ជុងហ្គុកឡើងមកដល់ខាងលើ នាយក៏ដើរសម្ដៅទៅបន្ទប់ដែលឮសម្លេងចេញមកនោះ រួចរុញទ្វាចូលទៅ សភាពរញ៉េរញ៉ៃក្នុងបន្ទប់ធ្វើការរបស់ហូស៊ុក ធ្វើឲ្យនាយសង្ហាចំហមាត់ធ្លុង នេះបងប្រុសរបស់គេប្រែជាមនុស្សឆេវឆាវដល់ថ្នាក់បោកប្រាស់របស់របរហើយឬ? អត់ទេ! បងប្រុសរបស់គេពីមុនមិនមែនបែបហ្នឹងទេ ទោះខឹងក៏មិនដល់ថ្នាក់បំផ្លាញបន្ទប់ការងាររបស់គាត់ដែរ ។
"ឯងមកដល់ទីនេះបានយ៉ាងម៉េច?" អ្នកជាបងចោទសួរភ្លាម កាលបើឃើញជុងហ្គុកបើកទ្វារចូលមក នាយស្មានថាជុងហ្គុកត្រឡប់ទៅកូរ៉េវិញហើយតើ ចុះហេតុអីគេមកដល់ទីនេះបាន?
"ខ្ញុំវិញទេដែលត្រូវសួរហ្យុង...កើតហេតុអី ម្ដេចបន្ទប់ដល់ថ្នាក់នេះ?"ឮសំណួររបស់ជុងហ្គុក ហូស៊ុកក៏ងាកមុខចេញទៅច្រត់ដៃនឹងបង្អួចទាំងមិនឆ្លើយតបអ្វីទាំងអស់ ពេលនេះនាយកំពុងតែខឹង បើសិនតបជាមួយគេ ច្បាស់ណាស់ នាយនឹងច្រឡោតដាក់ជុងហ្គុកមិនខាន ។
"គឺមានរឿងនៅកាស៊ីណូតិចតួចអ្នកប្រុស"ជេនជាអ្នកឆ្លើយតបជំនួស ត្បិតនាយយល់ពីចៅហ្វាយខ្លួនច្បាស់ ។
"មានរឿងអី?"
"គឺ...."
"ឯងមិនបាច់ចង់ដឹងរឿងរបស់យើងទេអាជុង...នាំប្រពន្ធរបស់ឯងត្រឡប់ទៅវិញទៅ ហើយកុំត្រឡប់មកទីនេះទៀត"ហូស៊ុកបោះសម្ដីគំរោះគំរើយ ព្យាយាមដេញជុងហ្គុកចេញពីទីនេះ ប៉ុន្តែអ្នកខាងនោះ រឹងចចេសមិនព្រមទៅទេ ។
"ខ្ញុំមិនទៅណាទាំងអស់ ដរាបណាហ្យុងនៅស្ថិតក្នុងសភាពបែបហ្នឹង"គេនិយាយនេះចង់សម្ដៅលើអត្តចរិតផ្លាស់ប្ដូររបស់ហូស៊ុក ហើយក៏ចង់ដឹងពីមូលហេតុដែលហូស៊ុកមិនចង់ឲ្យគេចូលមកពាក់ព័ន្ធក្នុងការស្លាប់របស់អាលី ទាំងដែលគេក៏ជាដើមហេតុដែលធ្វើឲ្យនាងស្លាប់ ។
"ពុទ្ធោអើយ..."ហូស៊ុកសឹងតែបែកខួរនឹងភាពមានៈរបស់ជុងហ្គុក ។ នាយសម្លឹងមើលការចាកចេញរបស់ជុងហ្គុកទាំងស្មុគស្មាញ នាយព្យាយាមទាញគេចេញពីបញ្ហាហើយ ប៉ុន្តែគេបែរជាចង់ចូលទៅរកបញ្ហាទៅវិញ ។ ជីវិតរបស់គេក៏ស្រស់បំព្រង មានសុភមង្គលជាមួយមនុស្សដែលគេស្រឡាញ់ ហេតុអីមកចង់នាំរឿងដាក់ខ្លួនទៅវិញ? ទាំងដែលគ្រួសារជុង មិនដែលទម្លាក់ទោសកំហុសនៃការស្លាប់របស់អាលីទៅលើគេសោះ ព្រោះនាយដឹងច្បាស់ថានរណាជាដើមហេតុពិតប្រាកដ ។
YOU ARE READING
🔥គំនុំចិត្តអន្ទាក់ស្នេហ៍🔥
Romanceមនុស្សម្នាក់ ព្រោះតែគំនុំដែលមានក្នុងចិត្ត ត្រូវបាំងភ្នែកហ៊ានធ្វើគ្រប់យ៉ាង លែងដឹងថាល្អឬក៏អាក្រក់ ជាន់ឈ្លី រាងកាយ ប្រើសំដីមាក់ងាយ ស្ទើរគ្រប់ស្ទើរសព្វទៅលើអ្នកដែលមាននាមជាប្អូនសត្រូវ.... Actor : Jung Hoseok / Lee Jufin written by : ហេមីន Date : 02/12/2020
