اليوم زعلت من اهلي لانهم ضايقوني وسوو شيء غلط بحقي بس محد مقتنع الا أنا وشكله بالنهايه بطلع انا الغلطان عموماً طول اليوم مسوي نفسي ما ابي اكل معهم ومجوع نفسي عشان يحسون على نفسهم وانتظرتهم لين ينامون عشان اروح للمطبخ واكل على راحتي المهم تأكدت ان الكل نايم وما اسمع اصواتهم يوم رحت للمطبخ لقيتهم كلهم فيه 😭😭😭😭😫😫😫 أنا يوم دخلت عليهم:
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
المهم تداركت الوضع واخذت كوب مويا ورجعت لغرفتي اندب حظي وجلست ادعي انهم ينامون بسرعه لاني مت من الجوع المصيبه ان دايماً غرفتي فيها اكل الا هذي المره ! صدق ياحياة الشقاء والعذاريب رجعت بعد كم ساعه ركضت للمطبخ اخذت اول شي شفته خبز وعدس ههههههههه اكل مسجون والله العظيم طبعاً من بعد هذي السالفه حذرت كل اخوياي اذا بيسوون شي غلط يتجهزون ويجيبون الاكل عشان يزعلون من اهلهم نبذه عن تعليمي 👇🏻
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
المهم اني تقضيت انا اكل بعد ومحد يدري وحطيته بغرفتي والمصيبه تذكرت بذاك الوقت ان السوني الجديد بينزل ، مين بيشتريه لي وانا زعلان وهم زعلانين وكل امه محمد زعلانه؟ هل راح اقاوم او تنهدم كرامتي واشحذهم يودوني لجرير عشان اشتري السوني؟ ليت عندي رخصه بس ! أنا فاشل بالسواقه يلعن حظي مدري وش الشيء الوحيد اللي أنا ناجح فيه بس اتوقع ناجح بسوء الحظ قضيت وقتي بغرفتي اني العب فديو قيمز بصوت واطي عشان مايحسبوني عايلتي سعيد ويأنبهم ضميرهم انهم زعلوني
بس لا حياة لمن تنادي!
عموماً جلست افكر بأشياء بنجزها ببداية السنه الجديده صراحه ابي اسوي انجاز اللي هو اني اقفز قفز مظلي بس بدون مظله المهم يتعس صباحكم هذي الماده كل ماذاكرتها يضيق صدري واضيق على اللي حولي!
