رواية ( اعداء بالدم ) كاملة جزئين مدمجين

الحلقة التاسعة والعاشرة

#اعداء بالدم
#الحلقة_التاسعة_والعاشرة
دي الحلقة العاشرة ونقدر نقول نهاية المرحلة الاولي ف الرواية  شوفنا فيها باسل وهو بيحارب على كذا جبهه حرب علشان العيله وحرب علشان وحرب علشان اخوه الحرب الاخيره علشان حبه كان لازم ياخد استراحه مقاتل بس الاستراحه دي كذبه بنقولها للمقاتل علشان يشحن بس المحاربين مش بياخده استراحه بيفضلو يحاربه لحد ما يموتو علشان الحرب يتكون جزء في الكينونة بتاعتهم

بدايه الفصل

قاعدين عند سندي لحد ما جت رساله الساعه 11 ب ابدأ
انا : بقول ايه يا جماعه تيجي نروح المطعم نتعشا مع بعض
جمال : ده اقتراح عظيم جدا بس مش هقدر
انا : ليه بس يا عمي
جمال : عندي طياره كمان 20 دقيقة اتفضلو انتو ومعاكم الدكتوره
انا : طيب ازاي مش لازم حضرتك تكوم موجود
جمال : اسف تتعوض يا باسل ( خد سندي في حضنه ) الف مبروك بقيتي عروسه

مشينا كلنا من الفيلا ركبت انا وسندي معايا والباقي ورانا رحنا المطعم كنت مجهزه ومهدي الإضاءة وممدوح كان هناك ومعه محمود وحياه رفضت الحراسه اللي مع سما يدخله وهي بصت ليا بقلق انا طمنتها ودخلنا قعدنا نتعشا كلنا وبنضحك ونهزر وقفت وسط الكل
انا : النهارده مش بس بحتفل بخطوبتي انا وسندي لا كمان بحتفل باخويا محمود وجوازه وكمان بحتفل ب عمي بهجت وبقوله مبروك يا عمده الكفر
ممدوح : ( بص لي عاصم وعاصم حط عينه في الارض )
انا : ب المناسبه دي انا عازم ضيفين كمان وصله اهم

دخل اسلام وخدني بالحضن وعمي عاصم وسما باصين ب استغراب لانهم يعرفوه
اسلام : الف مبروك يا باسل انا فرحت ليك جدا
انا : الله يبارك فيك عقبال اولادك
الضيف التاني وصل وكان ( حسان ) * منافس الحاج بهجت علي منصب العمدة ** الكل باصص ليا ب اندهاش واستغراب
انا : اتمني ما تكونش توهت في السكه
حسان : انا مش بتوه يا ابن الصمدي انا عارف طريقي
انا : ( ب ابتسامه ) شاطر ب المناسبه دي انا حابب اعزف حاجه بنفسي ( قومت )
ناجية : ( ميلت على سندي وكلمتها بصوت واطي) عايزاكي تركزي في اللي جاي علشان تعرفي هتتجوزي مين
سندي : هو باسل هيعمل ايه
ناجية : ( بصه عليا وانا بتحرك بفخر ومبتسمه ) هيدبح

ورحت علي كرسي قعدت عليه وفوق مني اظبت نور مسكت الكمان وبدأت اعزف سيمفونية ل بتهوفن اسمها الحرب العالميه ( نصيحه جميله جدا ادخلو اسمعوها على اليوتيوب ) والمشهد ماشي بعزف وانا مندمج والمزيكا على مشاهد ل رجاله بتنط اسوار ل مستودعات وبعد شويه طلعو والاماكن دي ولعت باللي فيها خلصت عزف وصلتني رساله على التلفون ( تم )
انا : عجبتكم السيمفونيا صح اسمها الحرب العالميه التانيه ل بتهوفن السيمفونيا دي كان بتمثل حياتي في اخر 10 ايام حرب حرب طويله على كذا جبها حربت حرب علشان اخويا واهو اتجوز وحرب علشان حبيبتي سندي والنهارده بقت خطيبتي رسمي مش بس حبيبتي وحرب علشان العيله والمكانه بتاعتها وكسبت كل الحروب دي محمود اتجوز وانا خطبت سندي وحرب العيله بقي كانت على كرسي تافه مش مقامها بس لازم يكون موجود وانا خليته موجود في العيله عمي بهجت كسب الانتخابات وبقي العمده ( بتمشي في مكاني ) المشكله مش في كده المشكله اني كان في حد بيلعب وره الستار مكونتش فاهم مين ده اللي عارف العيله ممكن تلجاء ل مين ورح لي الاعلي منه بصراحه شكيت وانا بطبعي شكاك في الحكايات اللي مش محبوكه قوي ولقيت خيط وهو خالتي حنان فضلت ماشي وره لحد ما جبت اخره واخره هو ممدوح بيه الراعي احب اسمع سقفه  كبيره جدا ( الكل ساكت ومش فاهم فزعت فيهم ) سقفه ( الكل بيسقف ) كان غريب ان حسان يكون بطوله ويجي يطلب حقه في كرسي العمده غير لما يكون في داعم ليه وهو ممدوح بيه ايوه ممدوح بيه لواء اركان حرب على المعاش بس ميقدرش يعرف تحركات العيله غير لما يكون ليه حد جوه والحد ده هو (ضحكت) ههههههههه هتموته وتعرفوه هو اللواء عاصم الصمدي اسمع سقفه كبيره جدا ل عمي عاصم اللي باع العيله
بهجت : باسل ده اتهام خطير جدا ايه دليلك
انا : اسلام بيه جاب ليا تحريات عنهم وهيا المقابلات بتاعتهم وكان اخر واحده في فندق في المنيا الباشاوات شركاء في شركه استيراد وتصدير مملوكه ل ممدوح بيه وحسان بيه وعمي عاصم كان الشريك الثالث الخفي اللي بيحصل كل حاجه ليهم الشريك اللي من الباطن
عاصم : شاطر يا باسل طول عمري بقول عنك اذكي واحد في العيله دي
انا : وراثه وراثة من ابويا اخوك اللي كبر العيله دي وانتا بعت كل حاجه علشان كام مليون بيدخل ليك من العيله قدهم اربع خمس مرات في السنه بس المكسب الشهري حلو برضه
عاصم : حقي حقي اني يكون ليا كيان مستقل
انا : (باصص بعيد) كيان مستقل ( لقيت الشايب داخل من الباب ) الكيان ده اتحرق من شويه
قام عاصم يمشي وكمان حسان وقف
حسان : هتندم يا باسل ها تندم
انا : ( بقرف) يلا يلا من هنا العب بعيد
مشي حسان وممدوح قاعد ساكت
انا : ساكت ليه يا ممدوح
ممدوح : عايزني اقول ايه
انا : ( وقفت قدام الترابيزه بتاعته وحطيت ايدي عليها ) اتكلم برر زي الباقي
ممدوح : لا مش هبرر علشان مفيش مبرر مقنع كان هيقنع جلال ابوك الله يرحمة معني كده مش هيقنعك بس شاطر يا ابن ابوك
انا : ما انا عارف اني شاطر
ناجية : ( قامت وسط الكل وسقفت ليا ) ابن ابوك يا باسل
بهجت : انتا عرفت كل ده من امته
انا : من البدايه في حاجه مش راكبه معلش يعني عمي عاصم ليه سلطه كبيره يخلصه القصه دي في ثانيه
علاء : الخلق الناطق ابوك
انا : الاي خلف مامتش يا عمي
اسلام : ( قام وجالي مد ايده ) كان عندي حق لما قلت انك هتبقي حاجه كبيره يا باسل اتمني المره الجايه اكون جي ليك في كارثه تطلعني منها سلام يا باسل
انا : سلام
مشي اسلام
حياه : ( بعتاب ) ليه يا باسل
انا : اسألي ابوكي
ممدوح : خلاص يا حياه مش مهم ليه انا المهم ليه انا بدأت بس بجد انا فرحان بيك يا باسل الراجل اللي كان هنا عنده حق وعمك علاء كمان اللي خلف ممتش
انا : ( بصيت لي سندي وهي مبتسمه جدا ليا ) ايه يا قمر
سندي : ( اتكسفت وبصت في الارض )