#اعداء_بالدم الجزء الثاني
#الحلقة_ال13_وال14
#الذكاء
•
دايما الناس فاكره ان الذكي هو اللي يعرف يخطط ويرسم
لا خالص الذكي هو اللي يعرف يخطط ويرسم وبفكر بس متعرفش هو مين
تبقي ماشي في الشارع تخبط في الشخص اللي بيخطط حياتك كلها ودارس كل حاجه عنك كل اسرارك كل افكارك كل احلامك
هو ده الذكي الذكاء مش مقتصر على التخطيط والرسم لا الذكاء اكبر من كده بكتير
• بدايه الحلقة
قاعد مع الكل سامع وبضحك بس جوه دماغي حرب شوارع ، مين اللي عمل كده طيب انا ممكن اعمل قايمه بالناس اليدلي عايزاني ميت ، اي قيمه ايه انا مفيش حد مش عايزني ميت بس مين عنده الجرأه ل ده ودي المشكله ، طلعت البس ونزلت رحت المكتب وجالي ياقوت
ياقوت : انا سعيد انك لسه عايش
انا : تحذيرك جيه متأخر قوي ياقوت انتا المتحكم في سرافر الديب وب في مصر واللي عمل كده من عليه
ياقوت : كل اللي اعرفه ان اللي عمل كده ساب خبر على الديب وب انك هتموت في التوقيت اللي كلمتك فيه ولما عرفت بلغتك
انا : ايوه مين بقي
ياقوت : شبح ملهوش اثر انا مشغل انبغ المهندسين عندي ومحدش قادر يوصل ل حاجه اللي عمل كده واصل قوي
انا : تؤ مش واصل لو واصل كان قتلني وده مش عايزني اموت اللي عمل كده واحد في اصغر شق في البلد ، اللي عمل كده عمل بأسلوب بلدي يعذب الضحيه بتاعته واحد عايز يلعب
ياقوت : وبعدين لو واحد من الكبار كنا قدرنا نوصل ليه لكن كده احنا بندور على ابره في كوم ابر
انا : اكتب الرقم ده عندك **********01 عايز البلد كلها تدور على الرقم ده
ياقوت : حصل يا باسل
انا : اتفضل
مشي ياقوت وانا فضلت قاعد شويه عملت كام تليفون وكام مقابله خلصت ورجعت البيت رحت ل سندي الاوضه كان يومها النهارده بيت معاها بس فكري مشغول قوي في كل حاجه ( اصل يا زوز لو باسل معرفش مين اللي عمل كده هو وكل اهله في خطر كبير جدا و باسل مش بيحب الخطر يكون حوالين اهله ممكن جنبه هو لكن اهله لا ) صحيت من النوم ونزلت تحت فطرت مع البيت كله ونزلت الشركه
داليا : صباح الخير يا باسل
انا : داليا عايز فنجان قهوه تقيل جدا بس عايزه حالا في مكتبي
داليا : اوكي في واحد عايز يقابلك
انا : مين ده
داليا : بيقول اسمه اشرف الصمدي
انا : ( ناقصه امك دلوقتي ) طيب دخليه
طلعت داليا ودخلت اشرف
انا : اشرف بيه اهلا نورت
اشرف : معلش جاي من غير معاد
انا : عيب يا اشرف احنا اهل تشرب ايه الاول
أنت تقرأ
رواية ( اعداء بالدم ) كاملة جزئين مدمجين
Acción* #باسل :: طول عمر الغلط تمنه غلط والرد عليه غلط انا كان وچودي غلط مش غلطه من الولاده لااه غلطه في تصرفاتي كت شاب في سن العشرين بس ذكي وذكائي ده چذب انتباه ناس كتير بعدين. هي دي حياتي حيات ( باسل الصمدي ) المغناطيس الچاذب للمشاكل بس انا كا ( باسل )...
