أخيرا كالها كال أحبك

البارت١٠

اتمنى يلوحك عطش
وبس اني عدي الماي

بقلم زهرة ايلول                         

طلعنه ساعه بس كانت تسوه السفره كلها بعدها رجعنه للفندق عمه نايمه لفينه راسنه اني ومها ورحنه بسابع نومه

صبح كعدنه عمه مو على بعضها شنو عمه مريضه

العمه لا مابيه شي

لميس شكلج اكو شي لعد

العمه زعلانه عليج

لميس باوعت على مها ورجعت عليه ليش عمه

العمه البارحه سيف كاعد يمنه تالي طلعين وتعوفينه هو جاي وعايف الولد وانتي طلعتي ولاعبالك موجود ومن يعصب تشكين وتبجين وتسويها هوسه علينه

لميس هوب عيني يامحامي دفاع هو مااجه علينه انتي دزيتي عليه وكوه ضل يمنه كال نعسان اريد انام وانتي كعدتي غصب هم لاتاكليني وتشربيني

العمه لامو غصب سيف لا يستحي ولا يخاف لو مارايد كان ماضل

لميس عمه تره جاين نتونس راح نكضيها شكال سيف وشراد سيف

العمه لميس مره ثانيه لا تعيديها انتي حتى ماعزمتي وياكم هسه كوليله امشي ويانه

لميس عمه ثائر مو كال وهو مقبل وشنو هسه لو اني كايله جان اجه يركض كان كال زعطوطه تعزمني

العمه انتي تفرقين عن البقيه لوطالبه كان اجه وياكم

لميس عمه تحسسني اني وهو ماكو مثلنه وهو وثائر ميتوالم يعني من سابع المستحيلات يمشون سوه

وطلعت سيف بالعسل متراد طلعنه نشتري طلعها زقنبوت نوب طلعه هيج كان شنقنه يمكن والله
فاتتج

طلعت ثائر اشتريها مشترى ساعه تسوه سفره كلها

العمه  انتي اكو احد ديقراء براسج مين هل حجي جيبي

لميس على شنو يحضي لاوالله محد فاتح وياي هذا الموضوع

وهاي مها اساليها اذا احد جاب طاري شي بس انتو نيتكم موسليمه لهذا تشكون

من يعجبكم سوتوني مره معتبره ومن ماعجبكم سوتوني طفله ينقري براسها

العمه هو مخرب زينيته بعصبيته

مها اي والله سيف اخويه بس الحق سوالفه ماتنحمل وزين لميس مكضيتها دموع

العمه هاي عود انتي اخته

مها وا لله اتمنى له كل لخير بس لاعبالج احجي هيج كدام لميس حتى تكرها اني اتمنى اليوم قبل باجر يزوجون

اني اكول الحق وعلمود تتعلم عليه هو حنين وصاحب نخوه ويحس بيه قبل لااكول مامخليني معتازه لكلشي وبدون مايجرح مشاعري عمره ماحسسني بشي