اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ترا يدي بالتصوير باينه صغيره ولا بالحقيقه كبيره ههه مع هذي الاجواء الدراسه تذكرت اول ماصرت مستجد كنت توي قاصر لاني داخل بدري حيل للدراسه -على اساس فرق شي الحين- وكنت دايماً اجلس عند الممر اتأمل طلاب مستوى ثامن واحسدهم دايماً يتردد بمخي "ياحظه خريج" "اهب مابقى شي ويتخرج" "وقت الحسد" اتوقع ذاك الترم كل اللي على وشك التخرج سقطوا من عيني
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
أنا مع اي خريج ان شاء الله لو معدله صفر المهم مع اول ترم كنت اخاف من الغياب احسب غيابين يعطيني حرمان ولا ننسى اني اعبد الدرجات المهم صار ظرف وكان يوم ثلاثاء وفيه محاضره وحده بس اضطريت اغيب بس نومتي ماتهنيت فيها حلمت ان الدكتور ينادي باسمي وقت التحضير واقوله نعم ومايسمعني ويعيد على اسمي بعدها اقول نعممم وبرضوا مايسمعني! وطبعاً نعرف كيف حنا نصرخ بالحلم مايبان الصوت ابد واقول نعم ومايسمعني واسمه يقول غايب؟ اوك غايب وهكذا انتهى كابوسي قمت وانا متعرق واطالع الساعه الا هي ٨ و٤٠ دقيقه ومحاضرتي ٩ قلت هاه اروح؟ مايمدي تعبان والطريق لحاله ساعه ! قررت اكمل نومي بعدها حلمت ان الدكتور دق علي يقول شعندك غايب وطبعا مسكت جوالي كان جنبي وانا نايم ورديت قلت امم ايه نعم تعبان وبعدين استوعبت اني صحيت من غفوتي المريضه هذي ياعزتي للمستجدين والله كان ضيم ذاك اليوم لا أنا اللي داومت ولا اللي تهنيت طبعاً اضطريت اجيب عذر بس أنا بنفسي مارحت للمستشفى خليت صديق لي يطلع لي العذر ويوم وديته للدكتور من غبائي قلت له هذا عذري حق الاسبوع الجاي قال الجاي؟ قلت ايه قال ناوي بعد على الاسبوع الجاي!
