#عشقت_بنت_استاذى
البارت السادس والعشرون
مريم وفايزه راحوا لسلمى علشان يتكلموا معاها دخلوا المدرج وكانت سلمى قاعده لوحدها بعيد عن البنات اللى كانوا هناك
مريم شاورت لفايزه: هناك اهى
فايزه: شوفتها
راحوا لسلمى
فايزه: والله المفروض مين اللى يزعل وياخد موقف
مريم: اول مره اشوف ان الغلطان هو اللى بيزعل لا وكمان مش عايز يتصالح
سلمى: ومين قال ان انا زعلانه
فايزه: اه فعلا ده ع اساس ان حضرتك بتتجنبى انك تكلمينا كده لله وللوطن
سلمى ببرود : لا خالص بس انا اتعودت اعتزل ما يؤذينى وقامت علشان تمشى مسكت فايزه ايديها: انتى لو مشيتى دلوقتى تنسى اى حاجه جمعتنا يا سلمى تنسى اننا ف يوم كنا بنعتبر بعض اخوات ويمكن اكتر
(بقلم :سلمى العطار)
سلمى بدموع: انتى بتقولى ايه انتى مجنونه ولا مش مستوعبه كلامك ده
مريم: يعنى هى مش مستوعبه كلامها ومجنونه وحضرتك اللى العقل بيضربلك تعظيم سلام فوقى بقى محدش بيخاف عليكى زينا ولا حد هينصحك كده احنا اتعودنا اننا واحد ومنزعلش من بعض وبنسمع لبعض بس لا حضرتك اى كلمه تقلبى عليها لا وكمان تاخدى موقف
سلمى بانهيار ومكنتش قادره تاخد نفسها: انا يا مريم انا سبب كل المشاكل وانا اللى كل مره بزعل من غير سبب وحضراتكوا ايه بقى ملائكه مبتغلطوش
فايزه لما شافت سلمى ابتدت تنهار: اهدى يا حبيبتي احنا منقصدش نزعلك
مريم حطت ايدها ع كتف سلمى: انا كمان اسفه بس انتى عارفه اننا بنعمل كل ده علشانك
سلمى وهى بتمسح دموعها: علشانى
فايزه: اه يا هبله علشانك لما يبقى واحد زى عمرو بيحبك كل الحب ده وانتى كل شويه تجرحيه بالشكل ده يا بنتى اللى بيحب لو ملقاش مقابل من اللى بيحبه هيبعد ووقتها يا سولى انتى اللى هتخسرى
سلمى: اللى بيحب عمره ما يتخلى عن حبيبه حتى لو فيه عيوب الدنيا كلها
(بقلم :سلمى العطار)
مريم: يا عينى يا عينى مين اللى بيتكلم اه نسيت انكوا جايين مع بعض يعنى نقول مبروك
سلمى: بس يا سنجل يا جربوعه
مريم: ايه ده انتى بتغلطى فيا
فايزه: وتطلع عينك كمان وهمست لمريم افصلى لما صدقت انها اتكلمت معانا
سلمى بعد ما سمعتهم: ع فكره مكنتش هقدر افضل زعلانه منكوا بس انا كنت مضايقه شويه
مريم: امم مضايقه شويه طيب يارب تكونى بقيتى احسن وغمزت لفايزه
سلمى: تقصدى ايه
فايزه: تقصد انك هتقولى كل حاجه من البدايه ازاى متخانقين الصبح وبعدها بساعه راجعين مع بعض كده ولا كأن ف حاجه حصلت
سلمى: ده تحقيق بقى
مريم: سميه زى ما تسميه اعترفى يا بنت فاطمه ايه اللى حصل بدل ما الم عليكى الجامعه كلها
سلمى: هى فاطمه بتلعب معاكى يا بت انتى
مريم: ملكيش دعوه انا وهي قطع كلامهم صوت الدكتور
سلمى بهمس: هنكمل بعدين
الدكتور: صباح الخير انا المعيد احمد رشاد هشرحلكوا المحاضره النهارده بدل دكتور على
مريم: هو احنا بنفهم من دكتور على لما هنفهم منك
احمد: ايه بتقولى ايه
مريم للبنات: لا متقولوش انه سمعنى
سلمى بهمس : مبروك عليكى شيل الماده يا مريومه
احمد بحده : هو انا بكلم نفسي قولتى ايه
مريم اتنفضت من صوته ووقفت: يعنى حضرتك مسمعتش
احمد بخبث وبصوت حاول انه يكون حاد: قولى كنتى بتقولى ايه
مريم بسرعه ورهبه من كلامه: كنت بقول اننا مبنفهمش من دكتور على هنفهم منك وحطت ايديها ع بوقها بسرعه
احمد حاول يكتم ضحكته: اتفضلى اقعدى
مريم بعد ما قعدت: اعصابى سابت منك لله
سلمى بضحك: والله انا قولت فيها طرده بس الراجل قلبه ابيض
احمد: احم نرجع لموضوعنا وبدأ ف شرح المحاضره والكل كان مركز معاه ومع وسامته وطريقته ف الشرح وانه قدر يوصل لهم المعلومه بطريقه مرحه وبسهوله
(بقلم :سلمى العطار)
احمد: وبكده تكون المحاضره انتهت واتمنى انها تكون سهله وفهمتوا حد عنده اى اسئله لان الجزئيه دى مش هتتشرح تانى
فريده(طالبه): لا يا دكتور شكرا لحضرتك
فايزه بضحك : والله يا عيال اول مره افهم حاجه ف الماده دى
سلمى: عندك حق فعلا وعلت صوتها بجد يا دكتور شرح حضرتك كويس وفهمنا المحاضره
احمد: طيب كويس يا بنات انا لسه معيد يعنى دى مش مادتى فمكنش يصح تحكموا ع الشخص قبل ما تسمعوا منه لان الواحد لما بياخد فكره غلط بتفضل منطبعه ف دماغه وبص لمريم الانسه اللى هناك
مريم: والله قلبى قالى مش هيعدى الموضوع ده ع خير...... حضرتك تقصدنى انا
احمد: ايوه
مريم بهمس: يا خسارتك ف البهدله يا مريم........ نعم
احمد: الله ينعم عليكي عرفيلى بقى مفهوم الطفل ف الاسلام
مريم: ايه
احمد: هو انتى مفهمتيش المحاضره
مريم: لا فمهت
احمد: طيب قولى اللى فمهتيه اى حاجه مش شرط التعريف اللى حددته...
قامت مريم وبدأت تتكلم ف الاول كانت متوتره وصوتها واطى شويه حاول احمد يشجعها شويه
احمد: اه تمام برافوا اللى جنبها كملى كده
سلمى: انا
احمد ضحك: ايه يا جماعه انتوا خايفين منى كده ليه
سلمى: ابدا يا دكتور بس يعنى اول مره دكتور يسالنا كده يعنى كله بيدخل يقول الكلمتين اللى عنده ويطلع
احمد ضحك بهستريا: طيب خافى انى اقولهم
سلمى: الارزاق ع الله
احمد بضحك: ونعم بالله اسمك ايه
سلمى: سلمى سعيد عبد الرحمن
احمد: طيب ياسلمى كملى بعد الانسه وبص لمريم
مريم: مريم
احمد: بس
مريم: نعم
احمد: لا متاخديش ف بالك وبص لسلمى اتفضلى بدات سلمى تتكلم وكانت مريم هتقعد
احمد وعينه ف الكتاب اللى قدامه: خليكى واقفه يا مريم
مريم: استغربت انه ازاى شايفها وفضلت واقفه سلمى كملت شرح
احمد: برافوا يا سلمى طريقة عرضك كويسه وصوتك مناسب مريم لو سمحتى تعالى هنا
مريم: ايه
احمد: ايه موضوع ايه معاكوا يا جماعه اتفضلى يا انسه مريم هنا اظن يعنى الكلام واضح
مريم: حاضر
فايزه بهمس لمريم: ربنا معاكى يا قلبى
سلمى: انتى اقوى من كده متخافيش احنا ف ضهرك
مريم: ربنا يستر
احمد:.......
يتبع
(بقلم :سلمى العطار)
#s_e
