#عشقت_بنت_استاذى
البارت الاول
لا مفيش قعده فى سكن خارجى هتروحى وتيجي فى نفس اليوم
ياماما انا مش هكون لوحدى معايا مريم وفوز
انا قولت لا يعنى لا مش كفايه دخلتى الكليه دى يا بنتى انتى مجموعك جايب طب بشرى ليه تدخل القسم انتى هتفجرينى
متشوفلك صرفه مع بنتك دى
خليها تعمل اللى هي عايزاه انا عارف حبيبت بابا عمرها متعمل حاجه غلط ابدا
تسلملي يا اللى مفيش غيرك ناصفنى فى البيت ده
اعرفكوا بالشخصيات بقى
(سلمى سعيد كلها اسبوع واكون فى الجامعه بحب الاطفال جدا علشان كده اخترت القسم ده بابا اكتر واحد فاهمنى وبيحبنى وماما كمان بتحبنى بس دايما بتفكر فى المستوى الاجتماعي مش اكتر اما بقى مريم وفوز دول افضل صحاب ليا يمكن اكتر من الاخوات كانوا مسمينا ثلاثى اضواء المسرح)
سلمى: هاى شله عاملين ايه
مريم: ايه يا سولى الاخبار وافقوا ولا ايه
سلمى: البت فوز فين
مريم: اهى فتحت
(بقلم :سلمى العطار)
فايزه: عاملين ايه يا بنويت
سلمى: كنتى فين كلب البحر
فايزه: جبت شويه دريسات يا بت يا سولى انما ايه حكايه
مريم: طب يا سلمى متكلفيش نفسك بقى هدوم فوز كتير
فايزه: هاااا لا انسى انتى وهيا اللى حصل فى ثانوى مش هيحصل فى الجامعه كل واحده تلبس حاجتها
مريم: هنشوف الموضوع ده بعدين
المهم يا سلمى اهلك قالوا ايه
سلمى: انتى عارفه راى ماما اما بابا بقى ده حبيب اكيد هيقف معايا وخاصة انى حاسه كده والله اعلم انه مش معارض واصلا انا كده كده هاخد سكن مش هقدر اروح واجاى كل يوم
فايزه: عيال ابويا بينادى هكلمكوا تانى سلام
مريم وسلمى: سلام يا فوز وكترى فى الخمرات تمام ومتنسيش الفستان ابو جيبه اللى بحبه ده
فايزه: اقفلى يا بت انتى وهيا سلام
مريم وسلمى: سلام
طلعت سلمى من الاوضه ورايحه تساعد مامتها فى المطبخ
فاطمه: تعالى قطعى الخضار
سلمى بلهفه: حاضر
فاطمه: انا مش معارضه يا حبيبتي بس انا بخاف عليكي انتى بنتى الوحيده اللى طلعت بيها من الدنيا
سلمى: والله يا ماما عارفه بس انا حتى لو دخلت طب كنت هاخد سكن
فاطمه: اديكى قولتى طب يعنى حاجه تستاهل انك تتغربى علشانها
وترفعى راسى بيكى
سلمى: يا ماما انا طول عمري باعمل الحاجه اللي تريحك حتى لو مش عجباني دخلت علمى علشانك مع انى مبحبش الرياضيات تعبت فى الثانويه مذاكره ودروس برضوا علشانك وعلشان بابا يفتخر بيا وسط المدرسين صحابه لكن بعد كده انا هعمل اللى انا عايزاه طول ما انا صح يا ماما انا مش بعارضك والله بس انا نفسى اخد لو قرار واحد فى حياتى حتى لو غلط بس حاجه تبقى انا اللى اتحمل نتيجتها سواء كانت صح او غلط
وسابت مامتها ومشيت ودخلت اوضتها تانى بس المره دى والدموع ماليه عنيها والموبايل يرن
الو الووو ايه الغباء ده ناس مش عايزه ترد بتتصل ليه وقفلت شويه ووصلتها مسدج ع الواتس بنفس الرقم وكان مع المسدج فيديو لاطفال بيلعبو وكان مبهج الصراحه
فتحت المسدج
( مفيش حاجه تستاهل دموعك)
واول ما شافت الفيديو بدات تضحك تصرفات الاطفال مع بعض
فضلت سلمى ع الحال ده اسبوع تطلع تاكل معاهم علشان والدها ميزعلش وتدخل تانى قضت الاسبوع تدعى ربنا ان المشكله اللى بينها وبين مامتها تتحل لحد ما الاسبوع خلص وهتسافر بكره
مريم: عيال انا ظبط الحاجه مع صاحبه السكن وكله تمام
سلمى: العماره كلها بنات صح
مريم: اكيد يا بنتى
فايزه: بس فى
قاطعتها مريم بس الشقه حلوه لا وكمان جنب الجامعه يعنى مش هناخد وقت علشان نوصل مش كده يا فوز ولا ايه
(بقلم :سلمى العطار)
فايزه: اه طبعا
سلمى: خلاص انا هنام بقى تصبحوا على خير نتقابل بكره فى الموقف بقى
مريم: مالك يا سولى
سلمى: ماما لحد الان مكلمتنيش وانا ماشيه بكره الصبح معقول حتى مش هتسلم عليا
فايزه: خلاص يا بنتى متعيطيش والله كل حاجه وليها حل بس انتى قولي يارب
سلمى: يارب
قفلت سلمى معاهم وقعدت تقرا قران وقامت صلت القيام وفضلت تعيط فى سجودها لحد ما نامت مكانها خبطت مامتها ودخلت لاقيتها نايمه على الارض
فاطمه: سلمى قومى يا ماما نامى ع سريرك
سلمى من وسط نومها متزعليش منى انا مقصدش اضايقك انا اسفه يا ماما
فاطمه: طيب تعالى نامى دلوقتى انا عمرى ما ازعل منك
سلمى: ماما خليكى معايا عايزه انام ف حضنك
فاطمه: تعالى يا قلب امك واخدتها فى حضنها
صحيت سلمى الصبح ملقتش مامتها جنبها فكرت نفسها كانت بتحلم طلعت بره لاقت الشنط متجهزه
سلمى: ايه ده مين اللى عمل كده
احم ومين غير ماما هيعرف انتى محتاجه ايه معاكى
سلمى: ربنا يخليكي ليا يارب
فاطمه: هتمشوا امتى
سلمى: هلبس وهنتحرك على طول
فاطمه: ربنا يستر طريقكوا
سلمى: اللهم آمين
فاطمه: هتنزلى كل اجازه
سلمى: حاضر هدخل البس بقى
الووووو يا ناس يا اللى هنا
فايزه: نعم يا بنتى
مريم: خلصتوا ولا ايه
سلمى: جايبلكوا كيك بالشكولاته من بتاع فاطمه هانم
مريم: احلفى
فايزه: بت انتوا اتصالحتوا امتى وازاى
سلمى: هقولكوا على كل حاجه بعدين اخلصوا دلوقتى
فايزه: تمام انا خلصت ونازله
سلمى: خلاص سلام بقى
خلصت سلمى وسلمت على مامتها وركبت العربيه مع والدها علشان يوصلها الموقف
سعيد: البنات اهم
سلمى: ازيكوا يا عيال
اتاخرتى ليه هنسامحك علشان مستر سعيد غير كده لا
سعيد: كنت وصلتكوا للسكن
سلمى:لازم نتعود نسافر لوحدنا يا بابا
سعيد: ماشى يبقى طمنينى عليكى لما توصلي
سلمى: حاضر
سعيد: يلا يا بابا توصلى بالسلامه
وقعد يوصى السواق تسوق بالراحه
خد بالك من الطريق وحاجات من دى كتير
_ عرفتلك خبر يستاهل مليون جنيه
_خبر ايه يلا انا مش فايقلك
_ طيب سلام ومتسالش على حبيبه القلب
_ خلاص وحياته امك يا محمود خبر ايه
_ تدفع كام
(بقلم :سلمى العطار)
_ يا سطا اللى انت عايزه
_ جايه الجامعه هنا
_ وحياته امك بس يلا المستر كان بيقول هتدخل طب وهى مجموعها عالى
_ معرفش ياعم ده اللى وصلنى
_ والله الموضوع لو بجد سهره بكره على حسابى
عند البنات
مريم: يا بنتى اقفلى الموبايل ده هو مفيش غيرك ولا ايه الناس كل شويه تبصلنا
فايزه: سبيها يا مريومه فاتحلنا سنترال هههههههه
سلمى: خلصتى انتى وهى على الاقل انا فى ناس بتخاف عليا وتكلمنى مش زيكوا
مريم: اراكى تغلطين فى حقى
فايزه: اين كرامتى انا لا اراها
سلمى: ينهار اسود ايه ده
يتبع........
(بقلم :سلمى العطار)
