#اعداء_بالدم الجزء الثاني
#الحلقة_ال49_وال50
#الصدمة
كل واحد بيتعامل مع الصدمه بطريقته الخاصه
ممكن الهروب او الانكار او تناسي الموقف
البني ادم لما يموت بيفقد وجوده في تفكير الناس
تفتكره مني الديب هيحصل فيها كده تتنسي
بدايه الحلقة
عدي ثلاث شهور و كل واحد بيتعامل مع الصدمه بطريقته الخاصه زي باسل مثلا دفن نفسه في الشغل و بقي ينزل مصنع اشراف على العمال و ده بياخد جهد بدني كبير و يوسف دفن نفسه في الاداره ل الشغل علشان يتعلم و لميتا ركزت في الدراسه اكتر و في العزف و ليليان مع قمر بتعمل ليها كل حاجه اما سندي فا اتدفنت مع كارما و ملك و معاهم حست انها عيله صغيره وسط الطفوله بتاعتهم
و اميره في حاله حزن كبيره جدا اصل مني تعتبر هيا اللي مربياها
في يوم رجع باسل البيت بليل مهدود دخل متأخر الاوضه و فريده كانت نايمه و هو قعد على السرير
فريده : باسل
باسل : ايه صحيتك
فريده : لا انا مش بنام غير لما ترجع ( قامت و وقفت قدامه نزلت على رجليها تخلعه الجزمه ) شوفت دلع زي كده في حياتك ناقص انقع رجلك في المايه و اقول تأمرني يا سي باسل
باسل : ( بعد ما فريده خلعته الجزمه و الشراب خلع الجاكت و نزل على السرير ينام و متكلمش مع فريده )
فريده : ( اضايقت جدا من الحركه دي بس استحملت و نامت جنبه و حضنته من ضهره و قالت في ودنه ) انا معاك ل الاخر
في مشهد اخر
يوسف قاعد في بار بيشرب خمره و دخلت عليه واحده
واحده : هاي
يوسف : هاي
واحده : انا بقالي اسبوع بشوفك هنا تيجي تاخد كام كاس و تمشي مش بتتكلم مع حد ولا ليك اصحاب
يوسف : يعني انا مليش اصحاب في مصر
واحده : ليه انتا منين
يوسف : من باريس بس عشت حياتي كلها في أوكرانيا
واحده : هههههههه شكلك سكران و مش عارف بتقول ايه ، اوروبا ايه انتا شكلك من الحطابه
يوسف : حطابه ايه الحطابه دي
واحده : اسفه لو كلامي بايخ بس انتا شكلك مصري جدا يعني
يوسف : بابا مصري و ماما فرنسيه
واحده : ( مدت ايدها تسلم عليه ) مادلين و اصحابي مادي
يوسف: ( سلم عليها ) يوسف تشربي ايه
مادي : بلادي ماري
يوسف: ( كلم البار مان ) واحد بلادي ماري وكاس ويسكي
قعده اتعرفه على بعض و اخده ارقام بعض و طلع يوسف يمشي ركب العربيه و هو نازل من غير حراسه و هو سكران وقفته لجنه
ضابط : الرخصه و البطاقه
يوسف : اوكي ( طلع البطاقه و الرخصه ) اتفضل
ضابط : ( بص في عينه لقاها حمره ) ممكن تنزل
يوسف : انزل ليه
ضابط : هنفتش العربيه
نزل من العربيه و فتشوها
عسكري : لقينا قزازه وسكي يا فندم
يوسف: و ايه المشكله ده قانوني
ضابط : ( مسك القزازه ) قانوني لما تكون مقفوله دي مفتوحه اعمل محضر يابني
حرره المحضر و يوسف ركب البوكس و هو مش عارف يفكر او يكلم مين لو كلم باسل اخوه هيولع فيه طلعه على قسم الشرطه و دخله ل رئيس المباحث
رايس المباحث : ( بقرف ) اسمك ليه يلا
يوسف : يوسف باسل جلال الصمدي و اتكلم باسلوب احسن من كده شويه
رايس المباحث : و انتا هتعلمني اكلمك ازاي يا روح امك
يوسف : انا قولتلك احترم نفسك بدل ما اشيلك من مكانك انا يوسف الصمدي ابن باسل الصمدي
رئيس المباحث : ( بص في البطاقه ) انتا ابن رجل الاعمال باسل الصمدي
يوسف : ايوه
رايس المباحث : لما انتا ابن ناس كده يابني ليه تمشي بخمره
يوسف : ( بتكبر حس انه فوق خلاص محدش ه يلمسه فا زاد فيها ) انتا مالك انا حر اعمل اللي انا عايزه انتا ه تقول اعمل ايه
رايس المباحث : ( ابتسم و بص ل المحضر ) انا كلمتك باحترام في الاول بس شكلك نمرود خدوه على الحجز
أنت تقرأ
رواية ( اعداء بالدم ) كاملة جزئين مدمجين
Acción* #باسل :: طول عمر الغلط تمنه غلط والرد عليه غلط انا كان وچودي غلط مش غلطه من الولاده لااه غلطه في تصرفاتي كت شاب في سن العشرين بس ذكي وذكائي ده چذب انتباه ناس كتير بعدين. هي دي حياتي حيات ( باسل الصمدي ) المغناطيس الچاذب للمشاكل بس انا كا ( باسل )...
