لما يبقي نفسي اني البس بنطلون واشوفه شكله حلو بس قلبي برضوا مقتنع ان لبسي دا لبس العفه اللي يرضي ربنا فعلشان كدا هلبسه حتي الممات كدا انا منافقه اني جوايا الشعورين؟
ج / لأ طبعًا منافقة إيه؟
خُلِقنا لنتجمّل، حُبّ الزينة في فطرتنا أصلًا.
البسي بنطلون وبلوزات جميلة، فساتين قصيّرة، اعملي شعرك، فوندايشن لون بشرتك، وبلاشر يليق معاكِ، وروج وكحل ومسكرة وكونسيلر وأيلاينر ومونيكير وبرفيوم لطيف، تو ماتش ألوان للومونيكير والروج.
وطول ما أنتِ في البيت اعملي دا وبراحتك خالص، أنا بعملهم عروض أزياء في البيت :D وبقول لأخويا حلو المونيكير دا؟ يقولي حلو يا تافهة :D فبفرح جدن :D رغم من سنتين أقسملك ما كنت بعرف أفرق بين أنواع المونيكير وكنت بقرف منه ومن أي ميك أب. بس حال الدنيا :"""D
الفطرة إننا نحب نفسنا حلوين.. عشان كدا مش بنطلع برة كدا، ماحدش يستحق يا روحي :D
أميرة صقر💜
