بسببك عدت الى الحياة

4

عوده الى ذالك  الحى الشعبى
عادت بسنت مع انس الى المنزل ولكنه نزل كى يشترى بعض الطعام كانت بسنت تفتح باب الشقه وعلى وشك الخروج حتى ارتطمت باحد
انتى مين وبتعملى ايه هنا وهو البشمهندس انس عزل
بسنت . استوب بليز اهدى اولا انس نزل يجيب حاجات وانا بنت عمه وقاعده عنده كام يوم ابتسمت فى وجهها تلك الفتاه التى كانت بصحبت والدتها
الفتاه بابتسامه . اهدى ياماما ليه كل الاسئله دى قوليلى ياحببتى اولا اهلا وسهلا بيكى نورتى الحى ثانيا احب اعرفك بيا مدت لها يدها . انا هدى ودى والدتى اسعاد والله هى طيبه بس اصلها بتعتبر البشمهندس انس زى ابنها ودى بقي ياستى بنتى سلمى
بسنت بابتسامه بريئه جذبت بها قلب اسعاد . هاى انا بسنت
اسعاد . معلش ياحببتى بس اصلى اتخدت شويه لما لقيتك طلعه من الشقه واحنا عارفين انها شقة انس
بسنت . اسفه ياطنط
اسعاد . احنا سكنين فى الشقه دى اللى قدام شقة انس لو احتجتى حاجه انا موجوده
هدى . وانا بقي حبه نكون اصحاب ايه موافقه ولا
بسنت . اه اه موافقه ياريت
سلمى . ماما يلا ننزل نجيب الحاجات
بسنت .ممكن انزل معاكم اصلى انا جديده معرفش حد هنا
هدى .بس كده من عيونى يلا وبعد كده حبه تنزلى تعالى قوليلى وانا انزل معاكى
بسنت بسعاده .شكرا شكرا انا حبيتك اوى
هدى .انا اللى حبيتك انتى تدخلى القلب بسرعه يلا بينا
ذهبت معها بسنت .وبعد ربع ساعه عاد انس الى الشقه ولكنه لم يجدها بها شعر بالقلق فهى لا تعرف احد هنا وهم لينزل كى يدور عليها ولكن عند باب الشقه كانت اسعاد تضع كيس القمامه امام الباب لياخذه البواب
اسعاد .ازيك يابنى عامل ايه
انس .انا الحمدلله انتى عامله ايه ياماما
اسعاد .نحمد الله على كل حال انت نازل
انس بسرعه .ايوه
اسعاد .حلوه اوى بنت عمك تدخل القلب على طول
نظر لها بعدم فهم . بسنت انتى شوفتيها
اسعاد . ايوه حتى انها نزلت مع هدى يجيبوا حاجات
ارتاح قلبه قليلا على القليله يعرف اين هى
انس . كويس دانا كنت نازل ادور عليها كويس انها مع الدكتوره
اسعاد . باين عليها خوجايه اوى
انس . اه اصلها كانت عايشه برا مصر  حوالى 11 سنه
اسعاد .رغم ان لبسها مش عجبنى بس قلبها طيب
انس .والله ولا عجبنى انا كمان
اسعاد .بتقول ايه
انس .لا ابدا عن اذنك هدخل ارتاح شويه
اسعاد .نوم العوافى ياحبيبى

:------------------------------:

بينما عادت بسنت بعد ما يقارب الساعه وهى تضحك وفى قمت سعادتها لقد كانت من اسعد اوقاتها فا الدكتوره هدى لديها حس دعابى عالى لا مثيل له
هدى .اكيد تعبتى اوى
بسنت .لا خالص بجد انا انبسط اوى اول مره اجرب كل ده
هدى .انت قاعده هنا لحد امتى
بسنت .يعنى كام يوم كده
هدى .كويس اوى اهو نتعرف اكتر
بسنت .اها اكيد انا بجد حبيتك اوى يا دكتوره
هدى .لااا قوليلى ياهدى عادى
بسنت .اوكى انا هدخل بقي
هدى .ماشى ياحببتى
رنت بسنت الجرز .فتح لها انس وقبل ان تتكلم شدها الى الداخل وقفل الباب
بسنت .ايه مالك
انس .ليه نزلتى من غير متقوليلى
بسنت . وايه يعنى لما انزل وبعدين اقولك ازى وانا معرفش انت فين
انس .فى حاجه اسمها زفت تلفون
بسنت .انت اهبل انا معيش رقمك هكلمك ازى
انس .هاتى الزفت التلفون وسحبه من يدها وسجل الرقم .خدى اهو اى حركه تكلمينى الاول
بسنت .اوكى
انس .طيب تعالى كلى
بسنت .لا مش عاوزه
انس .لا هتكلى وتشربى البن كمان
بسنت .لااااا مش هشرب انا مصدقت انى بعدت عن زن نانا علشان اشربه لا مش هيحصل
ولكن على من العند
كانت تنظر له بغضب بينما تحتسى البن فهو اجبرها على شربه
بسنت بطريقه طفوليه .غلس اوى انا مخصماك
كان يكتم ضحكته على طريقة تلك المجنونه الطفله
انس .احم كلى بقي
بسنت .بس انا شبعت
انس .كلتى حاجه برا وانتى مع الدكتوره
بسنت .اه كيك
انس .وحتت الكيكه دى شبعتك
بسنت .لسه الباقى معايا عاوزها
انس .كمان لسه فيها باقى دايه ده معده فرفوره فرفوره انتى بتوفرى لبوكى كتير
بسنت .اعمل ايه مش بقدر اكل الا لما احس انى عاوزه اكل
انس .طيب تحبى نتعشى  برا انهارده
بسنت .همممم العك اللى وكلتهونى انهارده
انس .عك انتى تعرفى معنى الاكله دى الاول
بسنت .انا اكلت اكل كتير فى حياتى بس دى كانت اول مره اكل الاكل ده
رن الفون الخاص بها
بسنت بابتسامه .عاااااا ايهم وردت..الو ياحبيبى وحشتنننى اوى
ايهم .😄😄😄اهدى ياقلبى انتى كمان وحشانى اوى
بسنت .انت اكتر يا ايهو
ايهم .😄😄😄وحشتنى ايهو دى بس قوليلى انتى عامله ايه
بسنت .الحمدلله انا بخير وانت
ايهم .انا كمان بخير نانا عامله ايه
بسنت .نانا كويسه
ايهم .ادهانى اكلمها
بسنت .اصل..اصل..انا برا مصر حاليا
ايهم .فين يعنى
بسنت .فى كندا ف.. فى رحله
ايهم .هممم طيب ماشى انا راجع عن قريب
بسنت بسعاده .بجد قول والله
ايهم .والله راجع بس علشانك ووقتها هتعيشى معايا على طول
بسنت .وبابا
ايهم .بابا هو من امتى كان بيهتم بينا انتى الاهم عندى
بسنت .اوكى
ايهم .هقفل دلوقتي وهكلمك تانى
بسنت .اوكى ياحبيبى سلام
اغلقت الهاتف والتفتت الى ذلك اللى كان ينظر لها بغضب
بسنت .ايه مالك قالب وشك كده ليه
انس .هممم حبيبى انتى مش قولتى انك مكنش عندك صحاب قبل كده
بسنت .اها معنديش صحاب ده مش صحبى ده اغلى حاجه فى حياتى
انس .هممم ومين ده بقي
بسنت .همممم ده تؤ مش هقولك
انس .قوليلى يلا بقولك
بسنت .لا لا دى حاجه خاصه بيا خليك فى حالك
انس .نظر لها بغيظ وذهب
بسنت .مالوا ده
:------------------------

وفى المساء خرج من غرفته كان على امل ان ينام ولكنه لم يستطيع ان يغلق عيونه وجد الشقه هاديه جدا
انس .بسنت بسنت ب 😳اااااااااه
بسنت كانت فى الحمام وخرجت وهى حطه قناع اسود على وشها مسك يعنى..ايه مالك
انس .ايه ده ايه اللى عمل فيكى كده
بسنت بستغراب .ايه ده مسك
انس .اتعشيتى
بسنت .قولتلك مش بتعشى
انس .طيب البسى هننزل نتعشى سوا
بسنت .ننزل فين الساعه 9
انس .ايه مش راجل انا مش هعرف اخد بالى منك
بسنت .مش قصدى خلاص هروح اجهز
انس .استنى
وقفت ولفت له .ايه
انس .انا اللى هخترلك لبسك ذوقك زفت خالص
بسنت .😲هو انت مفكر نفسك هتمد ايدك على هدومى ده بعينك
لم يعيرها اى اهتمام ودلف الى الغرفه تحت دهشتها
بسنت .انت يااخ تعالى هنا انا بكلمك انت يا انس
انس .هششش مش عاوز اسمع صوتك
وقفت تنظر له بغيط
اخذ يعبس فى ملابسها حتى اختار لها بنطلون جينس ازرق وقميص ابيض وجاكيت رقيق يصل الى بعد الركبه اسود صيفى

انس.ده حلو هستناكى بره
بسنت .لا انا هلبس ده  .. كان فستان قصير اسود وخاكيت فرو رائع
بسنت بحب .ايهم كان جيبلى ده فى عيد ميلادى وانا بحب الطقم ده جدا
شعر انس بختناق كلما ذكرت امامه اسم شاب اخر
انس بعند .طيب مش هتلبسى غير ده وده اخر كلام وخرج مسرعا واغلق الباب
بسنت .لا بجد مش طبيعى انا متاكده انه مجنون واخذت تحضر نفسها
جهز انس نفسه ووقف ينتظرها
خرجت من الغرفه بعدما جهزت نفسها
بسنت .انا جهزه
انس .طيب يلا تعالى ننزل
اثناء مكانوا نزلين كانت شهد راجعه مع مامتها من برا
سهير .ازيك يابشمهندس وازيك يابنتى
بسنت بابتسامه لطيفه .هاى انطى
انس .احنا الحمد لله بخير ياست سهير انتى عامله ايه وصحتك عامله ايه
سهير .اهو الحمد لله بخير
رن فون بسنت.
بسنت بابتسامه .هاى جو عامل ايه
نظر لها انس بترقب ونظرت له شهد بغضب من نظرته لها
سهير .طيب عن اذنكم .ودلفت الى الشقه ولكن شهد كانت لسه بتبص لانس اللى مركز مع بسنت
انهت بسنت المكالمه .اقترب منها انس مين جو ده
بسنت .هو انت ليه بتحب تدخل فى اللى ملكش فيه
انس بغيظ .بسنت
شهد .عيب عليكى فى حد يكلم ابن عمه كده لا ملكيش حق
انس .وانتى ملكيش دعوه وسحب يد بسنت وذهب
دلفت شهد وهى غاضبه الى شقتهم
بسنت .احم ايدى
انس .نعم
بسنت .ايدى سيب ايدى لو سمحت.
انس .لا واكمل طريقه
♡:--------------®----------------:♡

🌷🌷🌷🌷🌷🌷🌷🌷🌷🌷🌷🌷🌷🌷🌷🌹🌷🌹🌷🌹🌷🌹🌷🌹🌷🌹🌷🌹
بسببك عدت الى الحياة ✍️بقلمى انا رحمه ابراهيم
💓💓💓💓💓💓💓💓💓💓💓💓💓💓