أخيرا كالها كال أحبك

البارت٢٣

   

مساء الخير والعافيه

لميس كاعده وصافنه شنو سالفته سيف يوميا عدنه وعيونه وين مااروح ونوب هو وسجى طلع اتصالات بعد من هو هنا مااطلع عمه تريد شي تطلب لو من ام نهله لو ام سجاد هن يسون لها ام سجاد تروح لبيتها بس ام نهله موجوده بعد ماانزل

شعنده ويه سجى وهيج ميانه اثنينهم هاي شبيه واذا مسولف وياها عادي قابل بينه شي وهيج ضجت سمعت صوت عمه تصيح

العمه لميس وينج تعالي

لميس اني وبمكاني جاوبتها عمه عندي شغل اريد اكمل مجاوبتني عشر دقايق وندكت باب الغرفه منو انفتح الباب

سيف من عمه صاحتها وهي اعتذرت طلبت مني اني اصعد لها صعدت ودكيت الباب سمعت صوتها فتحت الباب ودخلت نصدمت من شافتني ممكن ادخل اريد
احجي وياج

لميس انت شجابك هنا شون صعدت اطلع ماعندي شي وياك

سيف لميس انطيني فرصه اوضح لج

لميس رجاء اطلع من الغرفه لتشوف ردي لك على سلامك يعني عادي اني وياك السلام لله تره

سيف دقايق مو اكثر

لميس ولا دقيقه اترجاك انت دتزعجني

سيف دخلت وسديت الباب باعي اني احجي وانتي اسمعي بدون متردين عليه

لميس مااعرف شلون عليت صوتي انت ليش سديت الباب اطلع بره ودموع مااعرف شوكت نزلن على صوتي صعدت عمه ودخلت

العمه هاي شبيج لميس ليش صوتج عالي ليش تبجين سويت لها سيف

سيف ماسويت شي هي بسرعه عصبت بعدني مافاتح الموضوع

لميس اطلع بره

العمه لميس ليش حبيبتي ترجفين سيف شكتلها

سيف عمه والله بعدني ماناطق اي كلمه وياها

العمه لميس سوه شي لج

لميس هزيت راسي مكدرت انطق وابجي لا

العمه لعد ليش هيج تبجين وترجفين نهبطت هو راد يحجي وياج وبس تعاي واخذتها بحضني يله سكتي ليش هيج ابويه انتي باوعت على سيف وطلبت منه ينزل

سيف نزلت بس من شفت حالتها تدمرت لعد شمسوي بيها مريت من يم زوجه عمو كريم خجلت منها اكيد سمعتها رحت لبيتنا همزين عمو ماموجود
بعدها فتره اتصلت بعمه ردت عليه

العمه الو

سيف الو عمه والله بعدني ماناطق كلمه دخلت وهي عصبت

العمه لو ادري هيج ماطلبت منك كوه نامت ودموعها لحد الان

سيف بالي يمها اجي اشوفها

العمه لا نامت عوفها

سيف عمه مبين مراح ترجع اني شسويت بنفسي خسرتها