رواية ( اعداء بالدم ) كاملة جزئين مدمجين

#الحلقة_ال27_وال28 #الخيانة

#اعداء_بالدم
#الحلقة_ال27_وال28
#الخيانة

الخيانه هي ابشع حاجه ممكن يتعرض ليها انسان ، ابشع طريقه لاخد الحق ، ابشع طريقه للحياه ، اصل ازاي الانسان يقدر يعيش وهو ضارب حد في ضهره ازاي يقدر يعمل كده و يا سلام لو جت من حد قريب ليك ساعتها بتكون ضربه قاضيه ليك

بدايه الحلقة

تاني يوم كانت امي وسندي وباسل ركبين ورايحين الصعيد اما فضلت في الاوضه دي لوحدي مش باكل ومش بشرب عمل احرق في سجاير لحد اتعميت وبكيت ايوه بكيت اصل مهما كنت جبار في حاجات كده تكسر البني آدم مش عارف افكر في حياتي اصلا انا حياتي انتهت لما دخلت المصحه لما حماتي اللي وثقت فيها كانت سبب في كل حاجه وحشه في حياتي اهي الكلاب اتجمعت على جثتي علشان تنهش فيها

في مشهد اخر

سليم راح للرئيس بتاعه في مكان مجهول

شخص : خير يا سليم الاول اقعد افطر معايا

سليم : ومين ليه نفس يفطر بس

شخص : ايه حصل خلاه يسد نفسك كل حاجه رجعت للمسار الطبيعي اللي كنت رسمه

سليم : ( اداله ملف )

شخص : فيه ايه الملف ده مخلي وشك اسود وعليه غضب ربنا كده

سليم : ده ملف بالحاله الصحيه ل باسل

شخص : بص يا سليم ده قدر ولازم نتعايش معاه هو دلوقتي مشلول بس عايش ولسه عنده دماغ كبيره وقويه

سليم : الملف ده الحقيقي لحالة باسل بيقول اني الاصابه سببت ليه عجز جنسي عارف يعني ايه عجز جنسي

شخص : ( سمع الكلمه وكمل اكل ) طيب

سليم : انتا جايب البرود ده منين نفسي اعرف منين ابن اختي بقي عاجز عارف يعني ايه عاجز يا

شخص : يا ايه كمل وبعدين ابن اختك ازاي انتا اسمك سليم لا ليك اب ولا ام ولا عيله

سليم : ( بزعيق وصوت عالي ) لا ليا انا مح

شخص : ( قطع كلامه وبيتكم وهو بيشاور بالسكينه بتاعت السفره ) كمل اقولك انا بقي انتا محمود العدوي اللي مات من 36 سنه ضابط امن الدولة الذكي الشجاع اللي دخل عش الدبابير ولازم يستحمل لسعتهم واديك اتلسعت

سليم : انتا ايه يا اخي ايه

شخص : ( ببرود وكمل اكل ) انا ميت زي زيك برضه ولا اللي حصل ل جلال الصمدي زمان انتا نسيته لو نسيت افكرك عادي انتا عارف جلاا الصمدي كان ايه كويس قوي تقدر تقولي هو فين جلال في الطرب تحت التراب فكر يا سليم فكر ايه اللي ممكن تعمله بدل ما تيجي وتعلي صوتك عليا وانسي موضوع محمود العدوي ده تمام

سليم : ماشي يا باشا ( كان نفسي يقول اسمه بقي ونعرف مين ده بدل الكاتب المتخلف اللي مطلع عنينا ده كاتب مفتري )