#اعداء_بالدم الجزء الثاني
#الحلقة_ال37_وال38
#النهاية
دول اخر حلقتين من المرحلة التالتة ف الرواية فيهم هنعرف ايه اللي هيحصل مع باسل ونتيجه كل اللي عمله في حياته ايه وكمان مين العقرب ده وايه النهايه اللي هتحصل للمرحلة دي اتمني انها تنال اعجاب الكل
(اتمني القارء يطول باله شويه علشان الحلقتين دول طوال جدا جدا )
بدايه الحلقة
المكتب عندي نزلت اشوف مين اللي عايز يقابلني ده نزلت تحت لقيت واحد اسمه العقرب
انا : طيب ازاي
عقرب : ( ببرود ) عادي ( بيقرب عليا ومادد ايده علشان يسلم عليا )
انا : ( خليته مقرب و مادد ايده ونزلت على وشه بالبونيه خليته يقع في الارض ) ازاي
عقرب : ( وقع في الارض وحاطط ايده مكان الضربه ) ايه الغباء ده يا باسل انا راجل كبير
انا : احمد ربنا اني مخدتكش في شوال ل بنتك يا فرحات
فرحات : ( قام ) مقبوله منك يا باسل
انا : انتا ازاي عايش ازاي
فرحات : زي الناس مش هنقعد ولا ايه
انا : اترزع
قعدت قدام فرحات صاحبي وانا شايط بجد
انا : ايه اللي حصل
فرحات: عادي اشتغلت مع سليم والجماعه
انا : ازاي يا فرحات ازي سبت روان ازاي ده انا بكيت عليك يا صاحبي
فرحات : معلش يا صاحبي
انا : طيب كنت عرفني
فرحات : باسل كل حقيقه و راها الف باب بالف سر وكل سر وراه الف باب بالف سر تاني
انا : انتا ازاي تقبل بكده وانتا عرفت اللي حصل ل بنتك اشتغلت في بيت دعاره
فرحات : اتحداك تكون سألتها هيا نامت مع كام واحد هتقولك ولا واحد انا كنت متفق مع الراجل اللي انتا ضربته متطلعش ل حد لكن لما عرفت انك رحت باريس خليته يطلعها ليك علشان انا عارف اول ما هتوصل هتسأل عليا و بعد ما رجعت مصر اكدت فكرتي فيك انك لسه نضيف حتي بعد اللي عملته الدنيا فيك قابلتها هنا و عرفتها اني عايش
انا : يعني انا كنت لعبه في ايدك و في ايد الكل علشان اهد الجماعه صح
فرحات : ايوه انتا مستغرب ليه كلنا لعب في ايد بعض هيا الحياه كده انتا كنت لعبه في ايد نوح و الجماعه كلها الغول و رافي و ماك و البارون كانو لعبه في ايدك و بتحركهم عن طريق سما بلاش تستغرب انك كنت لعبه في ايد حد و انتا كان في ايدك العاب كتير اوي
انا : طيب جاي ليه يا فرحات
فرحات : جاي احكيلك حكايه
انا : مش فاضي
فرحات : لا الحكايه دي تهمك جدا
انا : طيب بسرعه
فرحات : باسل انتا ابوك فين
انا : ( استغربت من سؤاله ) ابويا مات
فرحات : زمان ابوك دخل الجماعه دي و اشتغل معاهم لحد ما البارون و الغول غدره به و ماتت صفاء مراته عرف ان حياته فيها مشكله ل اولاده قرر انه لازم يموت لازم يكون ميت ف زور وفاته واشتغل زي سليم كده علشان بس يهد الجماعه كلها وياخد حقه بعد ما وصل ل الكبير عرفه حكايه الحشاشين وبقي رئيس الجماعه كلها بره وجوه مصر
انا : ( تعبير وشي في صدمه كبيره جدا ابويا عايش بعد العمر ده كله ) يعني هو عايش
فرحات : ايوه ومستنيك
انا : خليه مستني انا استنيت كتير قوي خلاص
فرحات : هيا اللعبه كده زمان اللعبه حكمت عليك تدخل مستشفي المجانين و ماتشوفش ابنك في ولادته وكمان حكمت عليك تطلع تلاقي الدنيا كلها خربانه وحكمت عليك تحط ايدك في ايد سما حماتك وكمان تخلص من الغول ورافي وكمان البارون وتخلص من عمك ، وحكمت عليا انا اسيب بنتي وسط كل ده وحكمت علي سليم انه يسيب اهله وحكمت على ابوك يسيب اولاده وامك انا قولت في الاول انها لعبه لكن مقولتش اسمها ، اسمها الدنيا يا باسل هيا الدينا زي اللعبه الي كل شويه تشوف فيها حاجات جديده تحسسك انك متعرفش حاجه ، الدنيا يا باسل اللي انتا بتحارب فيها وهيا بتحارب فيك الدنيا يا صاحبي دنيا
انا : خلصت كلامك
فرحات : ومستني ردك
انا : اطلع بره وانسي ان ليك صاحب اسمه باسل انتا خاين خنت الصحبه والعيش والملح اللي بنا و مقولتش الحقيقه في البدايه
فرحات : ( قام في هدوء ) براحتك بس الدنيا حكمت علينا بحاجات كتير دي كانت منهم وده مش مبرر ليا انا عارف ، سلام يا باسل
أنت تقرأ
رواية ( اعداء بالدم ) كاملة جزئين مدمجين
حركة (أكشن)* #باسل :: طول عمر الغلط تمنه غلط والرد عليه غلط انا كان وچودي غلط مش غلطه من الولاده لااه غلطه في تصرفاتي كت شاب في سن العشرين بس ذكي وذكائي ده چذب انتباه ناس كتير بعدين. هي دي حياتي حيات ( باسل الصمدي ) المغناطيس الچاذب للمشاكل بس انا كا ( باسل )...
