أنا خايف
ج/ صدقني .. وأنا كمان !
ولو سيبت نفسي زيك لحسابات كتير جوايا = مش هقدر آخد نفسي من احتمالات كتير تؤذيني ..
لكن احنا مش لوحدنا !
والله يا صاحبي مش لوحدنا .. مهما حسينا بالوحدة وحاوطتنا همومنا ..
طب ما هي ياما ضاقت وقلنا خلاص دي النهاية .. وعدت ..
وصلنا لهنا ازاي أصلا !
لولا إن ربك لطيف وكريم وعالم بالحال .. وهذه خلاصة المقال.
خليك قريب منه .. ارمي همومك في ساحته ..
قوله أنا خايف وأنت أماني .. مليش غيرك وبذكرك مش وحداني ..
سيبهاله وما تفكرش كتير .. هو يعدّلها، هو قدير ..
المهم تصفي نيتك بينك وبينه !
محدش في الدنيا يقدر يتدخل في دي ولا يحكم عليها ..
اللي بينك وبينه.
صفّيت ؟
سلّمت ؟
رضيت ؟
والله ما هتضيع .. اصبر بس وما تستعجلش ..
مهما ظنيت فرجه تأخر = مش هيسيبك ولا هيضيعك.
يا رب بحبك .. بحبك يا رب.
قم صليلك ركعتين .. وأيا كان خوفك، إرفع من السجود كتافك .. بدونه.
