أخيرا كالها كال أحبك

٣٠ الاخير

لميس صحيت صبح وسيف حاضني ردت اكوم حس عليه

سيف وين مهزومه مني

لميس وانت منو يكدر ينهزم منك ساعه عشره

سيف شكو قابل عرسان محد يكلبنه امي لازمه حراسه ممنوع احد يصعد ههههه

لميس خطيه علي يمشي على كيفه من يصعد كوم يمعوده خلي ياخذون راحتهم

سيف ضلي شويه بعد وقت

لميس ضل يتحرش بيه ومكعد راحه بعدها ندك الباب كمت بسرعه فتحت لكيت اروى جاين بيت خالهم بساع دخلت لحمام وغيرت ملابسي بين ماسيف خلص هو هم نزلنه ماشاء الله ولدهم نسخه من سيف وحتى بناتهم كلش حبابات رغم صار زمان ماشيفتهم بس عبالك صديقاتي لاحظت شذى ماموجوده لن سيف موجود رحت عليها طلبت تجي يمنه

لميس يله شذى خالج هنا كومي

شذى كلبي مريضه مااكدر خليني نايمه رفضت

لميس اعرف لن سيف رجعت يمهم ودزيت رساله لسيف اريد احجي وياك رد

سيف كولي بس لا شتاقتي لي صدك كطعو سالفتنه لا تخافين نرجع نكملها هههه

لميس صدك احجي وياك بغرفه عمه كام ورحت ورا

سيف ها حبي شنو شبيج

لميس سيف شذى من انت هنا ابد متطلع انت متقبل مو

سيف لميس هذا الموضوع ممنوع ينفتح

لميس انت كلت انسي شون انسى اذا انت ما ناسي هيج اني مااكدر انسى

سيف لميس تحجي واني اذكر من مها سولفت على شذى وطلب الهام منها رديت عليها عوفيها لزمن قاطعتني

لميس لا هسه نبدي بجديد يوميا فاتحيها وسادين ماكو تأجيل

سيف صعبه عليه اسمها من اسمع يمر شريط كدامي عبالك توه صاير

لميس والله اني من مااشوفها ويانه اذكر كلشي قربت عليه حظنته سيف خلي ننسى باوع عليه وباس راسي

سيف يله امشي خالي كاعد

لميس هاي هيه سيف ابتسم راح كعد واني رحت لشذى يله كومي سيف يكول خلي تجي سلم على خالو

شذى لاماريد

لميس اني جريتها كومي وطلعتها يمهم سلمت عليهم كلهم وصلت لسيف سلمت ورد عليها نزلت بوسته وباركت له وهو رد عليها

عمه أم سيف خطيه عيونها دمعت وبساع مسحتهن سحبت شذى وكعدنه نسولف بعدها راحو شافو جدو ويسلمون عليه

شفت سيف كعد يم جدو ومااعرف شنو كاله جدو وسيف رد عليه

كلشي تمام ويباوع عليه ويضحك ثاريهم طابخيها واني مادري

راحو بيت خال سيف ورجعنه للبيت وسيف كال

سيف حبيبي خلي نسافر كم يوم