دفتر تدوين ليومياتي مرئي للجميع

تحبني

تركت كل اشغالك وحياتك وجالس تقرا يومياتي؟ أنت واضح تحبني

المهم
اليوم بعطيكم طريقه
كيف تصبح خنيث
بما انك اكملت القراءه معناه النيه موجوده
وهذي اول خطوه
بالتوفيق ..

قبل كم يوم
كنت اسولف مع صديق لي
اني سويت شيء خطأ
واخاف انسجن عليه
طبعاً هو جلس يهوش لي ويخوفني
ويقول ياويلك ياويلك ياويلك
كنت اتعمد الثبات امامه ولا أنا طقوع
عموماً قطعنا الموضوع
قال انه بيروح يفطر
وانا كطبع ملقوف بالذات على الاكل قلت وش بتفطر؟؟؟
قال عدس وجلس يضحك 😭😭😭😭😭😭😭😭😭😭😭
عميقه والله
(العدس يقدم للمساجين كوجبه اساسيه)

صراحه هذي الفترة ادمنت دانكن
يعجبني حيّل
واحبه واحب الكروسسان بالجبنه حقه طعمه لذيذ وطري ومقرمش

أنا الشايب مستقعد للعمال اتوسل للدكتور انه يحذف شوي ويقول انتم كبار مو مستوى اول

المهم
قمت وانا جوعان
كلمت ابوي واتس قلت ابي فطور على اساس اني ابي اكل من برا قال طيب تعال للصاله
قمت ورحت للصاله ويوم جيت
قال اي وش تبي؟
قلت فطور
قال لا ، يلا الحين ارجع لغرفتك

ابوي ديكتاتوري

اليوم يتكلمون قروب الشعبه
عن الانمي
وعن حنا لو كنا شخصيات انمي
اطيب واحد بالشعبه قلنا هذا الهطف اللي يقدم كل الناس على نفسه من طيبته ويموت اول واحد
لين جاء دوري!

هذا أنا بالنسبه لهم!
وش ذا الظلم أنا بفريق الاشرار؟

ياربي أنا عبدك المظلوم!!!

وجالس اتشكى عند خويي خخخ

عموما
بتركوا لي
شريت بيانو
قريباً سأصبح بيتهوفن القرن
وصراحه البيانو كبير بس مو باين
بس فيه شي ثاني اكبر منه
طيرّي
امزح
قلبي والله
احبكم
شوفوه

ماعندي اغنيه بس دعواتكم اختباراتي اقتربت مررره