رواية ( اعداء بالدم ) كاملة جزئين مدمجين

#الحلقة_ال85_وال86 #ارادة_الاختيار

#اعداء_بالدم الجزء الثاني
#الحلقة_53_وال54
#ارادة_الاختيار

عمر ما كان حد بيختار حاجه في حياته
يعني نوح لو بأيده اختيار مكنش اختار انه يكون نوح
و كمان سليم لو بأيده مكنش اختار يكون سليم
ولا حد كان اختار اي حاجه من دول
دايما الاختيار بيكون جزء من الاختبار
و هيا ايه الدنيا غير اختبار كبير و انتا اللي تختار و على اساس اختيارك يجي اختبارك
محدش فاهم حاجه صح ولا انا يلا نبدا الجزء

بدايه الحلقة
( ملحوظة مش مهمة يا زوز احنا بقينا ف سنة 2040  افتكر كدة يا بحر المفهومية ، باسل اتحبس اول 2011 و مراتة كانت حامل ولما طلع بعد 10 سنين يعني سنة 2020 خلف لميتا وهي دلوقتي عندها 20 سنة يعني احنا حاليا ف 2040 )

بعد شهرين فريده رجعت البيت تاني و الكل كان سعيد بيها و في يوم  باسل  في المكتب بتاعه في القصر و معاه يوسف اخوه
شغاله :  باسل  بيه
باسل  : ايوه
شغاله : الاستاذ عمرو بره
باسل  : ( قفل الملف اللي قدامه ) طيب دخله ( كلم يوسف ) بلاش تبقي رخم ماشي
يوسف : طيب طيب

قام باسل وقف عند باب المكتب و دخل يوسف لبس كاجول
باسل  : اهلا وسهلا يا عمرو انا  باسل
عمرو : ( سلم على  باسل  ) اهلا يا  باسل  بيه
باسل  : لا بلاش  باسل  بيه دي مش بحبها ، اعرفك يوسف اخويا الصغير
عمرو : اهلا يا يوسف
باسل  : تعاله نقعد هنا بلاش المكتب اتفضل اتفضل
عمرو : ( قعد و هو محرج و مكسوف )
باسل  : قولي يا عمرو انتا منين
عمرو : احنا من القاهره انا ساكن في الجيزه
باسل  : تمام عامل ايه في دراستك
عمرو : تمام ايوه الدكاتره رخمين بس اهو ماشي
باسل  : ههههه انتا هتقولي على الرخامه  بتاعتهم  عارفها قولي تشرب ايه
عمرو : انا الصراحه اسمع انكم بتحبو القهوه جدا لو ممكن فنجان قهوه
باسل  : بس كده ماشي قهوتك ايه
عمرو : ساده بن و ساده سكر
باسل  : صريح و دغري انا بعرف الشخص اللي قدامي من نوع القهوه بتاعته
عمرو : طيب لو مش بيشرب قهوه
باسل  : يبقي من لبسه ، عمرو انتا دارس علم نفس و عارف ان في اكتر من طريقه علشان تقراء بيها الشخص اللي قدامك و انا بحب اقراء الاشخاص اللي قدامي

قام باسل فتح البار و عمل ثلاث كوبايات قهوه و رجع
باسل  : اتفضل انا بحب اعمل القهوه بنفسي بحس بمتعه ، ها قولي عايز تقابلني ليه
عمرو : هيا مش الانسه لميتا قالت ل حضرتك
باسل  : ايوه قالت بس احب اسمع الشأن من صاحب الشأن نفسه
عمرو : طيب انا طالب ايد الانسه لميتا اخت حضرتك
باسل  : تمام بص يا عمرو انا مش مهم عندي انتا شغال ايه خالص ولا يفرق بالنسبه ليا هتدفع مهر كام او مؤخر او شبكه حتي كل ده مش مهم انا يهمني الشخص اللي قدامي و انا اعرف عنك كل حاجه
عمرو : كل حاجه ازاي
باسل  : زي ان جدك الكبير كان باشا بس كل حاجه ضاعت منه بسبب القمار و عارف ان اسم العيله بتاعك كبير بس مش بتحب تقوله و كمان اعرف ان ابوك راجل محترم رفض انه يقع بالعكس كمل و مهموش انه يشتغل موظف في شركه عند حد و كمان انتا رفضت تقعد و تقول بابا هيصرف  عليا و كملت انتا و اشتغلت انتا كل ده اعرفه و اللي اعرفه كلام مشرف جدا يخليني فخور انك تيجي و تطلب ايد اختي
عمرو : طيب هو الفخر ده معناه موافقه
باسل  : ( ولع سيجاره و اخد نفس و رد  عليه ) ايوه موافق بس ده مبدائي
عمرو : ( قام و اخد  باسل  بالحضن )
باسل  : ههههههه اهدي شويه انا بقول مبدائي
عمرو : مش مهم المهم انك موافق و صدقني انا هشيل لميتا في عيني
باسل  : طيب اقعد اقعد
عمرو : ( قعد ) خير يا عمي
باسل  : لو قولت عمي تاني اعتبر الجوازه دي مش هتكمل ماشي انا زي اخوك الكبير بس خلينا في المهم الاول انتا لما تتجوز هتقعد فين
عمرو : اقول ل حضرتك بعد ما جدي توفي و بعد اللي خسره كان عنده قصر كبير ابويا و اعمامي باعوه و كل واحد اخد نصيبه نصيب ابويا اشتري بيه عماره في الجيزه و احنا ساكنين فيها و في شقه فاضيه فيها هظبطها و اقعد فيها
باسل  :طيب ليه لميتا عندها كومباوند باسمها مش مشكله فيلا منهم
عمرو : ( باحراج ) اسف جدا يا  باسل  بس انا مراتي تعيش معايا لو في عشه بس لو حضرتك معترض على مكان السكن انا اقدر اغيره بس هياخد مني وقت شويه
باسل  : ( قام جاب ورق و ظرف من على المكتب ) اسمع العقد ده عقد فيلا في الكومباوند ده هديه جوازكم
الباب خبط
باسل  : مين
لميتا : انا يا  باسل  ممكن ادخل
باسل  : اتفضلي ( كلم عمرو ) خبي العقد بسرع
لميتا : ( دخلت و هيا مكسوفه ) مساء الخير
باسل  : اتفضلي يا عروسه
عمرو : لميتا انا بحبك و بقولها قدام اخواتك و انا مش خايف مش علشان انا بجح لا علشان انا صريح بصي يا بنت الناس انا مقدرش اجبلك قصر زي ده تقعدي فيه ولا اقعد اجيب عربيه اخر موديل ليكي كل سنه ولا اقدر اخدك و اسافر جزر المالديف انا راجل ساكن في الجيزه و عندي شقتي اللي هتجوز فيها لو تقبلي تعيشي معايا هكون انسان سعيد لو رفضتي هتمني ليكي السعاده لكن العقده ده يا  باسل  مش بيقول غير حاجه واحده بس ان طمعان بس انا مش طمعان في اختك ورث اختك من ابوك ليها مش ليا انا ، حقها مش حقي انا ، انا مقدرش اقبل الهديه دي منك
باسل  : ( ببرود معتاد ) ليه
عمرو : علشان لما اخد هديه من حد لازم اردها في يوم من الايام دي الاصول و انا مقدرش ارد ليك الهديه دي بعدين ، اتمني تقبلني انا علي بعضي
لميتا : ( مش فاهمه حاجه ) هو في ايه
باسل  : ( باصص ل عمرو و اقتنع انه شخص ذكي و مش سهل خالص ) و انا قابلك انتا كده على بعضك و انا واثق ان اختي هتلاقي السعاده معاك ( مد ايده يسلم  عليه )
عمرو : ( سلم على  باسل  ) و انا هاعمل اي حاجه علشان اختك تكون سعيده
باسل  : طيب تقدر تجيب الحاج و الحاجه امته
عمرو : المعاد اللي تحدده
باسل  : خلاص يبقي كمان يومين تشرفني انتا و الحاج و الحاجه ماشي
عمرو : ( السعاده كانت كبيره جدا في عينه ) ماشي استأذن انا
باسل  : شرفت يا عمرو