#Unicode
Jisoo နိုးလာရင် စားဖို့ Jennieမှာ ကြက်သားဆန်ပြုတ်သွားဝယ်နေသည်
Jisooအတွက် ကြက်သားဆန်ပြုတ်ဝယ်ပြီး သူမကတော့ ခေါက်ဆွဲပြုတ်စားဖို့ ခေါက်ဆွဲဘူးလေးပါ Jennie ဝယ်လာသည်
Negative အတွေးတွေ တွေးပြီး Jennie ဝမ်းမနည်ချင်...Jisoo ကိုမာမဝင်ဘဲ သတိပြန်ရလာတာကိုဘဲ Jennie ကျေးဇူးတင်မိနေသည်
မကြာခင် Jisooဟာ သူမနဲ့ ပတ်သက်တာတွေ အစအဆုံး ပြန်မှတ်မိလိမ့်မယ်လို့ Jennie မျှော်လင့်နေ ဆုတောင်းနေမိသည်
ဆေးရုံထဲ ပြန်ဝင်လာပြီး Jisoo အခန်းဆီသို့ Jennie သီချင်းလေး ညည်းပြီး သွားနေသည်
အခန်းထဲ ဝင်ဝင်ချင်း သူမကို အေးစက်တဲ့ အကြည့်တွေနဲ့ ကြည့်နေတဲ့ Jisooကြောင့် Jennie ရင်တွေတုန်လာသည်
သို့သော်လည်း Jennie သူ့ကိုယ်သူ စိတ်ထဲကနေ
ပြန်အားပေးရင်း ကြက်သားဆန်ပြုတ်ကို ပန်းကန်ထဲ Jennie ထည့်လိုက်သည်
"Chu ဗိုက်ဆာနေမှာပေါ့ Jenလေ ဆေးရုံနဲ့ မျက်နှာချင်းဆိုင်က ဆိုင်မှာ ကြက်.."
"မဆာဘူး..."
Jennie ရဲ့ စကားမဆုံးသေး Jisooမှာ ဖြတ်ပြောလိုက်သည်
သို့သော်လည်း Jennieမှာ ကြက်သားဆန်ပြုတ်ပန်းကန်ကို ယူလာပြီး Jisoo ကုတင်ဘေးနားက ထိုင်ခုံတွင် ထိုင်လိုက်သည်
"ငါ ဗိုက်မဆာဘူးလို့ ပြောနေတယ်လေ "
"Jen ခွံ့ကျွေးမယ်လေ "
"ဘာ နင်က ငါ့ကို ဘယ်လိုထင်နေတာလည်း....ဘာမှမစားတတ်တဲ့ ကလေးတစ်ယောက်လို့ ထင်နေတာလား "
Jisoo စကားကြောင့် Jennieမှာ ပြာပြာသလဲနဲ့ ခေါင်းခါလိုက်သည်
"အာ အဲ့လိုမဟုတ်ပါဘူး Chuရယ် "
"ဒါဆို ငါ့မျက်စိရှေ့က ထွက်သွား....
"ဒါပေမယ့် Chuရယ် ဒါလေးစားမှ....အား...."
Jennieမှာ Jisooကို ကြက်သားဆန်ပြုတ် ခွံ့ကျွေးဖို့လုပ်ပေမယ့် Jisoo မှာ Jennieရဲ့ လက်ကို ရိုက်ချသောကြောင့် Jennie တစ်ကိုယ်လုံး ဆန်ပြုတ်ပူတွေဖိတ်ကျသွားသည်
Jennieမှာ ထရပ်လိုက်ပြီး မငိုမိအောင် အံကိုကြိတ်ကာ ခေါင်းညိတ်လိုက်သည်
