رواية ( اعداء بالدم ) كاملة جزئين مدمجين

#الحلقة_ال41_وال42 #التوازن

#اعداء_بالدم الجزء الثاني
#الحلقة_التاسعة_والعاشرة
#التوازن

العقل والقلب دايما بينهم صراع كبير ، بين حكم مين فيهم ، المشكله لو انتا حكمت عقلك هتنشف وتجف ، لكن لو حكمت قلبك تبقي عبيط علشان اعتمدت على مشاعر ممكن تتخدع بسهوله ، الحياه عايزه ميزان لازم توزنها دايما بين قبلك وعقلك وتسيب الاتنين في تناغم علشان قرارك يبقي صح ومتخسرش ، وبلاش العند والمكابره لما تختار غلط لازم تعترف انك غلط علشان تعرف اصل المشكله فين وتحلها

•           بدايه الحلقة

الشباب راكبين العربيه وسايق ابراهيم

فرح : هههههههه شوفت وش سيف

راضي : شوفتي كان فاتح بقه ازاي هههههه

ليليان : ولا بسنت ههههههه كانت هتموت من الغيظ

ابراهيم : ( قاعد سرحان ومضايق من ابوه اصل ابوه غني ومش محتاج ليه لما طلب منه عربيه اداله عربيه عمه القديمه لما راضي طلب عربيه جاب ليه احدث مودل وكل سنه يغيرها لما ابراهيم يطلب من ابوه فلوس يقوله معيش او لسه لما اسحب فلوس من البنك ولما راضي يطلب ابوه زي مصباح علاء الدين ينفذ ، ايوه هما اصحاب واكتر من الأخوات بس يا زوز * دلع عزيزي القارئ ماتنساش * هما شباب من سن بعض يعني وارد جدا يبصه ل بعض فاق من السرح على صوت ليليان ) ايه

ليليان : سرحان في ايه

ابراهيم : في الطريق مش عايز اخبطها باسل يموتني فيها

ليليان : لا متخفش باسل طيب هو بيهزر بس انا خبط المرسيدس اكتر من مره كل مره يقول ينفع كده يا بنت القرده ويسكت

فرح : عمو باسل ده طيب بي شكل

ليليان : على فكره هو مش بيحب كلمه عمو دي

فرح : اشمعنا

ليليان : انا لما سألته قال بتفكره ب اغنيه عمو علي عندة حمار وبفتكرة ان ابنه هو الحمار ههههههههههه

فرح : ههههههه ده حكايه بقي

ليليان : انتي لسه متعرفيش ده معيشنا في سيرك في القاهره حاجه كده مسخره

وصله البيت ودخلو

امي : ايه ده وشكم ازرق كده ليه

راضي : اتخانقنا حد عاكس ليليان وعملنا مصيبه

امي : لما انتو كده هما عاملين ازاي

راضي : لا هما هما اخدونا ضرب يمين وشمال مخلوش

امي : هههههه هما كانو كام

راضي : خمسه يا تيته

جيهان : ( مسكه وش ابنها ) انتا كويس يا حبيبي

ابراهيم : ( في صوت خنقه في كلامه ) ايوه يا ماما كويس

جيهان : كويس ايه انتا وشك كلة ازرق