.......................جعلنى القدر لغيرك..................................
...البارت الرابع ....
همس بحزن ...بابا احنا سيبنا بعض كل واحد هيكمل فى طريق اللى اختاره بارداته واحنا اختارنا أننا نبعد
محمد وهدى بصدمه من اللى بتقوله همس وقالوا فى نفس الوقت...همس انتى بتقولى اي ازاى يعنى
محمد بهدوء...هوا مش انتى قولتى أن باباه وافق اي اللى جد بقى فى الموضوع
همس بصوت مخنوق وقالت وهيا بتقلب فى طبقها...هوا قالى كدا لما سألته على رأي باباه قالى كدا وفجأة غير كلامه وقالى بابا مرداش يساعدنى وانا هسافر اعتمد على نفسى وأبقى ارجع فقولتله ماشى وكل واحد يشوف مستقبله يا بابا
محمد بارتياح قال...كدا احسن انتوا لسه صغيرين على كدا
كل واحد يبدأ يشوف مستقبله
اهم حاجه متبقيش زعلانه يا روح بابا ماشى
همس وهيا على وشك العياط ..لا يا بابا أنا مش زعلانه هزعل ليه كل واحد حر في قراراته
هدى بابتسامه...كدا احسن زي ما قال باباكى انتى داخله ثانويه عامه ومحتاجه تركيز علشان تجيبى مجموع كبير
همس وهيا قايمه من على الكرسى...عندك حق يا ماما أنا هقوم ادخل اوضتى لو عوزتى اي حاجه اندهيلى
هدى بابتسامه ...ماشى يا حبيبتي
__________________________
..في اوضه همس ..
همس وهيا قاعده على السرير وبتعيط قالت...أنا عارفه انى كذبت عليكوا بس مكنش ينفع اقولكوا أنه ضحك على بنتكم وطلع بيلعب عليها ومبيحبهاش
وفجأة التليفون رن وقطع أفكارها ردت همس
همس بصوت مخنوق...الو
منة بابتسامه ..همستى عامله ايه يا قلبى
همس بابتسامه حزينه ... الحمدلله وانتى عامله اي
منة بحزن على صاحبتها...أنا كويس يا حبيبتي
همس وقررت انها تتكلم وتفضفض مع حد حاسه انها لو فضلت كاتمه في قلبها هتموت وقالت ....منة انتى في البيت
منة باستغراب ...اها عايزه حاجه اجبهالك
همس بسرعه ... لالا أنا هجيلك البيت عايزه اتكلم معاكى شويه
منة بسعاده قالت ...تنورى يا قلبى تعالى أنا مستنياكى
همس بابتسامه على سعاده صحبتها ...ماشى هستاذن ماما والبس واجي
وقفلوا مع بعض وهمس طلعت استأذنت مامتها أنها تروح لصحبتها منة ومامتها وافقت ودخلت همس تلبس علشان تروحلها
...عند منة ...
منة قالت لمامتها أن همس جايه ومفيش شويه وكانت همس بتخبط على الباب
منة بابتسامه وهيا بتحضن همس ...همستى تعالى وحشتينى
همس وهيا بتحضنها قالت...وانتى كمان وحشانى اووى
وفي كلام كتير عايزه احكهولك
منة وهيا بتشدها من ايدايها ناحيه أوضاتها قالت ...تعالى ندخل اوضتى علشان تعرفى تتكلمى براحتك
همس ...ماشى يلا
ودخلوا قعدوا على السرير ومنة قالتلها ...ها يا ستى اي اللى انتى عايزه تقولوهولى
بدأت همس تحكى اليوم اللى اتحفر في ذاكرتها ومش قادره تنساه وهيا بتحكى لمنة كانت بتعيط وصوت شاهقتها بتعلى مع كل كلمه بتقولها
منة وهيا غير مصدقة قالت...مش ممكن اكيد فى حاجه غلط منين قال لباباه قبل امتحاناتنا وهوا وافق ومنين جاي دلوقتى وبيقولك أنه مبيحبكيش فى حاجه غلط في الموضوع
همس وهيا بتمسح دموعها قالت...اي الغلط يا منه عادى واحد حس أنه ادبس في خطوبه ووجع دماغ وقال يبعد قبل ما يتم اي حاجه مع أن هوا اللى اجي قالى أنه بيحبنى وهوا اللى قرر يقول لأهله مش انا اللى أجبرته وهوا اللى جاب الفكره أن باباه يساعده اننا نتخطب وهوا يسافر ويكمل تعليمه برا وانا اشوف مستقبلى هنا ولما هوا يخلص تعليمه ويشتغل وانا مثلا ابقى في كليه هيرجع ونتجوز ده كان اتفاقه معايا يا منة
طلع انانى كان كل همه أنه يسافر وميهموش حد اهم حاجه مستقبله وأنه يسافر ويبعد عن باباه
منة وهيا متلغبطه ومش مصدقه ...طب ما يمكن باباه مرداش بالموضوع ده بس مرداش احمد يقولك قبل الامتحانات علشان تقدرى تجيبى مجموع وميشغلش دماغك وبعد الامتحانات جابها فى أنه مبيحبكيش
همس وهيا بتبصلها قالت...منة أنا بجد كرهت سيرته مبقتش عايزه اسمع حتى اسمه هوا قال اللى عنده خلاص وفعلا احنا لسه صغيرين كل واحد يشوف حياته ومستقبله بعيد عن التانى كدا احسن للكل
منة وهيا بتبصلها بتحدى قالت..وانتى هتقدرى تحبى حد تانى وتتجوزى وتكملى حياتك مش ده اللى مكنتيش بتقدرى يعدى اليوم من غير ما تكلميه
همس وعيونها مليانه دموع قالت ...وكان مقابل حبى ده اي كان قصاده اي اقولك أنا كان قصاده وجع وكسره قلب وضعف وخوف كان قصاده حاجات كتير غير اللى أنا كنت منتظراه منه
على العموم اها هقدر هنساه وهشوف مستقبلى وحياتى الحياه مش هتقف عند حد بنقع ونقوم تانى بنتوجع ونكمل عادى بتبقى ضعيفه وبعد كدا بتقوى
بتبقى خايفه وبيجي اللى يطمنك
منة بحزن على صاحبتها ...ربنا يريح قلبك يا همس وتقدرى تنسى فعلا
همس بتصميم ...هنسى وهتشوفى لازم أنساه يا منه علشان لو منستهوش مش هتبقى عندى كرامه وهيفضل قلبى يتوجع اكتر
منة وقامت حضنت همس وقالت ... انشاء الله هتنسى وربنا هيريح قلبك ويبعتلك اللى ينسيكى كل ده فى الوقت المناسب
همس قضت اليوم مع منة وكانت مبسوطه وبعد كدا روحت همس..
...في البيت...
دخلت همس وسلمت عليهم وقعدوا كلهم مع بعض وهزروا وضحكوا وهمس بدأت تنسى وتتعايش مع الأمر الواقع
..ساعات الزمن بيجبرنا أننا ننسى الماضى علشان نقدر نكمل حياتنا صح ..
ونسيان الماضي مش حاجه وحشه بالعكس بتبقى حاجه حلوه خاصه لو الماضى مليان وجع ومليان ذكريات مؤلمه تحكم علي الانسان النسيان ..
_____________________
..بعد مرور تلات سنين...
همس كانت متفوقه في دراستها جدا وجابت فى الثانويه العامه 98% وكانوا أهلها مبسوطين ودخلت كليه اقتصاد وعلوم سياسيه
أما بالنسبه الماضى فهى نسيته كليا وركزت في مستقبلها ودراستها وبس
منة كانت متفوقه زي همس وجابت 97.5% ودخلت نفس الكليه اقتصاد وعلوم سياسيه
وكانوا مبسوطين أنهم دخلوا نفس الكليه وهيبقوا مع بعض
وفي يوم اتقدم لياسمين عريس واهلها وافقوا عليه وهدى ومحمد وهمس بيجهزوا علشان رايحين الخطوبه
وهمس كانت متطمنه علشان احمد مسافر ومش هيحضر الخطوبه
راحوا الخطوبه وأما واصلوا البيت..
محمود بأبتسامه وهوا بيسلم على محمد قال...هوا انت مبتجيش غير فى المناسبات وحشنى جدا والله
محمد بابتسامه ...وانت كمان وحشنى معلش بقى انت عارف همس كانت في ثانويه عامه وكلنا كنا جمبها
الف مبروووك لياسمين
محمود بابتسامه ...لا ولا يهمك الله يبارك فيك عقبال همس
محمود موجها كلامه لهمس ...عقبالك يا حبيبتي
همس ببرود ولامبلاه قالت ..شكرا
ودخلوا قعدوا وسلموا على الكل وكانوا كلهم مبسوطين
وهمس كانت واقفه بتصقف ومبسوطه وفجاءه سمعت صوت حد بيتكلم من وراها وبيقول ..لسه حلوه زي ما انتى متغيرتيش
ولفت علشان تشوف مين كانت الصدمة غير متوقعه انها تشوفه بعد السنين دي
همس بصدمه والماضى بيمر عليها كأنه شريط بيفكارها بكل حاجه حصلت وقالت ....انت
احمد بابتسامه وهوا ينظر لها بحب وقال...عامله اي يا همس
همس وهيا بتفوق من صدمتها قالت ..كويسه ولفت علشان تصقف تانى كأنها مشافتش حد
هوا زعل جدا وقال في سره الايام مقدرتش تنسيكى يا همس ولا تغيرك لسه زي ما انتى حلوه
وراح سلم على أخته ومامته وباباه والعيله ووقف معاهم علشان يشاركهم فرحتهم
همس اول ما شافته كانت عايزه تمشى بس حبت تثبت لنفسها وليه أنها نسيته ومبقاش يهمها وخلصت الخطوبه والناس كلها مشت ماعدا محمد وهدى وهمس واخواتها
همس ببرود قالت ... ماما قولى لبابا يلا علشان صدعت من الاغانى وعايزه اروح
هدى بابتسامه قالت ...حاضر يا حبيبتي.
هدى وهيا بتجهز حاجتها قالت ...يلا يا محمد نمشى علشان همس صدعت من الاغانى وعايزه اروح ترتاح شويه .
احمد بحب قال..لسه زي ما انتى مبتحبيش الدوشه ولا صوت الاغانى العاليه
همس وقلبها بيدق لما سمعت صوته وحاولت تتكلم عادى...اها الصوت العالى بيجبلي صداع
محمود وهوا موجه كلامه لاحمد ....هوا مش انت قولت مش جاي اي اللى غير رايك
احمد ببرود قال...أنا فعلا مكنتش جاي بس عمو قالى مينفعش لازم اروح علشان اقف جمب اختى الوحيده ومسبهاش لوحدها فى يوم زي ده
محمود بابتسامه قال...لا عملت الصح اختك كانت زعلانه انك مش هتيجى
قعدوا شويه وقاموا مروحين واليوم عدى على العيلتين وكانوا كلهم مبسوطين
_______________________
في البيت عند محمود
سلوى بحب قالت ...وحشتنى يا حبيبي عامل اي
احمد وهوا يبوس ايديها ...كويس يا قلبى الحمدلله انتوا اللى عاملين ايه
سلوى ..احنا كويسين يا حبيبى
وقامت قالت بصوت واطى ..ابوك اتغير خالص بقى طيب وحنين ابقى كلمه حلو يا احمد طريقه كلامك معاه انهارده معجبتنيش ده مهما كان باباك
احمد وهوا مضايق ...ماما لو سمحتى اقفلى على الموضوع ده انا هسافر على اخر الاسبوع يعنى مش قاعد فسبينى الاسبوع ده قاعد معاكوا من غير مشاكل ماشى
وسابها ودخل اوضته
اول ما دخلها شاف صوره هوا وهمس وقال ...ياه يا همس وحشتينى اوووى يا همستى بس شكلك نستينى وبقتيش تحبينى زي الاول
لما سبتك كان غصب عنى والله كل حاجه كانت غصب عنى سامحينى يا همس
وقام غير هدومه واتوضى وصلى بنيه ان ربنا يريح قلبه
________________________
...في البيت عند محمد ...
هدى موجها كلامها لمحمد قالت....انت اخدت بالك أن محمود متغير مكنش كدا ده مكنش بيطقنى ولا أنا ولا همس
شوفته وهوا بيكلم وبيهزر مع همس
محمد وهوا مستغرب...فعلا أنا لاحظت كدا كان مبسوط وبيتكلم بأسلوب حلو
كويس أنه اتغير علشان يلحق يعوض عياله ويعاملهم كويس ويحسسهم بحبه ليهم
هدى بابتسامه قالت...عقبالك يا همستى
همس وهيا بتبوسها من خدها ..حبيبتى يا ماما بس لسه بدرى مش دلوقتى
هدى بابتسامه قالت...كل شئ بأوانه حلو
_________________________
دخلت همس اوضتها غيرت هدومها وقعدت على السرير وافتكرت كل اللى حصل زمان وقالت ..أنا ليه افتكرت أنا كونت نسيتك خلاص اي اللى رجعك دلوقتى
انا مكنتش عايزه اشوفك مكنتش عايزه افتكر أنه في يوم حبيت واحد زيك
انا مكرهتش حد قدك انت اكتر حد وجعنى عمرى ما هنسى اليوم اللى كسرتنى فيه بكل برود
همس وهيا في صراع مع نفسها جالها رساله على التليفون بتفتحها تشوف مين اللي بعت رساله
همس اول ما شافت الرساله اتصدمت كان احمد بعتلها بيقولها كنتى زي القمر انهارده لسه زي ما انتى حلوه بالعكس ده انتى احلويتى اكتر
همس بعصبيه قالت ازاى يجيله الجرأه أنه يكلمنى أنا هعرفك انك لازم تحط حدود ومتتعدهاش علشان متحصلش مشكله
وكتبتله وهيا متعصبه وقالت.........
يتبع..
