.........................جعلنى القدر لغيرك.........................
....البارت السادس......
همس بارتياح لموافقه مامتها ... انشاء الله وانت رايك اي يا بابا
محمد ...أنا مش موافق
همس بزعل وحزن وقالت فى تحدى ....وانا عايزه اعرف حضرتك مش موافق ليه
محمد بصوت عالى نسبيا...انتى اي اللى يخليكى تشتغلى
وانتى مش ناقصك أي حاجه فملهاش لازمه انك تشتغلى
همس بحزن...ليه بس يا بابا أنا مقولتش انى ناقصنى حاجه بالعكس أنا مش ناقصنى حاجه بس انا عايزه ابنى مستقبلى وعايزه احقق كيان لنفسى ويكون ليا فلوسى الخاصه علشان خاطرى وافق يا بابا
محمد بعصبيه...اسمعينى يا همس أنا مش هعرضك أن حد يهينك أو يتحكم فيكى أو يعلى صوته عليكى وتبقى تحت رحمته انا حر أنا مش عايز بنتى تشتغل عند حد
همس بعصبيه ...يا بابا مش انا لوحدى اللى بشتغل كل البنات بتشتغل مش انا لوحدى يعنى وبعدين اي اللى هيخليه يهنى أو يتحكم فيا وأنا بشتغل وبدال بشتغل وبأدى واجبى من غير تقصير مش هيعمل حاجه من اللى فى دماغك يا بابا بالعكس ده هيحترمنى وهيقدر شغلى علشان خاطرى وافق بقى
محمد بتصميم ...وانا مش موافق يا همس ولو عملتى اللى فى دماغك هتبقى زعله كبيره بينك وبينى والمره دي مش هسامحك خلى بالك
همس بعند ...يا بابا علشان خاطري أنا عايزه اشتغل سبنى ابنى لنفسى مستقبل ويبقى معايا فلوس واقدر اجيب اللى أنا عايزاه وانا لما اشتغل واتعرف على ناس جديده هتساعدنى اني ابنى شخصيتى يا بابا ده غير انى عايزه اتحمل مسؤوليه شغل واعتمد على نفسى فى كل حاجه بالله عليك وافق
محمد بتصميم...أنا قولت اللى عندى مفيش شغل يعنى مفيش شغل
همس بعند ...انا اسفه يا بابا لاول مره هعصى كلامك أنا مصممه على الشغل وحضرتك لما تلاقينى ببنى مستقبلى فعلا والشغل أنا مرتاحه فيه هتعرف أن كنت صح وهتسامحنى
محمد بضيق ...بقى كدا يا همس ماشى اعملى اللى انتى عاوزاه بس من انهارده مفيش كلام بينا
هدى بتحاول تهديهم..أهدى بس يا محمد منسيبها تعتمد على نفسها وتشيل مسؤوليه مش هنخسر حاجه
محمد بعصبيه ...هدى أنا قولت اللى عندى أنا داخل انام
دخل محمد نام ومبقاش حد قاعد غير هدى وهمس
هدى... خلاص يا همس اصرفى نظر عن الشغل ده مش هتخسرى باباكى علشان الشغل
همس بتصميم..لا يا ماما أنا مرتاحه للشغل ده ودي فرصه بالنسبالى أنا مش هضيعها من ايدى عن اذنك يا ماما أنا داخله انام علشان هصحى بدرى علشان معاد تقديم الوظيفه
ودخلت همس تنام وعقلها مشتت ومش عايزه تخسر باباها بس هيا عايزه الشغل ده ومش مستعده تخسره وظبطط المنبه ونامت على أمل أن تحصل حاجه تخلى باباها يوافق
______________________
...تانى يوم الصبح ...
صحت همس على صوت المنبه قامت دخلت الحمام وغيرت هدومها لبست فستان كاجول رقيق وجزمه كعب وحطت لمسات خفيفه من الميكب اب وكانت حلوه وزى القمر وجهزت الورق بتاعها
التليفون رن وكانت منة ...
منة ..خلصتى يا همس
همس ..أها خلصت اهوا ونازله وانتى
منة ..وانا خلصت يلا هقابلك قدام الشركه
همس ..تمام يلا مع السلامه
وقفلت وطلعت ملقتش غير ماماتها ومامتها اول ماشافتها قالت... ماشاء الله قمر انشاء الله هتتقبلى فى الوظيفه
همس بحزن ...ماما خلى بابا يسامحنى والله مش بحب حد غيره بس انا عايزه اعتمد على نفسى فهميه علشان خاطرى يا ماما يلا أنا لازم انزل علشان متاخرش
هدى بابتسامه...حاضر يا همس هقوله يلا مع السلامه
___________________
قدام الشركه وصلت منة الأول وكانت لابسه بنطلون واسع وبليزر وجزمه كعب وحطه ميك اب خفيف وكانت قمر جدا
وصلت همس اول ما وصلت منة وهمس فى نفس الوقت قالوا...اي الحلاوه دي
همس وهيا بتضحك ...لا بجد قمر
منة بضحكه هاديه ....حبيبتى ده انتى اللى قمر الفستان تحفه
همس بابتسامه ..قلبى يلا مش هنقضيها حب فى بعض
.. دخلوا الشركه ...
همس بتوتر ...أنا مش عارفه هنكلم مين أنا خايفه اوى
منة بهدوء ...بطلى توتر هتوترينى مفيش حاجه لكل ده
منة برسميه سألت شخص كان معدى من جمبها قالت ..لو سمحت احنا جايين علشان الوظيفه الجديده فين مكان الانترفيو
"هو" اول ما شافها سرح فى جمال عنيها وقعد متنح ليها وفى حلاوتها ومردش عليها
همس وهيا بتهمس فى ودن منة ..هوا متنح كدا ليه
منة وهيا كاتمه ضحكتها على منظره ...مش عارفه بس منظره يضحك
منة وهيا بتحرك ايديها قدام عينه قالت... انت يا استاذ انت روحت فين نحن هنا
هو وقد فاق من شروده قال..احم أنا آسف اوضة الاداره اخر الطرقه ملفك اديه لموظفه الاداره وهيا هتسلمه للمدير
منة وهيا باصه في عيونه الخضرا وقالت...شكرا
هوا بابتسامه دخلت قلبها ..العفو
عطوا الملفين للموظفه وقالت لهم يستنوا دورهم وهيعملوا الانترفيو مع المدير انهارده ...
بعد شويه اتنده اسم همس ودخلت اوضه المدير ..
دخلت همس بتوتر وخوف واول ما دخلت شافت الشخص اللى كان واقف معاهم والشخص التانى مركز فى الملفات وقالها من غير ما يبص ليها... اتفضلى يا انسه همس اقعدى
همس بصوت هادى ..شكرا
"هوا" اول ما سمع صوتها ساب الملف ورفع وشه ليها واول ما شافها ركز فى جمال عيونها وفى كل تفصيله فيها وقال فى سره...هوا في جمال كدا وفضل مركز معاها ومش عايز يشيل عينه من عليها وحس كأنه يعرفها من زمان واول ما شافها قلبه دق لدرجه انه كان حاسس أنهم سامعين صوت دقات قلبه وفاق من شروده على صوت صاحبه وهوا بينده عليه
جاسر وشاف أنه صاحبه مركز معاها وقال يفوقه من سرحانه قبل متاخد بالها ...أسر يا أسر
Stop
أسر الجارحى شاب طويل ومفتول العضلات لديه جسم رياضى وعيون رومادي تسحر اي حد يشوفها ويمتلك لحيه خفيفه وبشره قمحيه ملامحه قاسيه عنيد وعصبى جدا باباه متوفى وعايش مع مامته عنده 28 سنه متخرج من كليه التجاره قسم اداره اعمال واتشارك مع صاحب طفولته وعملوا شركه استيراد وتصدير وبقت من أكبر الشركات في القاهره لاغى فكره الجواز دي من دماغه بس محدش عارف القدر مخبيله اي
جاسر المنصورى شاب طويل يمتلك جسم رياضى مفتول العضلات وعيون خضرا وبشره بيضاء بيحب الهزار عصبى جدا بس بيحاول يهدى عصبيته صاحب أسر من الطفوله وشغالين مع بعض متخرج من كليه التجاره قسم اداره اعمال عنده 28 سنه باباه ومامته متوفين عايش لوحده وبيعتبر مامت أسر مامته بيحبها جدا وهيا كذلك بتحبه زي ابنها..
Back
أسر وقد فاق من شروده وقال..احم انسه همس أنا أسر الجارحى وده جاسر المنصورى احنا صحاب الشركه وانا شايف أن حضرتك واخده كورسات كتير ومعاكى كذا لغه كل ده كويس بس انتى مش شايفه انك لسه فى كليه وممكن متقدريش توفقى بين الشغل والكليه
همس بثقه قالت..أنا لو كنت شايفه أن ممكن شغلى يأثر على دراستى مكنتش جيت انهارده انا بروح كليتى يومين فى الأسبوع يعنى أنا مش هقصر فى شغلى ولا فى دراستى انشاء الله
أسر بابتسامه هاديه قال...تمام انتى قدامك شهر بتكونى تحت التدريب وتقدرى تثبتى انك قد الشغل ده
همس بابتسامه عاذبه قالت...يعنى أنا اتقبلت
أسر بنفس الابتسامه ...ايوا مبروك هتكونى السكرتيره الخاصه ليا بس انا مبحبش التقصير فى الشغل خلى بالك
همس بابتسامه ...انشاء الله مش هقصر فى شغلى عن اذنكم
خرجت همس وقالت لمنة أنها اتقبلت ومنة فرحت جدا واتشجعت ودخلت لان دورها جه...
دخلت منة وشافته قاعد على كرسى المكتب وهمس قالتلها أن أصحاب الشركه هما اللى عملوا معاها الانترفيو
جاسر بابتسامه ...اتفضلى يا انسه منة
منة وقلبها بيدق بسبب الابتسامه اللى سحرتها وقامت باصه فى الارض بكسوف وقالت..شكرا
جاسر ...انتى صاحبه الانسه همس صح أصل انتوا معاكوا نفس الشهادات ونفس الكورسات وانتوا في سن بعض كمان
منة بهدوء ..ايوا احنا صحاب من ايام الثانويه
جاسر بفرحه وابتسامه وقال..تمام الانسه همس هتكون سكرتيره استاذ أسر وانتى هتكونى سكرتيرتى الخاصه
منة بفرحه أنها هتشوفه كتير الفتره الجايه وقالت...تمام يا فندم معلش هيا مواعيد الشغل هتبقى امتى
أسر بهدوء ...مدام منال هتديكى كل المواعيد وهتفهمك طريقه الشغل وبدايه الشغل من بكرا تمام
منة بابتسامه ...شكرا
وخرجت وعرفت همس انها اتقبلت وكانوا مبسوطين جدا
وراحوا لمدام منال وفهمتهم طريقه الشغل واديتهم كل المواعيد وخرجوا من الشركه
وكل واحده روحت على بيتها وهيا مبسوطه ...
___________________________
...فى البيت عند همس ...
همس وهيا داخله البيت ندهت على مامتها بسعاده وصوت عالى وقالت ..ماما يا ماما تعالى بسرعه
خرجت هدى من المطبخ وقالت ...فى اي يا همس خضتينى حد ينده كدا صرعتينى
منة وهيا بتضحك ...معلش يا ست الكل مش عايزه تعرفى اتقبلت ولالا فى الشغل
هدى بابتسامة ثقه قالت...بعد الفرحه اللى شيفاها على وشك اقدر اقول انك اتقبلتى صح
همس بسعاده قالت...ايوا يا ماما اتقبلت انت مبسوطه اووى
هدى بابتسامه هاديه قالت...ربنا يسعدك كمان وكمان يا بنتى
همس بزعل اول ما افتكرت أن باباها مش بيكلمها وقالت....قلتى لبابا حاجه هوا فين صحيح
هدى بضيق وحكت ليها اللى حصل
Flash back..
بعد ما رجع من الشغل واتغدى وقعد فى الصالون بيقلب فى التليفزيون بحزن وملل أن بنته عصت كلامه وصممت وراحت تقدم فى الوظيفه
هدى وقد قطعت تفكيره وقالت...علفكرا همس مغلطتش المرادى هيا عايزه تشتغل وتعمد على نفسها وتبنى مستقبلها لوحدها من غير مساعده من حد حتى لو الحد ده أهلها برضوا لازم تشيل مسؤوليه ودي مش هتيجى غير بالشغل
محمد بضيق ...وهيا خلاص راحت تقدم فى الوظيفه ومهتمتش برأي حد غير رأيها عايزه اي منى دلوقتى
هدى وهيا بتحاول تلطف الموضوع...انت عارف أن همس نفسها تشتغل من زمان ولما جت الفرصة وظيفه فى شركه كبيره ومحترمه مكنش ينفع تضيع الفرصه دي بس انت اللى بتحبها ومفكر أنها لما تشتغل يبقى كدا بتهين نفسها وبتبقى تحت رحمه حد تفكيرك غلط يا محمد
محمد بعصبيه وصوت عالى قال..هوا احنا اللى هنعيده هنزيده قفلى على الحوار ده خلاص هيا عملت اللى هيا عايزاه
هدى بعصبيه ...لا مش هقفل انت عارف أن همس متقدرش على زعلك لو جتلك واتأسفت ليك متزعلهاش هيا مغلطتش في حاجه
محمد وهوا قايم من على الكنبه قال بعصبيه...أنا سيبلك المكان وداخل انام
Back
همس بزعل ودموع قالت..طب اخش اتأسفله ولا اي
هدى برفض ...لا سبيه لما يهدى خالص مش هينفع دلوقتى انتى تخشى تغيرى هدومك علشان تتغدى
همس بزعل ...لا يا ماما أنا هنام شويه لما اصحى هاكل
هدى وهيا بطبطب على كتفها ...ماشى يا حبيبتي
_____________________
دخلت همس اوضتها غيرت هدومها وغسلت وشها وراحت قاعده على السرير واتكلمت مع ربنا بحزن وقالت...
انا عارفه أنه زعلان منى بس انا والله مكنتش اقصد أن اعصى كلامه يارب انا كنت عايزه اعتمد على نفسى واشتغل وابنى حياتى من غير مساعده من اي حد
بس انا واثقه أنه هيسامحنى ومش هيفضل زعلان منى
يارب ريح قلبى وبابا يسامحنى انت عارف ان مكنتش اقصد ازعله
وكانت زعلانه أن باباها زعلان منها وفى نفس الوقت مبسوطه انها اتقبلت فى الشركه ونامت من كتر التفكير وتعب اليوم....
بعد شهر على ابطالنا .....
يتبع...
ياترى محمد هيفضل زعلان من بنته لغايه امتى؟ واي المجهول اللى منتظر منة وهمس؟
