أخيرا كالها كال أحبك

البارت٧

هم ليسوا مجبرين على أسعادنا 😊
بل مجبرين على عدم الاساءه لنا !

بقلم زهرة أيلول

                         

لميس مرت فتره واني مشايفته و لا هو اجه هنا بيوم كنت بالبيت وحدي ماما وعمه طالعين جتي الهام اخت سيف اني مااحبها خشم عالي وتباوع الناس بطارف عينها وعدها العالم عبيد حتى ويه اقربائها برغم لكل حالتهم زينه واصلين دخلت واول مره تكعد سولف وياي بدت تسال هي زوجها انسان قمه باالاخلاق من دون اهله سمعه ومركز وجمال كل بنيه تتمنى هيج شخص اهله نفس طبع الهام شايفين ارواحهم ماعاجبهم العجب الهام متستاهل هيج انسان لن خبيثه حيل كعدت نص ساعه وهي تسال بيه واني طبعي اخرط الاول وتالي مااعرف اضم اسأل هواي وسولف هم

الهام لميس اسالج انتي بعدج صغيره شسوين بزواج هسه شلون قبلتي اني اكبر منج وتندمت من زوجت ونوب سيف اكبر منج بهواي

لميس هاي رغبت بابا اني مقبلت بس هو كال اني موافقت وكتله بعدني صغيره اريد ادرس ويني وين زواج وشعرفني اني بهاي سوالف

الهام ها اخاف اكو احد عاجبج غير سيف احجي تره اني مااسولف لاحد حتى اذا سيف ماعاجبج كولي اني احلها بدون ماكول انتي طلبتي لا يقشمروج وبعدين تتندمين

لميس لا اكولج مااريد ازوج بعدني صغيره موبالي هيج وين اكو بعمري متزوجات وعيب شنو احد بالي باوعت عليه الهام وتعوج بحلكها

الهام هو سيف عصبي وانتي مدلله ميفيدج ارفضي ليش يضيع عمرج وياه بعدج صغيره شوفي دنيا وروحي كملي دراسه وجامعه تدخلين اشكال والوان هناك سيف نحس لاطبه ولاطلعه مدرسه ماكو منو ترضى بي مشوفي اصغر منه تزوج وهو بعده

لميس صدوك بس بابا كال تكملين هوصح نحس وعصبية اكولج باجي هو ليش ميكول مااريدها ونخلص

الهام باجي شنو هاي تره صغيره اني وكذب بس تزوجين بعد وين تكدرين هاي اني مكدرت اكمل هم كلت عادي ازوج ودرس

لميس كانت الهام تحجي واني اردد لي دكوله ماكنت اعرف هي تسجل عليه الكلام لي اردده وراها

الهام احسن شي تسوي احجي ويه عمو محمد كوليله مااريد سيف كبير

لميس لااخاف بابا يزعل مني

الهام لاعمو اذا انتي ميزعل يحبج وميرفض لج طلب وتره سيف ميريدج مستحي من عمو

لميس هي تحجي واني ذكرت بيوم جان بالمطبخ وكال عليه تحفه بكلبي هم عاجبته نفسه عمو سيف محد مكلبه وشايف نفسه

زهرة أيلول عوفكم منها هاي تهذري حليو قليله بحقه صاك وهم متوفي حقه نص بنات بغداد طايحات بحبه هههه هذا عمره وتشوفنه من اول نظره يلطش براس

لميس لابله اكمل لو بعدج مامكمله غزل شو امشي عني وين وصلت ها اي بعدنه يم الهام المصيبه
ضليت صافنه والهام تحجي وتعلم بيه وكالت كولي لعمو انتي ماموافقه وديري بالج دكولين فلانة سوالفت وياها عبالهم اني علمتج ويكولون ماعندج شخصيه من هسه سوي لنفسج شخصيه صح صغيره بس احسن
اني نصحتج لن حرامات تعوفين دراسه بعدج صغيره مااوصيج لادكولين اني وانتي سوالفنه هاي سوالف بنات بيناتنه اني اريد مصلحتج واعرف مدكولين الهام جتي