا مولاي عسلهم

يا مبروك عليها خذاها 💃🏻 إن شاء الله بطول العمر معاها

كمل يا مولاي علينا 💃🏻 اللي غايب عالعين يجينا

عيني عند البراني 💃🏻 طلعتي جوهر حقاني

انظاري عالعز تربن 💃🏻 الصوب الدوني موش لهن

راس أبنية اتقول غزالة 💃🏻 امربيها بوها بدلاله

احني جوهر و الجوهر غالي 💃🏻 ما يناسبنا غير العالي

الله يجعلها كيف الضي 💃🏻 بلاها ما يشبح في شي

كل الزين علينا تكا 💃🏻 نحنا كيف جوامع مكة

سلم لباسات الخايل 💃🏻 جابنهم من كل قبايل

ان شاء الله ما يخلى ميعاده 💃🏻 ما يبكوش عليه اولاده

نبانا واصل للمريخ 💃🏻 مشايخ و اللي جانا شيخ

يا زين العشرة يا باهي 💃🏻 من السو عليك اسملاهي

اللي فاتحته عصر اليوم 💃🏻 ان شاء الله الخير عليه يدوم

الحوش اللي جيناه طرابه 💃🏻 ان شاء الله ما يصكر بابه

الله يجعلكن يا انظاري 💃🏻 دلال و عز و دهواري

يا مبروك على الودادة 💃🏻 يا وخية من غير ولادة

نور العين اللي يبيها 💃🏻 جاب تريس و كمل فيها

قروا فاتحتك ناس أجواد 💃🏻 اصحاب الكلمة في الميعاد

الجار الباهي يستاهل 💃🏻 طواسي مليانات عسل

ما بين السلفة و الجارة 💃🏻 اجعنك كيف النوارة

ان شاء الله يا نوارت عيني 💃🏻 في الصيت الباهي تفوتيني

خودي ولد العم دلالـه.. فيه الزايد ع الرجالـه🤍💍
ولد العم حنون لقيتـه ..يطلع برا ما خليتـه🤍💍
سلم ولد العم الدانـي.. ماخلاني للبرانـي🤍💍
انا والغالي نفس الجد.. علينا  قولو الله واحد🤍💍
ما خلاني للبرانًـي ..عارفني جوهر حقانـي🤍💍
غلا درته مافيه ندم ..رفيق العمر وليد العم🤍💍

مبروك علينا وعليكم
ناس اعزاز خلطنا فيكن🖤

يشهد جار الجار علينا
عصرانات خطا مافينا🖤

عليها ما يجيبوا تخريف
امربيها بو كاط نظيف🖤

انشد سابع جار عليها
حره وين تحط ايديها🖤

أمه جاباته يوم مطر
اللي حصلها هالقمر🖤

موش خساره دفع الليره
في سبا بوعين كبيره🖤

قيسه ع والدين مربح
فالعين سوده يصبح🖤

عدي مربوحه يا حنه
و الزين افعاله يطرنه🖤

كاس ذهب و اطرافه فضة
ياعوين اللي جيتي حظه🖤

مو ساهل من الحوش مشاها
غير العين اتريد زهاها🖤

حوش العز طلعتي منه
اديري كيفه و احسن منه🖤

بارت مخلط مجلط زي حياتي تحبوني اني شن بنسبه ليكم اكتبولي كلام طويل لان نبي طاقه ايجابيه 🥹🥹