#Unicode
Jennieတို့ ရန်ဖြစ်နေတဲ့နေရာကို ရောက်တော့ Jaeheeရဲ့ ဆံပင်ကိုဆွဲနေတဲ့ Jennie ကို Jisoo တွေ့ရသည်
Jisooမှာ လူအုပ်ထဲ ဝင်သွားပြီး
"တော်သင့်ပြီ "
Jisoo အသံကြောင့် တစ်ယောက်ကိုတစ်ယောက် ဆံပင်ဆောင့်ဆွဲနေကြတဲ့ ကောင်မလေးနှစ်ယောက်မှာ ရပ်သွားသည်
Jaehee မှာ Jisooကိုလည်း မြင်ရော စပြီး ငိုပါလေရော....Jennie ကတော့ ဒီတိုင်းရပ်ပြီး Jisoo ကို ကြည့်နေသည်
"ဘာဖြစ်နေကြတာလည်း "
Jisoo စိတ်ထိန်းပြီး ဖရိုဖရဲနဲ့ ဖြစ်နေကြတဲ့ နှစ်ယောက်ကို မေးလိုက်သည်
"တို့ တို့က သူ့ကို ဒီတိုင်းလေး စကားပြောတာကို သူက ပါးလာရိုက်တာ သူ ဘာလို့ အဲ့လိုလုပ်တာလည်းမသိဘူး တို့ကို ခွေးမလို့လည်း ခေါ်သေးတယ် "
Jaeheeက ငိုပြီးပြောပေမယ့် Jennie ကတော့ ခပ်တည်တည်ပင်
Jisooမှာ Jaeheeပြောတာကို ယုံသင့်မယုံသင့် စဥ်းစားနေသည်
Jisoo စိတ်ရှုပ်လာလို့ အနားမှာ ရှိတဲ့ ဝန်ထမ်းတွေကို မေးလိုက်သည်
"ဘယ်သူအရင် စလုပ်တာလည်း တွေ့လိုက်ကြလား "
Jisoo မေးခွန်းကြောင့် ဝန်ထမ်းတွေမှာ ဖြေသင့်မဖြေသင့် ကြောက်နေကြသည်
"ကျွန်... ကျွန်တော် မြင်လိုက်ပါတယ် Miss Jaeheeက ဒီတိုင်းလေး စကားပြောတာကို Miss Jennieက ပါးရိုက်လိုက်တာပါ "
ဝန်ထမ်းတစ်ယောက်ရဲ့ စကားကြောင့် Jisooမှာ Jennieကို မျက်မှောင်ကြုတ်ကာ ကြည့်လိုက်သည်
"သူပြောတာ ဟုတ်လား "
Jisoo မေးပေမယ့် Jennieက ဘာမှမဖြေဘဲ တိတ်ဆိတ်နေသည်
"သူပြောတာ မှန်လားလို့ ငါ မင်းကို မေးနေတယ်လေ "
တိတ်ဆိတ်နေတဲ့ Jennieကြောင့် Jisoo စိတ်တိုလာပြီး Jennieရဲ့ လက်မောင်းကို ဆောင့်ဆွဲလိုက်သည်
"အာ့... "
Jennie နာပြီး အော်လိုက်ပေမယ့် Jisooက ဂရုမစိုက်ပေ
ဝန်ထမ်းတွေမှာလည်း အရမ်း စိတ်တိုနေတဲ့
Jisooကို ကြည့်ပြီး ကြောက်နေကြသည်
