.......................روايه جعلنى القدر لغيرك........................
.......البارت الثاني عشر .........
وفجأة تليفون همس رن جتلها رساله ...
فتحت همس التليفون واول ما قرأت محتوى الرساله محستش بحاجه غير دموعها اللى بتنزل فى صمت والتليفون وقع من ايديها وفجأة قالت...الحقينى يا م
ومكملتش الكلمه ووقعت مغمى عليها ....
منة بفزع وخوف ....همس همس فوقى يا حبيبتي
شويه من البنات اتجمعوا حوالين همس وفي واحده منها قالت ...احنا نحاول نشيلها مع بعض ونوديها العياده اللى فى الكليه ..
ومكملتش كلامها كان شخص من وراها قال بخوف وقلب مضطرب قال...همس
Flash back.
فى مكتب جاسر الباب خبط ودخل أسر بابتسامه مشرقه وقال...بقولك ايه يا جاسر تعالى نروح ناخد همس ومنة من الكليه انهارده اخر يوم امتحان ناخدهم نفطرهم برا اي رايك
جاسر بتأييد لكلامه...حلوه الفكره دي يلا نروحلهم
ووصلوا عند الكليه ..
جاسر ...اكلم منة اشوفها فين
أسر وهوا منتبه لمجموعه متجمعه حوالين حد مغمى عليه وقلبه اتقبض فجأة ومحسش بنفسه غير وهوا رايح على مكان التجمع
جاسر عاقد جبينه باستغراب وقال...أسر انت رايح فين يبنى
ودخل جاسر ورا أسر وهوا مش فاهم هوا رايح فين ..
واول ما وصل أسر لقى أميرته لقي روحه مغمى عليها بين ايد منة
Back
أسر وهوا ينزل على ركبته وقال بخوف وهوا بيشيلها ...لا أنا هوديها المستشفى
منة بدموع وخوف ...بسرعه يا أسر
خرج أسر من الكليه وركبها العربيه وساق بسرعه شديده ومفيش دقايق وكان وصل المستشفى
فى المستشفى اخدوها منه والدكتور دخل يكشف عليها وشويه وخرج ..
أسر بتوتر وخوف قال...طمنى يا دكتور هيا كويسه
الدكتور برسميه ...متخفش هيا كويسه شويه وهتفوق أنا علقتلها محاليل علشان ضغتها نزل فجأة ومع المجهود والضغط سببلها اغماء
أسر وجاسر ومنة فى نفس الوقت قالوا... الحمدلله
منة وعنيها مدمعه قال...ممكن ندخلها يا دكتور
الدكتور وهوا مركز مع عينيها البنى الواسعه اللى شديته من اول مدخلوا وقال بابتسامه اعجاب ...ايوا يا آنسة تقدري تتدخليلها
جاسر وهوا قابض على يديه بغضب وغيره واتكلم وهوا بيجز على سنانه ...شكرا يا...دكتور
منة بحرج من نظراته وخافت من شكل جاسر اللى ميبشرش بخير وسابتهم بخوف ودخلت لمنة
ودخل وراها أسر وجاسر ..
_________________________
همس فاقت وافتكرت الرساله وقامت قاعدت على السرير وضمت رجلها عند صدرها وقعدت تعيط بهستريه وضياع لاول مره فى حياتها تبقى مش عارفه تحدد قرار
وشويه ودخلت منة عليها اول مدخلت منة قالت بخوف...همس حبيبتى مالك بس بتعيطى ليه احكيلى يا حبيبتي اي اللى حصل
همس رفعت وشها وعنيها بقت باللون الاحمر من كتر العياط وقالت بوجع وضياع...أنا أول مره اتمنى الموت أنا كرهت نفسى وكرهت الناس وكرهت دنيتى ومبقتش طايقه نفسى ولو الانتحار مش حرام لكنت موت نفسى انهارده قبل بكرا
همس بدموع وهستريه وبصوت عالي...أنا بتمنى ربنا ياخدنى ياارب خدنى بقى
دخل أسر وجاسر واتصدموا من منظر همس عينيها الحمرا من كتر العياط والكلام اللى بتقوله والانهيار اللى هيا فيه ومنة مش عارفه تهديها
منة بصوت مخنوق ...طب أهدى اي اللى حصل لكل ده
همس بصوت عالى وانهيار قالت...اللى حصل ببساطه أنه وسكتت لما شافت أسر ورجت ضمت رجلها على صدرها وكملت عياط وشقاتها بتعلى مع كل دمعه بتنزل منها
أسر قرب منها بقلق وزهول اول مره يشوفها بالانهيار ده قرب ولسه هيمسك ايديها ..
شدتها منه بسرعه وقالتله بقلب موجوع ونظره استعطاف وقالت....ابعد عنى يا أسر أنا مش عايزه اعرفك تانى
وكملت بشهقات ...انسانى يا أسر انسانى وانت هتلاقى اللى تحبك وانت تحبها بس ابعد عنى أنا مبقتش احبك
الكل فى حاله صدمه من اللى قالته همس وبالذات أسر اللى قلبه وجعه من عياطها اللى بيزيد ولا كلامها اللى هوا مش فاهم هيا ليه قالتله كدا ده لسه معترفه امبارح أنها بتحبه وقال علشان يهديها...طب ممكن تبطلى عياط وانا هعملك اللى انتى عايزاه
جاسر ومنة على نفس صدمتهم وزاد صدمتهم اكتر بعد كلام أسر ...
همس وقفت عياط بحزن وقلب موجوع وبنظره غير مصدقه اللى قاله وقالت....هتنسانى يا أسر
أسر وقلبه اتوجع بس لازم يعمل كدا علشان يعرف اي السبب ورا انهيارها وعياطها بالمنظر ده وقال...لو ده اللى هيريحك هعمله حتى لو روحى فيكى اهم حاجه عندى راحتك
همس من غير تركيز فى كلامها وتشتت قالت بحب....راحتى معاك انت يا أسر بس اوقات بنضطر للبعد خاصه لو البعد فى صالح اللى بنحبه والحب اي غير تضحيه سامحنى
ومسكت وشه بين ايديها وقالت...وعايزاك تعرف أن أنا بحبك ومحبتش ولا هحب ولا هكون لغيرك بس لازم نبعد الفتره دي
أسر وهوا بيبوس ايديها بحب وبصلها بعشق وقال...وانا بموت فيكى يا اميرتى ومش هبعد عنك لمجرد كلامك ده
ومحدش يقدر يبعدك عنى غير الموت
همس اول ما سمعت الكلمه دي حطت ايديها على بقه وقالت بانهيار ودموعك ...لا بالله عليك متقولش كدا انت مش هيحصلك حاجه طول ما أنا بعيده عنك مش هستحمل مشفكش تانى
أسر مستغرب طريقتها وقال بعصبيه وبصوت عالي نسبيا...أنا عايزه اعرف فى اي يا همس واي اللى حصل خلاكى كدا
همس وهيا بتمسح دموعها قالت...مفيش واتفضل امشى يا أسر من هنا لو سمحت
أسر موجه كلامه لمنة وقال ...اي اللى حصل يا منة بالظبط
منة وعنيها مدمعه قالت... والله ما اعرف يا أسر احنا كنا بنتكلم واجي لهمس رساله على التليفون فتحتها وشافت الرساله وفجأة لقيتها عماله تعيط واغمى عليها علطول
أسر بغضب وعصبيه قال...قوليلى يا همس علشان أنا يعتبر عرفت اللى حصل فقوليلى احسن ما اعرف بطريقتى وساعتها مش هسامحك ولا هكلمك تانى
همس بعصبيه وصوت عالى قالت ...يووووه يا أسر مقولت مفيش
أسر وهوا ماسك ايديها بعنف وغضب وقال ...صوتك يكون واطى وانتى بتتكلمى انتى فاهمه تمام أنا هعرف بطريقتى
أسر وشاف شنطه همس مع منة شدها من ايد منة وحاولت همس تقوم بس علشان المحلول اللى متركبلها معرفتش ..
جاب أسر التليفون وحاول يفتحه معرفش في باسورد للتليفون فضل شويه وجتله فكره ودخل تاريخ عيد ميلاده والتليفون فتح واول ما فتح ابتسم بحب وقال وهوا بيبصلها بعشق ....هنشوف الموضوع ده بعدين
أسر فتح الرسايل لقي رساله من احمد واول ما فتحها اتصدم من محتوى الرساله وبزهول قال..أنا مكنتش اعرف انه بالقذاره دي وحياه امى لندمك على كل دمعه نزلت منها
وكمل كلامه بغضب وعصبيه قال... تعالى معايا يا جاسر فى مشوار كان المفروض يتعمل من زمان وجه وقته دلوقتى
همس بخوف وقلق عليه ...أسر ارجع بالله عليك متعمل حاجه يا أسر هيموتك..
بس كان أسر خرج والغضب عاميه وهي قعدت تعيط بهستريه وخوف من فقدانه ..
منة بعصبيه ...همس لو سمحت فهمينى بالظبط اي اللى مكتوب في الرساله يخليكى تنهارى كدا ويخلى أسر خارج مش شايف قدامه
همس بخنقه والم قالت...احمد بعتلى رساله تهديد بيقولى فيها لرجع عن قرار الخطوبه من أسر واوفق عليه واسافر معاه لاما هيقتل أسر ويخلصنى منه للابد وبعتلى صوره أسر وهوا رايح يركب عربيته مع جاسر وقالى أنا مراقبه لو حاولتى تكلميه هعرف وهيخلص عليه
وهوا مستنينى فى شقه وبعتلى العنوان قالى متخافيش أنا مجهز كل حاجه وجايب مأزون وهيتجوزنى وقالى من غير حتى ما اعرف باباكى علشان اكسره وأعرفه انى راجل واتجوزت بنته من وراه
وكملت بدموع ..احمد اتجنن يا منة اتجنن ومش هيسيب أسر غير لما يعمل في حاجه أنا عارفه
منة بصدمه من اللى سمعته وقالت لها ...أنا مكنتش اعرف انه بالقذاره دي اي الغل والحقد اللى هوا فيه ده مش ممكن يعمل كدا ويقتله
همس بنظره حزن وقلب موجوع قالت...احمد هددنى كذا مره بس المرادى كان ناوى ينفذ فعلا لو مرحتلوش زي ما قال كان هيموته مكنتش هستحمل يجراله حاجه بسببى
ولا أن ام يتحرق قلبها على ابنها
منة وهيا غير مصدقة....كنتى هتروحيله وتتجوزيه من غير متقولى لباباكى ده كان يجراله حاجه بسببك
همس بتهز رأسها برفض...لا كنت هكلمه وهبعتله العنوان ويجي يلحقنى اكيد مكنتش هكسره كدا ولا هخلى واحد زي اللى اسمه احمد ده يشمت فيه
منة وراحت حضنت همس بزعل على اختها وصاحبتها اللى مبتلحقش تفرح وقالت بثقه...أنا واثقه فى ربنا أنه هيرجعلك أسر بخير من غير ميتأذى بس انتى أهدى وحاولى تريحى اعصابك أنا كلمت عمو قولتله أننا خرجنا نفطر برا علشان ميقلقش عليكى
واللى عمله أسر هوا الصح علشان يعلمه الادب
همس وهيا فى حضن منة فضلت تدعى فى سرها أنه يحفظلها أسر ويرجعلها بخير وهيا بتدعى من كتر التعب نامت ودموعها على خدها بحزن ...
____________________________
أسر فى العربيه وجمبه جاسر وبيسوق بسرعه وقال بغضب ...وحياه امى ما هسيبك أنا هندمك على اليوم اللى اتولدت فيه وهندمك على كل دمعه نزلت من عيونها
جاسر وهوا بيحاول يهديه قال...طب ممكن تهدى وتفهمنى الرساله بتتكلم عن اي وسوق براحه هنعمل حادثه يبنى كدا
أسر وهوا بيديله تليفون همس جاسر اخدت التليفون وقرأت الرساله بصدمه وقال...يا ابن ال(.....) بقى بيهددها بموتك لا ومراقبك كمان وصورك وبعتلها الصوره علشان هيا تصدق وتخاف بس اللى مكنش هوا متوقعه أننا رايحين ليهم ده ليله أهله سوده
وشويه ووصلوا على العنوان اللى بعته لهمس وركن العربيه ونزل يجري ووراه جاسر
ووصلوا الشقه وخبطوا على الباب واول ما فتح الباب ...
_________________________
ووصلوا الشقه وخبطوا على الباب واول ما فتح الباب ...ضربه أسر بغل بالبوكس فى وشه من قوه الضربه وقع احمد على الأرض...
أسر لياقته البدنيه أعلى من أحمد وكان أسر اطول منه
وأسر كان جسمه رياضى لانه مهتم بصحته وبيروح جيم وبيدرب كتير لكن احمد كان بنيته متوسطه مقارنه بأسر وجاسر وكان ضعيف علشان بقاله فتره مبينمش ولا بياكل كويس ....
Back...
ورجع أسر مسكه من ياقت التشيرت وضربه تانى ورجع مسكه وضربه بالقلم من كتر الضرب أنفه وبقه نزلوا دم
وأسر بعصبيه وصوت عالى قال له....ما تقوم وتقف على رجلك وتبقى راجل ودافع عن نفسك ولا انت بتفرد نفسك قدام البنات بس هاااا
متسترجل كدا ولأ انت كلام بس منغير أفعال
منا قدامك اهوا قوم واقتلنى يلا أنا واقف مستنيك
احمد وهوا بينظر ليه بغل وحقد قاله وهوا يلهث بشده...أنا بكرهك مكرهتش حد فى حياتى قدك انت وهمس انت اخدتها منى وجعتولى قلبى أنا بحبها اكتر منك انت فاهم أنا بحبها اكتر منك أنا سبتها غصب عنى أنا كنت عايز اسافر مكنتش عايز افضل هنا لكن همس مصدقت وراحت حبت واحد غيرى لمجرد انها لقيتك معاك فلوس ومركز وكدا اوعى تفكر انها بتحبك أنا مجرد ما هموتك هتحب غيرك انت فاهم
فانا هنتقم منكم أنا هقتلك وهيا هتجوزها وهزلها واخليها خدامه واكسر ابوها علشان قال عليا مش راجل
وبرضوا بكره ابويا دايما كان شايفنى عيل صغير كان علطول يقولى انت مش راجل أنت مش هتفلح فى حاجه هوا كمان كان بيزلنى
احمد بضحك هيسترى وكمل بجنون ...أنا هنتقم منكم وهتشوفوا
أسر وجاسر بعد كلامه صعب عليهم وعرفوا أنه عنده نقص من صغره وأنه عايزه يتعالج لانه وصل لمرحله الجنان أسر بتحذير قال...اسمع يلا ده اخر تحذير ليك ابعد عنى أنا وهمس ملكش دعوه بينا وانت نصيحه منى روح لدكتور نفسي اتعالج علشان انت وصلت لمرحله الجنان
ومتوقفش حياتك على دايره الانتقام علشان لو دخلتها انت هتبقى الخسران فيها شوف حياتك افتح قلبك وحب تانى هتلاقى نفسك تدريجيا نسيت همس ونسيت ماضيك كله
احمد بعصبيه وغضب قال...أنا مش مجنون انت فاهم أنا هقتلك واوجع قلبها عليك وهتشوف وطول منا حاطط حاجه في دماغى محدش يقدر ياخدها منى وبالتالى لما اعوز حاجه بخدها غصب عن عين اي حد
أسر بعصبيه من كلامه وقام بغل ضربه بالبوكس من قوته وجع احمد تانى بس المرادى على الطرابيزه
احمد وشاف السكينه كانت في طبق الفاكهه قال بصوت عالى...أسرررر
أسر بصله باشمزازا واداله ضهره ولسه هيخرج وقف على صوته وهوا بيندهله وبيلف يشوفه
احمد مسك السكينه وبغل وحقد وكراهيه قام..........
يتبع....
