اغاني اعراس ليبية 😂🖖

اغنيه يما ديريلي 💃😊✌

تعرفوها  شتاوي ع اغنيه يما ديريلي ؟؟
😊✌

يما ديريلي حزيم شنطاحي...هي حزيم شنطاحي ....حزيم شناطحي وعطيني لراجل وارتاحي ...هي راجل وارتاحي👏

يما ديريلي...ديريلي دبلج وحديده....هي دبلج واحديده
...دبلج واحديده وعطيني لراجل واعنيده....هي راجل واعنيده👏👏

يما ديريلي..ديريلي الكعب العالي ....هي الكعب العالي
...الكعب العالي وشديني لانطيح اللتالي ...هي لانطيح اللتالي 👏👏👏

يما ديريلي..ديريلي صاعين بسيسه ...هي صاعين بسيسه....
صاعين بسيسه وعطيني راجل ونقيسه ..هيي راجل ونقيسه👏👏

يما ديريلي... ديريلي شنبير ذهب...هي شنبير ذهب ..شنبير ذهب واعطيني لراجل الي نحب...هي الراجل الي نحب 👏👏

يما ديريلي..ديريلي دار وصالون ..هيي دار وصالون ...دار وصالون واعطيني رااجل حنون...هي راجل حنووون👏👏

يما ديريلي ..ديريلي دولاب معلق ...هي دولاب معلق..دولاب معلق واعطيني لراجل امطلق..هييي راجل مطللق👏👏

يما ديريلي...ديريلي حولي لبناني ههي حولي لبناني...حولي لبناني ..واعطيني لراجل براني..هي راجل براني 👏👏

يما ديريلي..ديريلي حتى الخلخال هييي حتى الخلخال ..حتى الخلخال واعطيني لولد الخال ...هي لولد الخاال👏👏

يماا ديريلي..ديريلي خاتم واحديده...هيي خاتم واحديده..
خاتم وحديده واعطيني لزول احميده ..هيي لزوول احميده 👏👏

يما ديريلي..ديريلي ردي حرير...هييي ردي حرير ..اردي حرير واعطييني لراجل مديير ..هيي لراجل مدير 👏👏

يما ديريلي.. يما ديريلي طاجين بسبوسه ..هيي طاجين بسبوسه ..طاجين بسبوسه واعطيني لراجل بفلوسه .. راجل بفلوسه👏👏👏

يما ديريلي.. ديريلي شنبير ولبه ...هيي شنبير ولبه ...شنبير ولبه ..واعطيني لراجل لنحبه...هيي راجل لنحبه👏👏

يما ديريلي ..ديريلي خلخال ذهب..هي خلخال ذهب...خلخال ذهب واعطيني لناس عرب...هيي لناس عرب👏👏💃💃

يما ديريلي ..ديريلي جوهر حقاني ...هي جوهر حقاني ..جوهر حقاني واعطيني لحبيبي الداني ...هي لحبيبي الداني 👏💃

يما ديريلي...ديريلي لبه منقوشه ...هي لبه منقوشه ..لبه منقوشه واعطيني لمولى الكوشه...ههي لمولى الكوشه 💃👏

يما ديريلي..ديريلي صيغه اسعوديه ...هي صيغه اسعوديه
..صيغه اسعوديه وزفييني عروسه لغاليه....هي عروسه لغاليه 💃👏

يما ديريلي..ديريلي خجل ومردومه...هي خجل ومردوومه ..
خجل ومردومه وزفيني لزول سلومه..هي لزول اسلومه 💃👏

يما ديريلي ..ديريلي حديدة الأميره..هيييي حديدة الأمير
حديدة الأميره واعطيني لسمح السيره...هي لسمح السيره💃

يما ديريلي..ديريلي اليد الجريحه ..هيي اليد الجريحه ...اليد الجريحه واعطيني لناس مليحه..هيي لناس مليحه 👏💃👏

يما ديريلي..ديريلي دولاب امهني..هيي دولاب مهني ..دولاب مهني واعطيني لراجل واتهني..لراجل وتهنيي👏💃👏

يما ديريلي..ديريلي فرشه وصالون ..هي فرشه وصالون.. فرشه وصالون واعطيني لسمح اللون..هي لسمح اللون 💃👏

يما ديريلي ...ديريلي حولي الباطاطي..هيي حولي البطاطي
حولي البطاطي وعطيني لراجل مصراتي .هي.راجل مصراتي 👏💃👏

يما ديريلي..ديريلي حولي الياجوري ..هي حولي الياجوري.
حولي الياجوري واعطيني لواحد ترهوني..هي لواحد ترهوني 💃👏💃

يما ديريلي..ديريلي حنه قدامي ..هيي حنه قدامي ...حنه قدامي وشوكه في ولاد عمامي..هيي ولاد عمامي👏💃