أخيرا كالها كال أحبك

البارت ٢٥

سيف هي الوسيله الوحيده اظمنج بيها والله متعرفين شون عايش هسه

لميس سيف شرايد

سيف عيون سيف رايدج لي

لميس كتلك نار وبانزين مصير واحد يم ثاني مانتوالم اني وانت

سيف انتي شوفين هيج اني اشوف ثلج ومي واحد يذوب بثاني

لميس مراح انسى وجعي والايام الكضيتها بقهر

سيف اني انسيج كل وجع

لميس غدرك والخطبه وحجي الناس

سيف كلشي يرجع لمكانه من نصير سوه ولي حجه يعرف نفسه غلط وجاب طاريج

لميس الحجي سهل بس الفعل صعب انت شايفها سهله واني اشوفها مستحيله

سيف ماكو شي مستحيل جربي انطيني فرصه اخذي وقت شكد متردين

لميس ساكته ورفع ايدي وباسها رجفت ايدي سحبت ايدي وكمت هو هم كام وكف

سيف مستعد كل لي طلبي

باوعت عليها كتلها اول مره احس هذا الاحساس شكد عرفت بنات ردت احس ولو قليل بس ولاوحده دخلت كلبي

بس انتي من شفتج اول مره بالمطار ومااعرف انتي منو دخلتي كلبي بساع اختفيتي ولمت نفسي وين راح الكاها لميس اول مره بحياتي احب يمكن من قبل من وقت عمي مااعرف

اني احبج تعرفين شنو احبج لا قليله اعشقج كلشي خاص بيج لي انام واصحى افكر بيج حتى احلامي انتي موجوده

لاتصورين راح اعوفج لا بس الموت
يفرقني عنج اذا صرتي لغيري اعتبري يوم زواجج يوم دفنتي واني حاب اندفن يم عمي مشتاق له

لميس جامده بمكاني اسمع ومامصدكه لي يكوله قشعر جسمي

معقوله داسمعه هذا سيف لي كان راعبني

سمعت كال احبج كالها لواني متوهمه لاكالها اي كال احبج اخيرا كالها كال أحبك

احس كنت منتظره يكولها من اول مافكرة بي عمري ١٥ سنه واتمنيتها

كلبي طاير فرحه بداخلي متنوصف خاف داحلم عفته وطلعت واني بعالم ثاني هذا هم يعرف يتغزل لعد شبي قبل دخلت غرفتي وعمه وراي اسمعها دكول

العمه ها سولفتو

لميس عمه اتصلي على بيت نزار كولي لهم ماموافقه

العمه اكولها صار بينكم انتي وسيف

لميس مصار شي شبيج

العمه شبيج عبالك مصدومه

لميس ماكو شي

سيف طلعت وحس جبل ونزاح حسيتها شويه لانت بس مستحيل اعوفها ساعه ودزيت لها رساله

اتمنى يلوحك # عطش وبس # اني عدي # الماي

شافته مردت عليه اتصلت على مها وكتلها كل صار