اهلين عندي اخت صغيره بالابتدائي كانت كللل سنه تبلع سحوري لما افطر أنا بعدها بنص ساعه انام واوصي اهلي يخلون لي من الفطور مثلاً بشاميل يوم اصحى القى اختي رنو بالعته كله ! ماتخلي لي شي! حتى تاكل بسرعه ! حتى لو ما سمت الشيطان مايمديه ياكل معها من سرعه اكلها وكل سنه اشكي لأصدقائي عن هذا الموضوع والسنه هذي متحمسين عشان ينتظروني قبل اذان الفجر بخمس دقايق اتبكبك عندهم ان رنو اكلت اكلي واني رايح الطشها قبل لا اصلي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الزبده انتم يوم كنتم صغار كان عندكم مسمى "كلب رمضان" للشخص اللي مايصوم؟ من الاطفال يعني هذا كان عندنا وابشركم كنت أنا رئيس كلاب رمضان صرت مستلم شفتات ابليس عقب ما انربط برمضان لدرجه انقهر اذا شفت شخص بعمري بذاك الوقت صايم واشجعه يفطر معي مثلاً مره ولد عمي تركي كان صايم وكان ماشاء الله مؤمن حييل من وهو بثالث ابتدائي وهو يصلي الصلوات بوقتها ويقرا قرآن وانا كنت زنديق منذ الصغر لدرجة مره قرصتني عقرب وعبالي بموت وخلاص تخيلت مقعدي جالس فوق حضن فرعون ومحتويني وجنبي ابو لهب وبجنبي الثاني عبدالملك الحوثي يعني من صغري كنت عارف اني زنديق المهم نرجع لموضوعنا كنت اعشق اعشششق اخلي احد يفطر معي لأن الذنب جماعه ارحم كنت اكل قدامه سمبوسه دجاج واتلذذ واقول اممم لذيذ يميي لين يقوم ويفطر معي وافضل شي؟ اذا شفته يقضم اول قضمه هذا انتصاري! وكنت على هالموال كل يوم لدرجه يسموني زعيم كلاب رمضان وفوق ذا كله كنت اول من يجلس على السفره وقت المغرب وفوق ذا اذا راح ابوي يجيب قشطه من البقاله اخاويه واشتري حلويات واذا جيت عند المحاسب اقول هذا اغراض شغاله كافر وانا الكافر! واغراضي واضح اغراض طفل ماهيب اغراض الشغاله حرفياً بيضه كندر وعصير فمتو الصغير ولا عصير كيس وبطاطس كرك كراك وبس والله
