......................روايه جعلنى القدر لغيرك..........................
......البارت العاشر.......
محمد بابتسامه وفرحه قال....احمد جاي طالب ايدك وعايز يخطبك
همس بصدمه وعيونها مفتوحه بزهول من اللى سمعته وقالت...مش ممكن ده يحصل
محمد وهدى بصدمه من اللى قالته محمد....همس انت بتقولى اي يا حبيبتي مش احمد ده اللى كنتى بتحبيه
احمد ومحمود بثبات لأنهم كانوا متوقعين ردها ومحمود حذر احمد من الخطوه دي ومع ذلك احمد صمم
همس بهدوء قالت...كنت بحبه قبل ميظهر على حقيقته ويطلع بالانانيه دي
محمد وهدى مش فاهمين حاجه من الألغاز دي واتكلمت هدى بعصبيه وقالت...متفهيمينا يا همس وبطلى تتكلمى بالغاز اي اللى حصل خلاكى تبطلى تحبيه وترفضى كدا
همس بهدوء وبأبتسامه بارده قالت...فاكرين لما قولتلكوا أننا اختارنا نبعد ونركز فى مستقبلنا بس وساعتها قولتولى كدا احسن ليكوا
هدى ومحمد متابعين كلام همس باهتمام ومحمود بيأنب ضميره وندمان على اللى عمله
محمود بندم قال...يا همس يبنتى هوا ملوش دعوه أنا
قطعت همس كلامه وقالت ....أنا مخلصتش كلامى يا عمو أنا عارفه كل حاجه
همس بتنهيده حكت كل حاجه حصلت فى اليوم ده وازاى سابها ووجعها
وقالت وعنيها مدمعه...بس انا كنت عارفه أن عمو هوا السبب واكيد خيره بين أنه يفضل معايا وأنه يسافر والبيه اختار أنه يسافر ويشوف مستقبله مع انه كان ممكن يفضل معايا ويكمل تعلميه هنا ويشتغل وانا كنت هستناه بس هوا اختار الحل المناسب ليه وهوا البعد بحجه أنه باباه هوا اللى فرض عليه كدا بس الحقيقه أنه انانى وجاي دلوقتى يخطبنى يبقى بيحلم أنا عمرى ما ندمت في حياتى غير لما حبيتك انت اكبر ندم بجد أنا كرهتك
محمد وهدى بصدمه ومش مصدقين أن بنتهم اتوجعت كدا ومقلتش وقدرت تعدى الفتره دي لوحدها
محمد بعصبيه وبصوت عالي...الكلام ده صح يا احمد
احمد بندم ...أنا آسف يا عمى بس
محمد قاطع كلامه وقال...أنا كنت مفكرك راجل يعتمد عليه وثقت فيك وانت خيبت ظنى انت وجعت وقهرت بنتى وهيا مقالتش حاجه وقررت تبعد من غير متعمل مشاكل بين الاهل وفضلت كاتما فى قلبها وفى الاخر جاي بكل بجاحه تخطبها امن عليها ازاى معاك تانى بعد مخيبت ظنى فيك وطلعت مش راجل
احمد بغضب قال...يا عمى أنا راجل غصب عن عين اي حد
انا لما بعدت كان لازم علشان ابويا خيرنى بين انى اسافر وأشوف مستقبلى واشتغل على حلمى أو افضل هنا بس انا اخترت أبعد علشان ابويا مكنش هيسبنا فى حالنا وقولت اشتغل واكمل تعلمى هناك وارجع اتجوزها مغلطتش لو كنت فضلت هنا مكنتش هحقق اى حاجه من اللى كنت بحلم بيها صدقنى يا عمى أنا لسه بحبها
همس بعصبيه وصوت عالى ...أنا آسف يا بابا بس انا بقيت بكرهك وطول ما انت مش هتشوف نفسك غلطان طول طول ما هتفضل تغلط وتبعد وتبرر بعدك أو غلطتك وانا مبقتش افكر فيك خلاص
كان ممكن تكمل تعليمك هنا وتشتغل وتعتمد على نفسك وتحوش فلوس وبعد كدا تسافر لكن لا اختارت السهل
واللى يبيع مره هيبيع الف مره أنا خلصت كلامى وياريت متفتحش الموضوع ده تانى يا احمد
احمد وهوا بيجز على سنانه بغضب وعصبيه قال...لو مش هتبقى ليا مش هتبقى لغيرى ولو حد حاول صدقينى همحيه من على وش الدنيا
همس بعصبيه لمجرد ما بتحس أنه عايزاها عيند وخلاص وقالت ..اطلع برا
احمد وهوا بيبص فى عنيها من غير ميتكلم
همس بصوت عالى...انت سمعت أنا قولت اي اطلع برا يا احمد
خرج احمد من البيت ..
همس بتهدى نفسها وقالت ....ماما بابا انا اسفه انى اتكلمت فى وجودكوا وطردتوا
محمد بهدوء قال...انتى عملتى الصح يا همس واخدتى حقك منه خلاص الموضوع ده مش هيتفتح تانى
سلوى ومحمود استأذنوا بحرج قالوا ..احنا هنمشى احنا
محمد من غير ميبصلهم قال....اتفضلوا شرفتوا
ومشوا من البيت ومبقاش حد قاعد غير هدى وهمس ومحمد
محمد بتنهيده قال ..... مقولتلناش ليه يا همس
همس وهيا بتبوس ايديه ...حبيبى مكنتش عايزاك تشيل همى وانا مأخدتش وقت ونسيته خلاص ومردتش اسبب مشكله للعيلتين وفضلت افضل ساكته بس هوا اللى مصمم يرجع كل حاجه ومش مقتنع أن اللى فات مش هيرجع تانى ده غير أنه كان حب مراهقه هيتنسى هيتنسى
محمد وهوا يربط على رأسها بحب قال...ربنا يباركلى فيكى ويرزقك بابن الحلال اللى تحسى معاه بالامان والاطمئنان وانا واثق انك هتلاقى الحب ده
همس بحب قالت ...ويباركلى فيك يا حبيبي
هدى بسعاده لشجاعه بنتها قالت...تعالى فى حضنى يا همس
هدى حضنت همس بسعاده وقالت ربنا يبارك لينا فيكى .
واستأذنت همس علشان ترتاح وتصحى تذاكر علشان امتحاناتها على الابواب
وهدى ومحمد داخلوا يناموا ..
_________________________
...في بيت أسر وبالاخص على السفره ...
منى بفرحه...يعنى انت حبيتها بجد
أسر بابتسامه ...اها والله معرفش امتى بس كل اللى اعرفه ان انا حبيتها ومبستحملش عليها أي حاجه بس هنقعد فتره نعرف بعض اكتر وبعد كدا هتقدملها رسمى
منى بفرحه....ربنا يسعدك يا حبيبى يارب
وانت يا جاسر اى مش ناوى تعترفلها بدل ما انت سايبها كدا وفى الاخر تلاقيها اتخطبت
جاسر بعصبية قال...طب خليها كدا بس تفكر وشوفى أنا هعمل اي ال حد يخطبها ده انا كنت قتلته وقتلتها علشان فكرت تتخطب لحد غيرى
أسر وهوا بيضحك قال....أهدى يا عم الحمش انت
منى بسعاده علشان غيرته الواضحه ...طب مهيا هتعرف منين انك بتحبها لازم تقولها يا جاسر اسمع كلامى يا حبيبى خلينا نفرح بيكوا
جاسر بابتسامه وهوا بيبوس ايديها قال...انشاء الله يا ست الكل هتفرحى بينا
منى وهيا بتدعى من قلبها....يارب يا حبيبى ويريح قلبكوا اللهم امين
أسر وجاسر كل واحد باس ايديها بحب وقالوا ...اللهم امين..
واليوم عدى على ابطالنا بسعاده وفرحه ماعدا واحد مازال بيخطط علشان يوصلها
_______________________
..بعد اسبوع على ابطالنا ..
أسر وهمس اخدوا على بعض ومعدوش يقدروا يستغنوا عن بعض وفهموا بعض اكتر وأسر مستنى تخلص امتحاناتها وهيتقدم ليها رسمى
منة وجاسر حبهم بقى باين اووى بس جاسر مستنى شويه وبعد كدا هيقولها أنه بيحبها وهيتقدم ليها رسمى بس هوا مش عايز فتره خطوبه عايز يتجوزها بس خايف ترفض وتصمم انها مش هتتجوز غير لما تخلص كليتها ..
منة وهمس بدأوا امتحاناتهم ومبسوطين جدا علشان قربوا من أسر وجاسر
ومنة مبسوطه انها اخيرا لقت الحب اللى بتتمناه وبقت عايزه كل يوم تشوفه علشان كدا مستنياه يقولها أنه بيحبها بفارغ الصبر
همس مبسوطه وحاسه أنه أول حب ليها لأنها مبقتش قادره تستغنى عنه وبقت واثقه أنه امانها وسندها وبقت أسرارها كلها معاه وهوا كذلك
بس خايفه ليبعد عنها خايفه يجي اللى يفرقها عنه ساعتها هتنهار بجد مش هتقدر على بعده ولو كانت قدرت اول مره مش هتقدر تبعد عن أسر لانها ببساطه محبتش حد غيره ..
_______________________
...فى الشركه وفى مكتب منه ...
منة وهيا مركزه على الملفات اللى قصادها سمعت صوت بنت وهيا بتقول...لو سمحت استاذ جاسر موجود
منة بغيظ منها ومن طريقه لبسها ..وحضرتك مين
هيا بدلع قالت...قوليله چاسمن وهوا هيعرفنى علطول
چاسمن بنت متوسطه الطول عيونها بنى وتمتلك بشره بيضاء وشعرها احمر طويل مفرود على ضهرها وحاطه مكيب كامل ولابساه جيبه قصيره فوق الركبه وبدى كات وعليه جاكيت جلد وكعب عالى
كانت حلوه ولبسها مغرى بطريقه اوڤر
منة بضيق من طريقه لبسها وقالت ...ثوانى هبلغه
دخلت منة مكتب جاسر من غير متخبط
وجاسر استغرب من طريقه دخولها فجأه وقال..فى حاجه يا منة
منة بغيره ونرفزه قالت...انت تعرف حد اسمه چاسمين
جاسر وهوا قاطب جبينه بعدم تذكر قال...چاسمين مين
وقبل ما ترد منة كانت چاسمين داخله المكتب بابتسامه وقالت...أنا يا جاسوره
جاسر بابتسامه وتذكر وهوا بيسلم عليها قال...چاسمين هوا انتى وحشانى جدا
چاسمين دي صديقه لجاسر من زمان ومن فتره رقمها ضاع من جاسر ومتكلموش بقالهم كتير فأجت تزوره
چاسمين... وانت كمان يا جاسر والله عامل اي مبتسألش يعنى
جاسر بحرج قال...معلش يا چاسمين والله رقمك راح من التليفون ومعرفتش اوصلك
كل ده ومنة واقفه والغيره هتموتها وعايزه تروح تخنقها علشان عماله تتدلع على جاسر
منة اخيرا ...احم عن اذنكم
جاسر وهوا منتبه لمنة قال...ده انا نسيت انك واقفه يا منة معلش
منة بحزن وخلاص دموعها هتنزل قالت..معلش مهو من لقى أحبابه نسى أصحابه عادى يا استاذ جاسر عن اذنك
جاسر واستغرب دموعها اللى بتحاول تتحكم فيا وقال ...ماشى يا منة
خرجت منة من المكتب وقلبها واجعها ودموعها نازله على خدها وقالت ....يبقى مكنش بيحبنى ده اول ما شافها كأنه كان عايز ياخدها فى حضنه وكان مبسوط أنه شافها
واتكلم معاها ونسى انى واقفه ماشى يا جاسر ماشى أنا انهارده هعرف إذا كنت بتحبنى ولا لا
____________________________
بعد شويه مشت چاسمين من عند جاسر ..
وجاسر راح لمنة مكتبها اول مدخل قالها ...انتى كان مالك لما شوفتى چاسمين
منة وقفت قصاده وبتحاول تتحكم فى دموعها
وقالت...مفيش حاجه
جاسر وهوا مش فاهم مالها ....مالك يا منة في حاجه مزعلاكى
منة وجتلها فكره علشان تشوف بيحبها ولالا وقالت .... مفيش بس فى عريس متقدملى انهارده وانا بفكر في الموضوع ده
جاسر اتصدم من اللى بتقوله وقالها ....عريس
منة بتحدى قالت ...اها
جاسر بيحاول يتحكم في عصبيته ومسكها من دراعها بقوه وقال ....وحضرتك موافقه
منة وهيا موجوعه من ماسكه ايديه وحاولت تتماسك وقالت ...شكلى كدا اها موافقه
جاسر ومبقاش شايف قدامه وضغط على ايديها اكتر وقربها منه اكتر لغايه مبقاش يفصل بينهم غير حاجه بسيطه وقال....انتى مش هتكونى لحد غيرى أنتى فاهمه ولو حصل هقتله وهقتلك ماشى
منة بتوتر لقربه الزايد وقالت بتوتر ...ابعد يا جاسر لو سمحت
جاسر ولاحظ توترها وساب ايديها وقالها وهوا بيبص فى عنيها بتركيز وحب واضح عليه وقال... منة أنا بحبك
منة وقلبها بيدق بسرعه وبدموع مش مصدقه أنه اخيرا قالها انه بيحبها وقالت .......
يتبع....
