طلب بنوتة ع خو واحد
الحق ملقيتش زي طلبك بالزبط بس اللي جبتهم يمشو 🙂💔😂😂
الي عنده راس اولـيـد
ايطـول فـي عمـره وايزيـد 😍❤️
الي عنده راس امصيبيح
ان شاء الله مايهـزاش الـريـح 🙏❤️
هادم بسس هههه تو انزيد اندور 🙂❤
الباقي ع خوووت بس ↕️🍒
ان شاء الله #خويا نخطبله ..
ونشيل بيانه والدبله 👏💃
الحوش اللي خويا يبيه ..
ندير مظله وننزل فيه 👏💃
ان شاء الله اوخيي يقول نبيها ..
البنـت اللي خاطـرنا فيهـا 👏💃
يا عاطي الأقسام اعطيني ..
نفرح ونزف اوخييني 👏💃
بجاهـك ياليـلة لخميس ..
انشـوف وخيي الغالـي #عـريـس 👏💃
ان شاء الله في فرحك ياغالي ..
نرقص وانزغرط وانلالي 👏💃
ان شاء الله عيني تنظرهم ..
#عرسان اطق كنادرهم 👏💃
ان شاء الله يالعزاز علي ..
نحط كساويكم بيدي 👏💃
ان شاء الله بنت حلال تجينا ..
من فم الحوش تلاقينا 👏💃
ان شاء الله تجينا حنونه كيفه ..
نشاد يرحب بضيفه 👏💃
ان شاء الله تجينا كيف زويله ..
شرهاب ويلم العيلة 👏💃
يا مبروك عليه اوخيي ..
ان شاء الله يعمر حوشه زيي 👏💃
يامبروك عليك بتاتك ..
يانشاد علي اوخياتك 👏💃
مبروك على ضي عيوني ..
ان شاء الله يدير #صغار يجوني 👏💃
يامبروك علي ولد امي ..
ان شاء الله قبل العام يسمي 👏💃
يامبروك عليه شقيقي ..
هذا وين زمطته ريقي 👏💃
هذا عرس خويا قالوا ..
والعقبه للي مازالو 👏💃
هي تشاو والباقي اللي فالخاص لين انزيد اندورلكم 🌚🖤
لان واعر شوي المهم
هي ادعو ل ابرار ومحمد انشوفوهم عرسان 🥺🌚🖤
العار فضحت بيها ٠🥺😂😂😂 عادي وله اتحصلي دعوات
غر اسمعووننني هي ابعتولي ع الخاص اسمها واسم حبيبها باش انزل الاسامي ويدعولكم دعوه اربعين واحد مستجابة
(( طبعا احني السنقل معندناش علاقه بالموضوع))🙂💔😂😂😂😂
هي باي
أنت تقرأ
اغاني اعراس ليبية 😂🖖
Humorشن بنقوللكم ٠🙂🖖 فيه اغاني وشتاوات متع اعراس ليبيا 🙂🖖 احممممم فيه حتى اغنيه ياااليلل يالليل منلومش ع البرانيه 🙂🖖 باص متع مدرستنا امسميني زمزامات فشلوم 🙂🖖 اتعلمو اغاني وغنو في العرس باش يخطبوكم 🙂🖖 تشاو بالكاكو وديرو متابعه🙂🖖
