#عشقت_بنت_استاذى
البارت الثالث والعشرون
فاطمه بانقاذ للموقف: انا من رأيى تاخدى عمرو وتطلعوا البلكونه شويه
عمرو: اه ياريت
سلمى: اتفضل
عمرو بفضول : مين فادى ده
سلمى: نعم
عمرو: بقولك مين فادى
سلمى: امم الامبراطور
عمرو: الامبراطور
سلمى: اها نجم العصر
عمرو باستهزاء: والله لو هو نجم العصر ابقى انا ايه نجم الظهر ههههههه
سلمى: يا خفه
عمرو: عسل انا صح
(بقلم :سلمى العطار)
سلمى: اها موت مش قادره اوصفلك
عمرو: برضوا مقولتيش يطلع مين وتعرفيه منين
سلمى: ملكش دعوه
فاطمه دخلت ف وقت مش متوقع: فادى ده ابن اختى اتربى مع سلمى بس هما سافروا من عشر سنين ومنزلوش من وقتها
سلمى: اه بس ده ميمنعش اننا لحد دلوقتي بنتكلم
عمرو: اركنى انتى كده.. قولتيلى بقى يا فوفه ابن اختك طيب تعالى معايا ف حوار كده وسحب ايدها ودخولوا جوه..... لف وشه ليها: اه خليكى هنا يا بابا
اخدها للصالون وانا ف ذهول من تصرفه
سلمى لنفسها : بقى كده والله يا عمرو لا اعرفك مقامك بقى انا اركن واخلينى هنا وكمان يا بابا الواد ده عبيط ولا ايه
___________
طلع بابا وقعدنا نتغدا
عمرو: سلمى ممكن تناولينى الطبق ده كده
سلمى: اكيد طبعا اتفضل يا بابا ناوله للاستاذ
سعيد بتوعد من طريقة كلامها : اتفضل يا ابنى
فاطمه: احم بالهنا يا حبيبي
سلمى: انا شبعت بعد اذنكوا..... اه صحه وهنا
دخلت الاوضه وفضلت العب ف الفون ولاقيت جروب منزل صوره لفادى وشكلها كده كانت مسابقه مفهمتش حاجه خالص وطبعا مش هسكت يعنى بعتله ف طلبات المراسله اسأل عن نظام المسابقه دى ايه متستغربوش قوى كده مكنش ف حاجه مهمه تخلينا نتكلم مع بعض من يوم ما سافروا وكل واحد ف حاله
( السلام عليكم ورحمة الله وبركاته
ازيك يا فادى انا سلمى واكيد عرفت من الاكونت انا كنت عايزه اسألك عن حاجه مهمه يعنى لو مش هضايقك ولو مش حابب اعتبر كانى مبعتش حاجه)
خطبت فاطمه ع الباب ودخلت لما سلمى اذنت بانها تدخل
فاطمه: هتفضلى ف الاوضه
سلمى: لا لما يمشى هطلع
فاطمه: طيب والله عيب لما يكون ف ناس ف البيت وانتى ف الاوضه يقول ايه مش حابه وجوده وبتطرديه بالذوق
سلمى: لا انتى عارفه لما اكون مش عايزه حد انا بطرده من غير ذوق
فاطمه: طيب يلا قدامى علشان ابوكى ميضايقش خلينا نقدملهم حاجه يشربوها
سلمى: حاضر حاضر
فاطمه: استنى انتى هتطلعى كمان المره دى بالاسدال
سلمى بلامبالاة : انا ف المطبخ لو احتاجتى حاجه وطلعت وقفلت الباب
هتطلعى كمان المره دي بالاسدال ماله الاسدال ماهو حلو وحطيت الاطباق ع الصينيه انا مش عارفه الناس دى عايزه منى ايه ......هااااااااا
سلمى بخضه: انت واقف هنا بتعمل ايه
عمرو: ولا حاجه كنت بدور ع الحمام وسمعت حد بيكلم ف نفسه وع فكره متفاجئتش يعنى مفيش مجانين هنا غيرك
سلمى: طيب بره بقى بدل ما اوريك جنان من نوع اخر
عمرو: ايه هترمى الطبق اللى ف ايدك عليا
سلمى: وليه لا وكنت فعلا هرميه
عمرو: يا بنت المجنونه.... وطلع
ف الصالون
طلعت بالعصير والكيك وتقريبا كان كلامهم ع منار
عمرو: هى مذاكرتها ضعيفه شويه
سعيد: لا لا مستواها كويس وكمان بتجيب الدرجات النهائيه
سلمى: اتفضلوا حطيت الصينيه وانا ع اخرى منه
عمرو: طبعا لازم تجيب الدرجات النهائيه ده حتى يبقى عيبه ف حقى ولا ايه يا سلمى
سلمى: بابا انا هروح اجيب شنطتى من عند مريم وكمان اطمن ع فايزه
سعيد: تمام بس متتاخريش انا ملحقتش اقعد معاكى وكمان انتى راجعه السكن بكره سيبيلى شويه من وقتك
سلمى: يا حبيبي انا وقتى كله ملكك لو مش عايزنى انزل هفضل معاك وكمان مش هروح الجامعه بكره
عمرو: يا سلام.. طيب ما احنا بنقول كلام حلوه والله تأثرت ممكن منديل يا عمو
سلمى: لا حول ولاقوة الا بالله
سعيد: خلاص يا بابا انزلي شوفى البنات ومتتاخريش
سلمى: حاضر عن اذنكوا
عمرو: طيب يا مستر استاذن انا بقى
سعيد: ليه يا ابنى خليك معايا شويه
عمرو: مره تانيه بقى تلاقى ماما مستنيانى على اعصابها
سعيد: ماشى يا عم خد بالك من نفسك وربنا يعينك وغمزله
عمرو: ادعيلى
سعيد رفع ايده باستسلام: انا نصحتك وانت اللى جبته لنفسك
عمرو: القلب وما يريد
سعيد حضنه : الله معاك
عمرو: يلا مع السلامه
سعيد: مع السلامه
لبست وكلمت مريم قولتلها تقابلنى تحت علشان نلحق نروح لفايزه ومتأخرش
طلعت فاطمه من المطبخ: اما بقى انا عملالك شويه حلويات هتاكل...... هو فين
سعيد: لسه نازل
(بقلم :سلمى العطار)
فاطمه: وانت ازاى تسيبه يمشى قبل ما يدوق الحلويات اللى انا عملاها
سعيد: مامته مستنياه
طلعت سلمى: انا نازله عايزين حاجه من تحت
فاطمه: لا سلامتك
سعيد: متتأخريش
سلمى: حاضر يابابا ...سلام
نزلت ع السلم والدندنه اشتغلت انا مين وفين انا ايه مفروش طريقى بورد
عمرو: ولا الزمان ده انا فيه اضعف واحد ع الارض
سلمى: سلاما قولا من رب رحيم
عمرو: اتخضيتى انى اسف ههههههه
سلمى: انت لسه هنا
عمرو: عارفه لو فاضى كنت رديت عليكى
سلمى: نعم
عمرو: هتمشى الساعه كام
سلمى: ليه
عمرو: لخصى بقى هتمشى الساعه كام
سلمى: وانت مالك
عمرو: ع العموم انا ماشى 7
سلمى: بجد احنا بقى هنمشى 6
عمرو: حلو قوى سلام ومشى اتجاه العربيه
سلمى: ف داهيه
عمرو: ربنا يسامحك
عديت الشارع اللى فيه بيت مريم ولاقيتها مستنيانى تحت ومعاها شنطتى
سلمى: يلا
مريم: هتروحى الشنطه الاول ولا ايه
سلمى: لا مش هطلع البيت مرتين هنروح بيها ع هناك
مريم: اه وبعدين ابوها يسال جايه بشنطتك ليه وكنتى فين كل ده ويعملنا حوار
سلمى: معلش نسيت انه ميعرفش اننا كنا ف رحله.... بس يا بت يا مريم معقول مشكش
مريم: وايه اللى هيخليه يشك ده مكلمهاش ولا مره واحنا هناك وغير كده هو فاكر انها كانت الاسبوع ده ف السكن
سلمى: ربنا يستر خلاص خليها عندك ف المدخل لما نرجع واصلا مش هنتأخر
مريم: تمام دخليها واقفلى الباب
سلمى: تمام
ــــــــــــــــــــــــــــ
ف امريكا
افعلي ما يمكنك
كاتلين: اعتذر بشده فأنا لا استطيع الغاء العرض
فادى: حسنا انا قادم
كاتلين: حسنا
فادى: فاضى انا لوجع الدماغ ده........رن موبايله عايزه ايه انتى كمان
الو
سعاد: فادى انت فين ومبتردش ليه
فادى: ف شقتى ومليش مزاج للكلام اطمنى انا كويس اه انا نازل معاكى مصر
سعاد: بجد يا حبيبي
فادى: انا عندى شغل هكلمك بعدين
سعاد: مش هترجع البيت
فادى: نتكلم ف الموضوع ده بعدين سلام
سعاد: سلام
قفل معاها ورجع بذاكرته (فلاش باك)
سلمى: حلوه قوى د انا عايزاه
فاطمه: يا لومه يا حبيبتى مينفعش بصى ياماما العروسه دى حلوه
سلمى: لا انا عايزه مسدس زى فادى
سعاد: نجبلك احسن مسدس هو احنا عندنا كام سلمى يعنى
فاطمه: لا ياسعاد مينفعش كده انا مش عايزاها تقلد فادى ف كل حاجه هو ولد وهى بنت لازم تلعب بحاجات البنات
صممت فاطمه على رايها واخدت العروسه ومهتمش لبنتها العنيده ولاصرارها انها تعمل اللى ف دماغها
فادى: مش هتاكلى معايا ايس كريم
سلمى: لا مش هاكل حاجه خالص علشان انتوا زعلتونى
فادى: هو انا عملت حاجه
سلمى: ايوه علشان انتوا مش بتحبونى
فادى: طيب اعمل ايه بصى خد المسدس بتاعى بس متزعليش
سلمى: لا
فضلت سلمى ع الحال ده يومين مبتكلمش حد خالص وبتعاند ف كل حاجه قاعده ف اوضتها اغلب الوقت حاولت فاطمه تجيب المسدس بس للاسف لاقته اتباع ومكنش عندها حل تانى كل ما تقنع سلمى انه مش موجود تقولها لو كنتى خلتينى اجيبه مكنش حد تانى اخده
كانت قاعده ف اوضتها مش عايزه تتطلع لحد رغم انها سمعت صوت فادى بره ونفسها تطلع تلعب معاها بس كانت بتكابر
خبط فادى ع الباب ودخل
فادى: لسه زعلانه
سلمى بدون رد:.........
فادى: امم يعنى زعلانه وانا اللى كنت فاكر هتحبى هديتى وطلع المسدس اللى شاورت عليه
سلمى بفرحه: لاقيته فين
فادى: دورت كتير قوى لما جبته تعرفى انى زوغت من المدرسه النهارده علشان اجيبه
سلمى: شكرا شكرا انت احسن فادى ف الدنيا
فادى: عفوا عفوا بس انا عندى شرط متقوليش لحد انى مروحتش المدسه
سلمى: وانت مش هتقول انك جيبت المسدس
فادى: بس اكيد حد هيشوفه معاكى
سلمى: لا انا هعينه وقامت طلعت الصندوق وحطت فيه المسدس وقفلته
فادى: انتى لسه فيكى العاده دى
سلمى: وهتفضل
(بااااااااك)
فادى: ياه يا سلمى يا ترى لسه عنيده زى ماكنتى ولا الزمن غيرك زى ما غير حاجات كتير
عند فايزه ف البيت
مريم: بصى بقى جو انا تعبانه ومش هقدر اسافر ده انسيه احنا مش هنمشى من هنا الا وانتى معانا
فايزه: انتى عبيطه يا بنتى وانا امتى قولت انى مش هسافر معاكوا
سلمى: اه صحيح يا مريم هى امتى قالت انها مش هتسافر معانا
مريم: انا بسبق بس علشان لو بتفكر تفضل هنا كام يوم تشيل الفكره دى من دماغها
فايزه: لا متقلقيش انا لو عليا افضل هناك طول الترم ولا انى اقعد معاه يوم واحد
سلمى: هو للدرجه دى قاسى
فايزه: والله ياسلمى انا لو بايدى كنت اخدت امى وقعدنا عند خالى من زمان بس هو لا بيرحم ولا بيسيب رحمة ربنا تنزل
مريم: عند خالى اه انتى هتقوليلى على خالى وابن خالى ومرات خالى
سلمى: سيبك من دول يا رومه وركزى مع ابن خالى الأ بالحق يا فوز الحج عرف ان ابن خالى كان مع بنت عمتى ف شرم الشيخ
فايزه : اه طبعا عارف وعارف كمان ان عمورى كان معانا مش كده ولا ايه يا مريم
مريم بصتلى: انتى اللى جبتيه لنفسك
(بقلم :سلمى العطار)
سلمى: بقى كده ع العموم انا مش هرد عليكى مش علشان انتى قصفتى جبهتى لا علشان معنديش حاجه اقولها غير كده انا متأخره وبابا قالى متتأخريش اكتر من مره
مريم: وانا كمان لازم امشى سلام
سلمى: نشوفك بكره اه صحيح هنمشى الساعه كام
فايزه بلهفه : 7
مريم: ايه يا بنتى براحه
سلمى: 7 امم لا انسى يا حلوه ومش عايزين نحنحه احنا رايحين نتعلم
فايزه: هو انا قولت حاجه غلط
مريم: مالك يا سلمى هى عملت حاجه
سلمى بصت لمريم : اصلك متعرفيش حاجه يا اختى احنا بقى هنمشى 5
مريم: 5
فايزه: لا ياسلمى ده بدرى قوى
سلمى: لا مش بدرى ولا حاجه وبعدين انا عايزه اوصل بدرى عايزه ارتاح ف السكن شويه واشوف البنات
مريم: اطمنتوا ع اروى وصلت ولا ايه
فايزه: انا كلمتها وقالت هتيجى السكن يوم الاتنين
سلمى: تمام انا همشى علشان متاخرش واشوفكوا 5 مش عايزه تأخير يا فايزه
فايزه: حاضر حاضر يا ميس سلمى
سلمى: لا ميس تقوليهالى بعد اربع سنين كده لما اخلص واعمل المؤسسه اللى بحلم بيها
مريم: طيب فوقى من احلامك دى ويلا علشان نمشى
سلمى: يلا سلام يا ابو الروس هههه
فايزه: اه يا حقيره
روحت طبعا بعد ما اخدت الشنطه من عند مريم وعلى اوضتى من غير كلام مع حد طلعت الهدوم وحطيت غيرهم علشان بكره ولقيت ماما ف وشى
سلمى: عايزه حاجه يا ماما
فاطمه: هبه بنت خالك كانت عايزكى تعدى عليها
سلمى: ليه
فاطمه: معرفش هى قالت يا عمتو خلى بنتك تعدى عليا
سلمى: طيب يا ماما هكلمها ولو الموضوع مستاهل هروحلها
فاطمه: ماشى
سلمى: ماشى
فضلت فاطمه واقفه متوتره ومش عايزه تتحرك
سلمى: ايه يا ماما هتفضلى واقفه لو ف حاجه قولى
فاطمه: هو انتى مش هتفرحينى بيكى بقى
سلمى: اه هى كده بصى يا بطوطه شيلى الموضوع ده من دماغك اه وكمان قولى لجوزك مش سلمى سعيد اللى ينضحك عليها
فاطمه: وايه علاقه ابوكى بالموضوع انا بتكلم معاكى عادى
سلمى: ايوه ما انا عارفه وكمان كنتى عزماه النهارده عادى برضوا والحج خلانى اسافر معاه شرم عادى برضوا
فاطمه: انتى دماغك فيها حاجه ايه اللى انتى بتقوليله ده مفيش حاجه زى كده انا ماشيه لا انا رايحه المطبخ انتى هتجنينى
سلمى: متنسيش تبعتيله من الحلويات يا فوفه ههههههه
الموبايل رن
الو عارفه والله كنت لسه هكلمك
هبه: امم واضح علشان كده انا اللى اتصلت
سلمى: والله يا بنتى عمتك لسه قايلالى انك عايزانى
هبه: طيب اكدبى عليا وقولى انك وحشتيني يا هبه قولت اسأل عليكى يعنى لو عمتو مقالتكيش مكنتيش هتفكرى تكلمينى
سلمى: خلاص بقى يا هوبه ميبقاش قلبك اسود وبعدين ما انتى عارفه انا معنديش وقت من الدقيقه اللى دخلت فيها الجامعه وانا مبقعدش ف البيت دا انا حتى لسه جايه من شرم وبكره راجعه الجامعه تانى يعنى والله مش عارفه اعمل ايه الخروجات كترت يا هبه
(بقلم :سلمى العطار)
هبه: اقفلى يا سلمى اقفلى انا غلطانه انى فكرت اكلمك
سلمى: ايه يا بنتى اهدى وبعدين تلاقيكى انتى كمان مش فاضيه هو عمده ازاى سايبك تكلمينى كده دا انا كنت فاكره ان المخطوبين دول بيفضلوا يكلموا بعض طول اليوم
هبه: هو انتى ف حد مسلطتك عليا يعنى انا مخنوقه منه وبفكر ارميله الدبله ف وشه واخلص وانتى شغاله حريقه
سلمى: ليه يا بنتى ف ايه لكل ده
هبه: ف ايه والله يا اخت سلمى قولى ف ايه يخليكى مستحماله لكل ده
سلمى: يا نهار ابيض دا انتى حالتك صعبه
هبه: حالتى بس ده حالتى وعمتى وكل الجيران
سلمى: وكمان بتقلشى لا انتى ميتسكتش عليكى انا جايالك
هبه: مستنياكى بصى هنتقابل ف كافيه (...........) علشان مرات خالك هتفضل زى الرادار قدام باب الاوضه
سلمى: ههههههه ماشى سلام
هبه: سلام
طلعت سلمى من واضتها : ماما انا نازله اشوف هبه
فاطمه: بابا كان عايزك
سلمى: حاضر على المغرب هكون فالبيت
فاطمه: ماشى سلام
سلمى: سلام
وبعد ربع ساعه
الو انتى فين يا بنتى
سلمى: معلش اتاخرت شويه بس انا وصلت انتى قاعده فين
هبه: تانى طربيزه ع ايدك اليمين
سلمى: تمام انا داخله سلام
هبه: سلام
وانا داخله ايدى خبطت فى حد كنت هقع بس الحمد لله اتمالكت وبلف اعتذر
ولقيت الصدمه ف وشى
سلمى انتى بتعملى ايه هنا
سلمى: انا اللى بعمل ايه............
يتبع
(بقلم :سلمى العطار)
#s_e
