" قيام الليل بطريقة مُختلفة "💙
" وَسِيقَ الَّذِينَ اتَّقَوْا رَبَّهُمْ إِلَى الْجَنَّةِ زُمَرًا "
بعد ما بنمر على الصراط ونروح عند القنطرة = بندخل الجنة
تخيل بقى معايا
لكل باب مفتاح ومفتاح الجنة هو " لا آله إلا الله "
طب الجنة كام باب؟ الجنة ثمانية أبواب
بتبص تلاقي باب للصلاة، وباب للصدقة ، وباب للجهاد ، وباب للحامدين، وباب الريان وهكذا ...
الباب الواحد بقى سعتة قد ايه ؟ النبي ﷺ قال إن بين مصرعين من باب الجنة مسيرة أربعين سنة
والنبي ﷺ قال إن الباب الواحد دا هيجي عليه يوم وهو كظيظ من الزحام ..
طب المسافة بين كل باب وباب قد ايه ؟ المسافة بينهم النبي ﷺ قال لو انت راكب هتبقى سبعين سنة
ونقف هنا بقى عند نقطة قالها أبو بكر الصديق لما عرف إن المسافة بينهم كبيرة كده قال للنبي ﷺ بأبي أنت وأمي يا رسول الله
ممكن شخص واحد يتفتح ليه الثمانية أبواب ؟
النبي قاله أه ممكن شخص واحد يدخل من أبواب الجنة الثمانية
طب مين هو دا ؟ هو اللي كان بيصوم وبيجاهد في سبيل الله وبيصلي نوافل وصابر على آذى الدُنيا .. الشخص اللي جاهد نفسه على الثمانية أبواب
نقف عند " باب الصلاة " .. باب المُكثرين من الصلاة " سنن ونوافل بقى "
النبي ﷺ قال واللهِ إن في الجنة لغُرفاً يُرى ظاهِرُها من باطنِها وباطنُها من ظاهِرها
- لمن هي يا رسول الله ؟!
=لمن أطاب الكلام، و "بات قائماً والناسُ نيام "
يعني صلاة القيام اللي هتصليها دي .. انت يعتبر بتهيئ لنفسك باب " الصلاة " عشان تدخل منه الجنة بالإضافة لـ الغرف اللي النبي قال إنها للناس اللي بتصلي القيام ..
بالله عليك الباب دا والغُرف دي ميستهلوش منك ولو ربع ساعة بس قيام على الأقل كل يوم ؟💙
#منقول
#اترُك_أثر
