صحيت ادور لي على اكل الساعه ١٢ بالليل مالقيت شي قلت ابطلب من مطعم وطلبت وانا متاكد ان اهلي كلهم نايمين عشان اكل بسلام بدون محد يشحذني حبه بطاطس يوم وصل الطلب وفتحت علبه البرقر فجاه ! قام اكثر واحد دب من العايله يقول اما أنت طالب! معك فلوس! وماتعطي اخوك المسكين يلا الان نتقاسم الاكل! هذا اللي مايمديك تقول له صلي على النبي صدق قلت بعطيك بطاطس بس ولا البرقر خاطري فيه جلس يتكلم عن احسانه لي عام ٢٠١٥ يوم رجعني من دوامي وانا صغير وانه كان يشجعني يوم كنت بدوري المدرسه بسادس ابتدائي اشفقت عليه وقسمت له النص بالنص بس المشكله بلقمه خلص البرقر اللي قسمت له ورجع ينشب لي الخلاصه ماتهنيت بالوجبه ابد اكلت ١٥٪ منها والعجيب انه قال شرايك نروح للمطبخ نطبخ أنا وياك احس للحين ماشبعت للامانه أنا كنت جوعان بس مجرد شوفتي له ياكل احسني شبعت لقمه ورا لقمه وايت مو ادمي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
طلعت اخذ صوره مع قطوي ورجعت
بكرا بيبدا دوامي الرسمي واحزروا! ماعندي ولا اوف ! والله لو انه طب العجيب اني الترم هذا ضفت ماده ومن رداوه حظي هذي الماده صارت باليوم اللي المفترض يكون فيه اوفي كلمت دكتورنا الهندي بس ما فاد والان جالس اسمع اغاني هنديه عشان اذا كلمته اذا دوامت ارقص له واغني ويجون ناس وراي هنود يغنون معي ويقول ابشر بعزك بس بالهندي
مستحيل صح؟ المشكله هذا اشين دكتور للترم هذا ذكرني بدكتورنا وافي على طاري! لقيت تويتر دكتورنا وافي لقيته كاتب تغريده "سبحانك اني كنت من الظالمين" واتذكر يوم منقصني ٥ درجات بدون اي سبب كذا طناخه بغيت ارد عليه واكتب زين انك عارف انك من الظالمين بعدين فكرت قلت هذا مو اسلوبي ابكتب له "قصدك سبحانك انك لازلت من الظالمين؟" بعدين حسيت فيه شيء ناقص لازم اضيف سبه "قصدك سبحانك انك لازلت من الظالمين يالخنيث؟" بعدين حسيت ان حنا بعصر محمد بن سلمان وبتجيني قضايا جلست اتوسل لصديقي اليمني انه يكتب له بما ان مستحيل يتلونه قال أنا ما اقذف قلت مو لازم تقذف بس اكتب له اكتب له قال اللي تحبني بتشوف تغريدتي واطيح من عينها طيب أنا طاح قلبي بسروالي من الغبنه ومحد حس بعدين قلت امممم يلا ناخذ حقي منه يوم القيامه وانا ماخليت سبه ماقلتها فيه عند اخوياي
