#unicode
"သူ စာချုပ်မှာ လက်မှတ်မထိုးဘူး Appa "
Jennie ငိုထားရလွန်းလို့ အသံတွေက အက်ကွဲနေသည်
တစ်ဖက်က သူမအဖေ သက်ပြင်းချသံကိုလည်း Jennie ကြားလိုက်ရသည်
Jennie အခု သူမ တိုက်ခန်းမှာ Jisooက လက်မှတ်မထိုးပေးကြောင်း သူမအဖေကို ပြောနေတာလေ
"အဲ့တော့ ညည်းက ငါ ဘာမှမဟုတ်တာလေးအတွက် အချိန်တွေ အလကား အကုန်ခံရကြောင်း ပြောပြနေတာပေါ့လေ "
Jennieမှာ သူမ အဖေစကားကို ဘာမှပြန်မပြောနိုင်လို့ မတုံ့ပြန်ဘဲ တိတ်ဆိတ်နေသည်.....
"ဒါဆို ညည်း ဒီကို ပြန်လာ...."
"Chaw အဲ့ဒီကို ပြန်မလာနိုင်ဘူး..အခုရော နောက်ရော ဘယ်တော့မှ ပြန်မလာဘူး Appa "
Jennie နယူးဇီလန်ကို ပြန်မသွားနိုင်ကြောင်း သူမအဖေကို ပြတ်ပြတ်သားသားပြောလိုက်သည်
နယူးဇီလန်ကို သွားပြီး သူများ ထိန်းချုပ်တာ ခံနေရတဲ့ဘဝမှာ Jennie မနေနိုင်ဘူးလေ
Jennie အမိန့်နာခံရပြီး ပြောသမျှလိုက်လုပ်နေရတဲ့ ဘဝကြီးကို ငြီးငွေ့နေပြီ
"ငါက ညည်းကို မလာခိုင်းဘဲနေမယ် ထင်နေတာလား "
"Chaw ဂရုမစိုက်ဘူး Chaw သေချာဆုံးဖြတ်ချက် ချပြီးသွားပြီ Appa စကားကြောင့် Chaw ဆုံးဖြတ်ချက်ကို ပြင်မှာ မဟုတ်ပါဘူး ပြီးတော့ စကားနားမထောင်ဘဲ ကလန်ကဆန်လုပ်မိလို့ တောင်းပန်ပါတယ် "
သူမ အဖေ company အတွက် Jennie အားနာစိတ်မကောင်းဖြစ်ပေမယ့် မချစ်တဲ့သူနဲ့တော့ Jennie လက်မထပ်နိုင်ဘူးလေ
"ညည်း ရူးနေတာလား ဒါမှမဟုတ် ညည်းကိုညည်း အရမ်းအထင်ကြီးလွန်းနေတာလား....Koreaကို ပြန်ရောက်ပြီဆိုပြီး ငါ့ကို မလေးမစားလုပ်နေတာလား "
Jennie သက်ပြင်းချပြီး သူ့နှုတ်ခမ်းကို သူဖိကိုက်ထားမိသည်
Mr. Shinက သူမကို မုဒိမ်းကျင့်ဖို့ ကြိုးစားတယ်ဆိုတာ ဘယ်အချိန်ကျမှ သူမအဖေက နားလည်ပေးနိုင်မှာလည်း
"Appa chawနဲ့ ပေးစားမယ့်သူက chawကို မုဒိမ်းကျင့်ဖို့ ကြိုးစားခဲ့တယ်ဆိုတာ ဘာလို့ အခုထိ မယုံကြည်ပေးနိုင်တာလည်း..."
