#الخمار 💝
😇😍👇
ربنا سبحانه وتعالى قال: "وليضربن بخمرهن على جيوبهن" يبقى الخمار هو الأقرب للحجاب الشرعى الصحيح.
الخمار أمان عن الطرحة القصيرة يعنى لا يمكن تخافى إن حبة هوا يطيروا الطرحة ورقبتك تبان أو افاكى مثلا. 🙊😂
الخمار بيدارى منطقة الصدر والظهر يعنى ماشية فى ستر و أمان إن جسمك مش متحدد محدش شايف حجم أى حاجة فى جسمك أو يقيمك على أساس الشكل ومفيش أى لبس داخلى متحدد من ظهرك مش خايفة من بصات الناس ولا عملالهم حساب يعنى ثقة بالنفس. ☑️👏👏
الخمار بيزود البنت نور وجمال ربانى أى حد بيشوفها بيرتاحلها من رضا ربنا عليها ودى حقيقة بالذات لو واحدة ملتزمة بيه قلباً وقالباً وبيظهر عليها أخلاق القرآن وأولهم الخمار كل الناس بتلاحظ عليها وبيحبوها من غير مناسبة. 💓💓
الخمار بيجبر البنت متحطش ميك أب خالص وبكده نفذنا أمر ربنا "ولا يبدين زينتهن" والميك أب أكيد من الزينة.
الخمار بيجبر البنت إن الدريس يكون واسع أو العباية ولو لابسة جيب هتكون واسعة برضو وبتمحى من حياتها فكرة البناطيل واللبس الضيق وبكدا نفذنا أمر ربنا برضو "يدنين عليهن من جلابيبهن" وأهو بنحاول نقرب من الآية قدر المستطاع.
أى بنت لابسة الخمار الناس بتعملها حساب بيحترموها محدش يقدر يتطاول عليها بنظرة او كلمة عشان هى محترمة فلا يمكن يتعدوا حدودهم معاها هو بمثابة الحصن.
الخمار هيخليكى تنتظمى فى الصلاة لو مش منتظمة وتتفوقى فى القرآن ويقربك من ربنا اكتر واكتر وهيجنبك معاصى كتير غيرك بتعملها ومش بتلحق نفسها لكن اللي لابسة خمار لو أخطأت بتلحق نفسها علطول وتتوب وتستغفر لما تفتكر إنها لابسة خمار ولازم تحترمه وإنه خطوة كبيرة وعظيمة أقبلت عليها عشان ترضى ربنا ف ازاى بقى هتعصيه بسهولة كده !
هدانا الله واياكن💛
