أخيرا كالها كال أحبك

البارت١٨

تره المشتاق يكره نومت اليل
تجي اباله سوالف تاخذ الروح

بقلم زهرة أيلول
                             

لميس مااعرف شنو صار بيه من عيني جتي بعينه بعد كل هذا الوقت كنت اتجنب شوفته اخاف من اسمع موجود قريب عليه شون هيج ثائر مكال لي

ثائر حسيت لميس نصدمت نهيت وياهم وسلمت عليهم ومشيت خليت ايدي على ضهر لميس بمعنى امشي  نتبهت على ايدها ترجف رفعت راسها عليه

لميس ثائر هذا سيف ابن عمو احمد

ثائر اي ليش معرفتي لادكوليها تره اضحك

لميس اي معرفته وين شايفته صار سنين شفته كم مره ومن بعيد وهسه منتبهت عليهم لن من دخلت شفت صديق فهد وعرفت كلت اكيد فهد موجود ماحبيت اباوع عليهم

ثائر اي شفته وغلست ولو اني مااعرفه للولد

لميس زين شجابه على سيف كم مره اجه لخالو ماجاب طاري سيف

ثائر وانتي شبيج صرتي صفره شكلج عبالك طالع كفاله من الكبور شبيج عبالك مخروعه

لميس ثائر تسكت لا ابتلي بيك

ثائر ههههه منظرج ومنظر سيف خطيه هم نصدم شلون معرفج صدك هو مشايفج معقوله

لميس وين يعرفني مشايفني اخر مره من ضربني وهسه صباره وصارت ورده جوريه على كولت عمه مها

هواني كم مره شايفته من بعيد معرفته نوب هو اصلا مشايفني من يوم المشكله حيل كم سنه صار هاي اذا تذكرني اصلا

ثائر  يووو اكول هاي منيه ورده جوريه

لميس اني غير ولضل تفيك براسي وتفتح حلكي تره هسه افضحك خليني بحالي راسي كام يوجعني

ثائر الله يخلي عمليات التجميل لي ساتره عليج

لميس عززززا صخام صخمك مين جبتها اني اسوي عمليات تجميل

ثائر شمدريني انتي بنفسج كتيلها الصباره صارت ورده شلون يعني يحي العظام وهي رميم هههههه

لميس ثائر لطلع عليه اشاعه هسه كلها تصدك اكول خاف صدوك مسويه وناسيه اذا اني نفسي من اباوع بالمرايه اسال معقوله اني هاي ههههههه

ثائر يله شكد تلغين عفيه نسوان تموتن على سوالف  نزلي وصلنه

سيف صدمات عمري كله بصفحه وصدمه اليوم احس حطمتني صافن وفزيت على صوت احمد وهو يسأل

احمد سيف ثائر ابن عمك وهو ايد اليمنى ولكل بكل بيده كلشي ولميس بنت عمه يعني هم بنت عمك مو صح

سيف اي لميس بنت عمي

فهد سيف بشرفك صار ساعه الطم وتالي طلعت بنت عمك دخيلك سيف انت ملاذي الوحيد تتوسط لي  بنت عمك رايدها لي زوجه ومستعد لكلشي تطلبه