.............................روايه جعلنى القدر لغيرك......................
.......البارت الحادى عشر........
جاسر ولاحظ توترها وساب ايديها وقالها وهوا بيبص فى عنيها بتركيز وحب واضح عليه وقال... منة أنا بحبك
منة وقلبها بيدق بسرعه وبدموع مش مصدقه أنه اخيرا قالها انه بيحبها وقالت ....انت قولت اي
جاسر وهوا بيبوس ايديها بحب قال ...أنا بحبك وبموت فيكى كمان وبغير عليكى من الهوا الطاير أنا عمرى محبيت حد قدك ولا هحب بعدك عايزه اسمعها منك يا منة
منة وصدرها يعلو ويهبط بحب لما طلب منها يسمعها منها وقالت...هقولهالك لما نكون في بيت واحده
جاسر بفرحه وسعاده عمره محسها قبل كدا وقال...يعنى انتى موافقه
منة بابتسامه حب ... موافقه
جاسر باس راسها بحب وحنيه قال ...مش هخليكى تندمى على انك اخترتينى هكون امانك وسندك فى الدنيا
منة وافتكرت اللى اسمها چاسمين دى واتحولت 180 درجه وقالت....أنا عايزه اعرف مين چاسمين دي وكانت جاية ليه
جاسر بضحكه رنت فى أرجاء المكتب وقال بسعاده وحب ...انتى بتغيرى عليا ولااي
منة بتوتر وخجل قالت ...ولا هغير ولا حاجه فضول مش اكتر
جاسر وهوا يهز رأسه بتأييد وقال...بما أنه فضول فأنا مش هقولك مين چاسمين دي
ولف علشان يخرج وقف على صوتها اللى بقى بيعشقه وهيا بتقول ...اها غيرت عليك وهيا عماله تدلع وتهزر وتضحك معاك وانت كنت بتهزر معاها واتبسط لما شوفتها
انا عايزه اعرف كانت جايه عايزه اي
جاسر بحب لغيرتها وقال...أنا مببقاش مبسوط غير لما بشوف ضحكتك وبشوفك عمتا انت حبيبتى واختى وصحبتى وهتبقى انشاء الله مراتى المستقبليه يعنى هتبقى كل حاجه ليا عايزاكى تعرفى أن أنا بحبك وبحب وجودك وغيرتك وكل حاجه فيكى
وهقولك يا ستى علشان ترتاحى كانت جايه تعزمنى على فرحها واحنا كنا أصدقاء مش اكتر وده طبعا قبل ما اعرفك وبعد ما عرفتك بقيتى كل حياتى
منة بابتسامه عشق قالت...ربنا يخليك ليا يا جاسر
جاسر بحنيه قال.. ويخليكى ليا وردتى ها مش هتجيبى رقم باباكى
منة وقلبها بيدق بفرحه وخجل قالت...ماشى
وجاسر اخد رقم باباها وقرر أن بكرا هيكلمه بما أن بكرا اخر يوم امتحان لمنه وروحوا وهما مبسوطين لان كل حبيب هيلاقى حبيبه والعشاق هيكونوا مع بعض
_________________________
فى مكتب اسر الباب خبط ودخلت همس مكشره وقالت ...الشركه اللى فى دبى وافقت على شروطنا وبكدا نكون اتعاقدنا مع اكبر شركه فى دبى وده هيبقى سمعه كويسه للشركه
اسر وهوا قاطب جبينه باستغراب من تكشيرتها رغم أنها بتقول خبر حلو وقام راح واقف قصادها مباشره وقال...سيبك دلوقتى من التعاقد ومن الشركه مالك مبوزه لي كدا
همس وعنيها مدمعه وخلاص هتعيط
أسر بغضب وعصبيه لما شاف دموعها وبتحذير قال ....اياكى يا همس دموعك تنزل اياكى ميه مره قولتلك دموعك دي اغلى من انها تنزل علشان خاطر حد انتى فاهمه ولو شوفت دموعك دي تانى هيبقى ليا تصرف تانى معاكى
همس بأبتسامه حب مسكت أيده وقالتله ...أنا عايزاك تعرف أن مليش غيرك يا أسر ولو خبيت عنك حاجه فده علشان ببقى خايفه لتتعصب وتعمل مشكله
وانا مش عايزاك تعمل مشكله بسببى
أسر وهوا يمسك وشها بين كفيه قال....همس أنا مش عايزك تخبى عليا اي حاجه ومتخافيش يا ستى مش هعمل مشاكل بس متخبيش عنى حاجه
همس بتنهيده قالت....أنا احمد اتقدملى
أسر وهوا بيجز على سنانه بغضب وقال...كملى وعملتى اي
همس وحكت ليه على اللى حصل من اول معرفت بأنه عايز يخطبها لغايه مطردته برا وقالت ...بس مش دي المشكله يا أسر
أسر وقد هدأ نوعا ما لما عرف انها طردته وقال بقلق من أنها تحن وترجعله ....اومال اي
همس وهيا تبلع ريقها بخوف قالت..امبارح بعتلى رساله تهديد
أسر بصوت عالى وعصبيه قال...نعم تهديد هيا وصلت لكدا ده عايز اللى يوقفه عند حده هوا فكر علشان سكتناله اول مره هياخد عليها
وراح على كرسى المكتب واخد الجاكيت وكل ده وهمس بتحاول تهديه ووقفت قصاد الباب وقالت....أهدى يا أسر مش كدا شوفت أنا مكنتش عايزه اعرفك علشان كدا ممكن تهدا
أسر وهوا بيبعدها عن الباب وبزعيق قال...اوعى يا همس قلت
همس بدموع وخنقه فى صوتها وبقلق قالت ...علشان خاطرى يا حبيبي أهدى بس وهنتصرف بالعقل
أسر اتسمر مكانه وكأن الزمن وقف بيه فى اللحظه اللى قالت ليه حبيبى وقال وهوا مش مصدق ....انتى قولتى اي
همس بعياط هستيرى وخوف عليه قالت ...ايوا انت حبيبي وروحى وامانى وسندى في الدنيا انت حياتى الجايه اللى مبقتش اقدر استغنى عنها بس بالله عليك لتهدا وهنقعد نفكر بالعقل لانه مش مهددنى أنا ده مهددنى بروحى مهددنى بيك هيحرمنى منك يا أسر
أسر وهوا فى حاله زهول من اللى قالته وقرب منها ومسح دموعها بكفيه واخدها كلها فى حضنه بتملك وخوف الفقدان وفرحه بالاعتراف الواضح ومشاعر متلغبطه بس كل اللى يعرفه أنه مبسوط بحبها وحاسس أنه ملك الدنيا كلها بأديه وقال وهوا بيمسد على رأسها بحب....ممكن تبطلى دموع يا أميرتى
وخرجها من حضنه ومسك وشها بأديه وقال بهمس...انا بموت فيكى يا أحلى حب فى الدنيا بحب خوفك بحب غيرتك بحب عصبيتك بحب كل حاجه فيكى ماعدا دموعك لان دموعك دي اغلى من انها تنزل علشان واحد زي ده صدقينى هندمه على كل دمعه نزلت من عيونك وعلى كل وجع اتوجعتيه ربنا يخليكي لقلبى يا اميره قلبى
همس وارتمت فى حضنه بفرحه من كلامه وسعاده علشان لقت اللى هتكمل بقيت حياتها معاه وامل ان الدنيا خلاص هتضحكلها وحبت الشخص اللى واثقه من أنها هتلاقى الامان والسند فيه
همس وهيا فى حضنه ...ويخليك لروحى يا روح الفؤاد
وكملت همس بحزن....هددنى انى لو ارتبطت بيك هيبعدك عنى وهيفرق بينا وقالى متتعلقيش بالحب ده علشان همحيه
وخرجت همس من حضنه وبصت فى عنيه وقالت ...انت ممكن تبعد عني يا أسر مش هقدر على فراقك صدقنى
أسر بحب وعشق قال...وعد أن عمرى ما هبعد عنك فى يوم من الايام ولا هيقدر يبعدنى عنك انتى بقيتى ملك أسر الجارحى ومحدش يقدر ياخدك منى خلاص
ويوم محد يفكر أنا اللى همحيه من على وش الدنيا ومش هتردد ثانيه فى كدا وعلشان اثبتلك كلامى يلا بينا
همس بعدم فهم قالت...هنروح فين
أسر بحنيه وقال وهوا ماسك ايديها وخارج من المكتب ...هتقدملك رسمى يا أميره قلبى ويبقى يورينى هيعمل اي
همس بأبتسامه عشق واثقه انها اختارت صح المرادى اختارت راجل هيكون امانها فى يوم من الايام هيكون سندها هيحميها من اي خطر هيخاف عليها من الهوا ده اللى هيقدملها الحب والحنيه ....
__________________________
بعد ما خرجوا من الشركه ركبوا العربيه وهمس كلمت باباها وقالتله أن مديرها فى الشغل جاي معاها علشان عايز يقابله باباها استغرب بس قالها ماشى
خبطت همس على الباب محمد اللى فتح ....
همس بسعاده ولمعه عينيها واضحه وقالت....مساء الخير يا بابا
محمد بسعاده علشان فرحه بنته اللى ميعرفش سببها وقال ...مساء النور يا قلب ابوكى
همس بابتسامه هاديه ....بابا ده أستاذ أسر الجارحى مديرى فى الشغل
أستاذ أسر ده بابا المهندس محمد مهندس معمارى
أسر بابتسامه ....تشرفت بمعرفتى بيك يا عمى
محمد بابتسامه لانه ارتاح ليه ...الشرف ليا يا بنى اتفضل يا حبيبي
دخلوا الصالون وقعدوا وهدى قدمت عصير وكيك وقعدت معاهم
أسر بسعاده قال....عمى أنا جاي طالب ايد بنت حضرتك همس
محمد وهدى بفرحه لما شافوا ابتسامه همس وهوا بيطلب ايديها وقال....بص يا بنى أنا مقدرش اديك رد دلوقتى غير لما اسال عليك واعرف عنك تفاصيل اكتر
بس انا مرتاحلك وشكل همس بنتى موافقه مقدما ادينى يومين وارد عليك
أسر بفرحه وابتسامه حب قال وهوا بيستاذن ....تمام يا عمى بس معلش متتاخرش عليا فى الرد لو سمحت
محمد وهوا يهز رأسه بالموافقه وقال بمرح...انت مستعجل اوى على كدا
أسر بابتسامه جذابه وهوا ينظر لهمس وقال...اوى اوى يا عمى عن اذنك
محمد بسعاده لحبهم قال...اتفضل يا بنى
مشى أسر ومحمد سأل همس وقالها... بتحبيه يا همس
همس بابتسامه خجل ومردتش عليه
محمد بسعاده لخجل بنته وقال ..يبقى على خيره الله بس اسال عليه برضوا وهرد عليكوا
وهدى باركت ليها بفرحه ام وقالت...الف مبروك يا حبيبتى مش بقولك شويه وهتسبينا وتمشى
همس وهيا على وشك العياط ...ربنا يخليكي ليا يا حبيبتى
هدى وهيا بتمسح دموعها ..ويخليكى ليا يارب ويفرحك كمان وكمان...
ودخلت همس ترتاح وتنام شويه علشان تصحى تذاكر اخر ماده عندها بكرا
بس دخلت اوضتها وهيا الفرحه ملازماها والإبتسامة على وشها مراحتش ...
"الحب نوعين حب يخلى البنت الابتسامه على وشها متروحش حب بينور الوش وفي حب بيطفى الحبيب ويوجعه ويكسره وفى كل مره الكلمه اللى بتتقال أسف كلمه ملهاش معنى كلمه بتتقال علشان الامور تعدى ويرجعوا يعملوا نفس اللى بيعملوه فى النهايه الموضوع بيتلخص فى كلمه "الاختيار" الاختيار لو صح فى الاول حبك هيبقى صح وهتنتهى بسعاده والاختيار لو غلط هيبقى حبك غلط وبالتالي هتنتهى نهايه موجعه .....
__________________________
....في بيت أسر وبالاخص فى الصالون ....
منى بفرحه متتوصفش...بتتكلموا جد يولاد ولا بتهزروا
جاسر بضحكه عاليه ...يا ست الكل بقالنا ساعه بنحلف ليكى أن أنا اعترفتلها بحبى وبكرا هكلم باباها وان أسر اتقدم خلاص وانتى مش مصدقانا
منى بسعاده وقامت فجأة مزغرطه وقالت ....الف مبروك يا ولاد فرحتونى والله
أسر وجاسر مبسوطين لفرحتها ..
أسر وهوا بيبوس ايديها ... الله يبارك فيكى ويخليكى ليا يارب
وجاسر وهوا بيبوس رأسها ... الله يبارك فيكى يا ست الكل
وعدوا اليوم على ابطالنا بسعاده وكل واحد دخل ينام وهوا بيفكر فى معشوقته اللى سلبت روحه من اول نظره وقلبه دق ليها قلبه اللى اول ماشافها لقي نصه التانى اللى طول عمره بيحلم يلاقيه وأخيرا القدر جمعه بيه ....
____________________
...تانى يوم فى الكليه ...
همس بسعاده وتنهيده...اخيرا خلصنا امتحانات
منة بابتسامه قالت...ايوا لا وكمان هنتخطب فى نفس اليوم بجد أنا مبسوطه أننا اخيرا لقينا الحب اللى مستنينه من زمان وكنت دايما اقولك هنلاقى الحب بس نستنى ونشوف القدر مخبيلنا اي
والحمدلله طلع مخبيلنا حب حقيقى حب مبيجيش غير مره واحده بس
همس بتأييد لكلمها....عندك حق ربنا يديم فرحتنا يارب
وفجأة تليفون همس رن جتلها رساله ...
فتحت همس التليفون واول ما قرأت محتوى الرساله محستش بحاجه غير دموعها اللى بتنزل فى صمت والتليفون وقع من ايديها وفجأة قالت...الحقينى يا م
ومكملتش الكلمه ووقعت مغمى عليها ..........
يتبع.....
