........
បន្ទាប់ពីចេញពីបន្ទប់ហើយ ហូស៊ុកក៏ចុះមកខាងក្រោមវិញ អ្នកកម្លោះដើរទៅរកជំនិតរបស់ខ្លួនដែលកំពុងឈរនៅមុខផ្ទះ
"ឯងទៅវិញ ហើយនាំអ៊ុំមេផ្ទះ និងអ្នកបម្រើម្នាក់មកទីនេះ កុំភ្លេចប្រាប់លោកប៉ាផង ថាយើងមិនទាន់ត្រលប់ទៅវិញពេលនេះទេ"
"បាទចៅហ្វាយ"
"ទៅចុះ" ជេនអោនគំនាបរាងក្រាស់ជាមុន មុននឹងដើរទៅរកឡាន រួចបើកចេញទៅ នាយកម្លោះដើរចូលមកខាងក្នុងវិញ អង្គុយចុចទូរសព្ទមើលការងារនៅលើសាឡុងម្នាក់ឯង
........
ពេលយប់ឈានចូលមកដល់ កែវភ្នែកពោពេញទៅដោយស្នាមទឹកភ្នែក ក៏កម្រើកបើកឡើងតិចៗ ក្រោយបិទមកជាយូរម៉ោង នាងតូចងើបឡើងទាំងត្រដាបត្រដួស ព្រោះតែឈឺត្រង់កដៃនឹងកជើង ដែលត្រូវមនុស្សចម្លែកម្នាក់នោះដាក់ច្រវ៉ាក់នាង ទឹកភ្នែកនៃភាពភ័យខ្លាច ក៏ហូរកាត់លើផែនថ្ពាល់សារជាថ្មី ខួរក្បាលវិលវល់នឹកមិនឃើញអីក្រៅពីយំនោះទេ នាងទើបតែត្រលប់មក មិនទាន់បានជួបបងប្រុសផង បែរជាត្រូវអ្នកណាក៏មិនដឹងចាប់នាងមកទីនេះ នៅដាក់ច្រវ៉ាក់ដៃជើងនាង ធ្វើដូចជាអ្នកទោសយ៉ាងចឹង
"ក្រាក"សម្លេងបើកទ្វារបន្លឺឡើង នាងតូចខំផ្ទៀងមើលអ្នកដែលដើរចូលមក ព្រោះបន្ទប់មិនទាន់បើកភ្លើង ចឹងហើយមើលមិនសូវច្បាស់ទេ
"ភ្លឹប"ភ្លើងបន្ទប់ត្រូវបើកឡើង បង្ហាញអោយឃើញមនុស្សីម្នាក់ មានកាន់ថាសអាហារដើរចូលមក ។ ជី ជាអ្នកបម្រើដែលមកជាមួយអ៊ុំមេផ្ទះ នាងយកបាយមកអោយនាងតូច ព្រោះជាបញ្ជារបស់ចៅហ្វាយ នាងតូចមិនមាត់ តាមសម្លឹងមើលដំណើររបស់ជី ដែលយកដើរកាន់ថាសអាហារមក
"នាងជានរណា?"សម្លេងញ័របន្លឺចេញពីមាត់តូច មើលមកជីម៉ក់ៗ
"ខ្ញុំជី អ្នកបម្រើនៅទីនេះចាស"ជីនិយាយបែបគួរសម ទោះជាអ្នកដែលចៅហ្វាយនាងចាប់មក តែនាងក៏មិនហ៊ានប្រើសំដីធ្ងន់ដែរ បើចៅហ្វាយដឹងថានាងនិយាយមិនអោយតម្លៃនាងតូច នាងផ្ទាល់ប្រាកដអត់ការងារធ្វើមិនខាន
BẠN ĐANG ĐỌC
🔥គំនុំចិត្តអន្ទាក់ស្នេហ៍🔥
Lãng mạnមនុស្សម្នាក់ ព្រោះតែគំនុំដែលមានក្នុងចិត្ត ត្រូវបាំងភ្នែកហ៊ានធ្វើគ្រប់យ៉ាង លែងដឹងថាល្អឬក៏អាក្រក់ ជាន់ឈ្លី រាងកាយ ប្រើសំដីមាក់ងាយ ស្ទើរគ្រប់ស្ទើរសព្វទៅលើអ្នកដែលមាននាមជាប្អូនសត្រូវ.... Actor : Jung Hoseok / Lee Jufin written by : ហេមីន Date : 02/12/2020
