@កាស៊ីណូ
មនុស្សមួយក្រុមដែលគ្រប់គ្នាស្គាល់ច្បាស់ ថាគេជានរណា កំពុងដើរចូលមកក្នុងកាស៊ីណូរបស់នាយកំលោះហូស៊ុក នាំឲ្យភ្ញៀវដែលនៅក្នុងនោះ មានការចម្លែកចិត្តនិងភ្ញាក់ផ្អើល ត្បិតកាលដែលពួកគេមកដល់ទីនេះ ប្រហែលមិនមែនព្រោះរឿងល្អទេ ។
"ចៅហ្វាយរបស់ឯងនៅឯណា?"ជូហ្វីងាកសម្លុតបុគ្គលិកដែលនៅជិតនោះ ធ្វើឲ្យភ័យខ្លាចឡើងគេញ័រខ្លួនទទ្រើត ។
"គឺ...ចៅហ្វាយមិនបានមកកាស៊ីណូទេថ្ងៃនេះ..."គេតបទាំងញ័របបូរមាត់ ។
"ពួកឯង..."ជូហ្វីងាកមុខទៅរកកូនចៅខ្លួន វិនាទីបន្ទាប់...
ប្រាវ!...
"អ្ហាយ៎ៗៗៗ..."សម្លេងស្រែកឆោឡោពេញទាំងកាស៊ីណូ ខណៈដែលកូនចៅរបស់ជូហ្វីកំពុងក្រឡុកក្រឆាតុល្បែង បោកប្រាស់របស់របរ តុ កៅអី តុស្នុកឃ័រ ឡើងរញ៉េរញ៉ៃអស់ ។
"បានហើយលោក..."គ្រានោះ កូនចៅរបស់ហូស៊ុកម្នាក់ក៏ចូលទៅរកជូហ្វី ដើម្បីនិយាយឲ្យគេបញ្ឈប់សកម្មភាពទាំងនោះ តែជូហ្វីមិនត្រឹមតែមិនបញ្ឈប់ឡើយ គេថែមទាំងចាប់ក្របួច-កអាវប្រុសម្នាក់នោះទៀត ។
"ផ្ដាំប្រាប់ទៅវាផង បើសិនប្អូនយើងមានគ្រោះថ្នាក់ដល់ជីវិត កាស៊ីណូមួយនេះនឹងខ្ទេចដូចគ្នា"ជូហ្វីក្បួច-កប្រុសម្នាក់នោះឡើងទៅលើសឹងផុតពីដី រួចក៏បោះទៅម្ខាង ដោយមិនភ្លេចបោះប្រយោគប៉ុន្មានឃ្លាទាំងទ្រូងឆេះឆួល ។ វាមិនមែនសុខៗប្អូនរបស់គេបាត់ស្រមោលទៅទាំងគ្មានដំណឹងអ្វីសោះឡើយ ហើយអ្នកដែលអាចធ្វើរឿងនេះបាន គឺមានតែគូរសត្រូវរបស់គេ ម្នាក់នោះគឺហូស៊ុកហ្នឹងឯង ។
"ទៅវិញ!.."ជូហ្វីងាកទៅបញ្ជាកូនចៅខ្លួន ក្រោយបំផ្លិចបំផ្លាញកាស៊ីណូរួច ។ ពេលដែលជូហ្វីទៅបាត់ បុរសម្នាក់ដែលត្រូវជូហ្វីចាប់ក្បួច-កអម្បាញ់មិញ ក៏លូកទាញទូរស័ព្ទទាក់ទងទៅជេន ។ នាយជេនឯណោះ គ្រាន់តែទទួលដំណឹងភ្លាម នាយក៏ចាកចេញពីភូមិគ្រឹះជុង ទៅកាន់កាស៊ីណូភ្លាមមិនបង្អង់ ។
....
"លោកជេន!..."បុគ្គលិកនាំគ្នាអោនមុខចុះ ពេលជេនដើរចូលមក ។ ពេលនេះ នៅសល់តែបុគ្គលិកប៉ុណ្ណោះ ចំណែកអ្នកដែលមកលេង នាំគ្នាត្រឡប់ទៅវិញអស់ហើយក្រោយរឿងបានកើតឡើង ។
YOU ARE READING
🔥គំនុំចិត្តអន្ទាក់ស្នេហ៍🔥
Romanceមនុស្សម្នាក់ ព្រោះតែគំនុំដែលមានក្នុងចិត្ត ត្រូវបាំងភ្នែកហ៊ានធ្វើគ្រប់យ៉ាង លែងដឹងថាល្អឬក៏អាក្រក់ ជាន់ឈ្លី រាងកាយ ប្រើសំដីមាក់ងាយ ស្ទើរគ្រប់ស្ទើរសព្វទៅលើអ្នកដែលមាននាមជាប្អូនសត្រូវ.... Actor : Jung Hoseok / Lee Jufin written by : ហេមីន Date : 02/12/2020
