#Unicode
Jennieမှာ ထုံးစံအတိုင်းပင် Jisoo ရဲ့ စားပွဲကို ရှင်းလင်းပြီး ကော်ဖီခွက်လေးတင်ပေးထားသည်
ဒီနေ့ သူမ ငါးမိနစ်လောက်နောက်ကျပေမယ့် ကံကောင်းသည်မှာ Jisooလည်း အလုပ်ကို ရောက်မလာသေးပါ
Jennie အလုပ်နောက်ကျနေလို့ မနက်စာတောင် မစားခဲ့ရသေးဘူးလေ
သို့သော်လည်း သူမ စားပွဲတွင် ထိုင်ပြီး အလုပ်တွေစလုပ်လေသည် မနေ့က သတိလစ်သွားပြီး နေ့တစ်ဝက်အနားယူလိုက်ရတော့ အလုပ်တွေက ပုံနေတယ်လေ
Jisooရဲ့ အတွင်းရေးမှူး လုပ်ရတာ လွယ်တော့မလွယ်ပေ သူ့ရဲ့ အချိန်ဇယားတွေ အကုန်ဆွဲထားမှတ်ထားရသည်...သူနဲ့ပတ်သက်တဲ့ ဖုန်းတွေလည်း ပြန်ဖြေရသည် ...Meetingနဲ့ ပတ်သက်တာတွေလည်း စီစဥ်ရသေးသည် ထိုသို့များစွာသော အလုပ်တွေကြောင့်လည်း မနေ့က Jennie သတိမေ့သွားရခြင်း ဖြစ်သည်
တစ်ဖက်က Jisooမှာလည်း တစ်စုံတစ်ယောက်ကြောင့် ညက အိပ်မပျော်လို့ မနက်ကျ အိပ်ရာထ နောက်ကျပြီး အလုပ်နောက်ကျလေသည်
Jisoo သူ အလုပ်နောက်မကျတဲ့ပုံနဲ့ companyထဲ ခပ်တည်တည်နဲ့ ဝင်လာသည်
ဝန်ထမ်းတွေက သူ့ကိုနှုတ်ဆက်တဲ့အခါ ပြန်မကြည့်ဘဲ ခေါင်းသာငြိမ့်ပြသည်
ထို့နောက် သူမရဲ့ သီးသန့်ဓာတ်လှေကားကို စီးရင်း ရုံးခန်းကို သွားသည်
လက်မှာ ပတ်ထားတဲ့ rolex နာရီကို ကြည့်တော့ မိနစ်နှစ်ဆယ်တောင် နောက်ကျနေမှန်း သိလိုက်ရသည်
"Shit. ..."
ဓာတ်လှေကား တံခါးလည်း ပွင့်ရော Jisoo ရုံးခန်းဘက်ကို တစ်စုံတစ်ယောက်နဲ့ တွေ့ရဖို့ ခပ်သွက်သွက် လျှောက်လာသည်
ရုံးခန်းတံခါး ဖွင့်မယ့်အချိန် ဘာလို့ သူမ စိတ်လှုပ်ရှားနေမှန်း Jisoo မသိပေ
Jisooလည်း ရုံးခန်းထဲ ဝင်လာရော Jennieမှာ မတ်တပ်ထရပ်ပြီး နှုတ်ဆက်လိုက်သည်
"Good Morning.... "
သို့သော်လည်း Jisooနဲ့ အကြည့်ချင်း မဆုံချင်လို့ Jisoo သူ့စားပွဲခုံဘက် ရောက်တဲ့အထိ ခေါင်းကိုသာ ငုံ့ထားသည်
