ديني حياتي🤍👑

💙

عارف لما ربنا يقول على حد انه " نعم العبد" فممكن اللي ييجي في بالك انه مثلا بيقيم الليل ب10 أجزاء او انه بيختم القران كل ليلة..

لكن سبحان الله .. نعم العبد عند ربنا .. ان من صفاته انه "أواب" .. عارفين أواب يعني ايه؟!
يعني كثير الرجوع لله .. يعني عبد بيخطئ لكن بيرجع لله عز وجل كتير .. تخيل .. 

من الحاجات اللي الشيطان ممكن يضحك عليك فيها انه يقولك مفيش فايدة .. بسبب بعض الذنوب اللي بتعملها كتير ..

عايز اقولك ان كل ما فيك نفس في أمل .. توب .. وافتكر "نعم العبد .. إنه أواب.."

فمهما حصل ارجع ..

شوف لو عملت اي ذنب .. ارجع لربنا عز وجل .. وافتكر انك كده ممكن تكون نعم العبد ..