@ព្រលានយន្តហោះ
មានមនុស្សច្រើនកុះករ នាំគ្នាឈរទទឹងរង់ចាំសាច់ញាតិដែលត្រលប់មកពីប្រទេសផ្សេងៗគ្នា ក្នុងចំណោមអ្នកដែលដើរចេញមក ក៏មានរាងតូចមកព្រមជាមួយនឹងអ្នកដំណើរផ្សេងទៀតដែរ ។ រាងកាយតូចច្រលឹង អមដោយខោខ្មៅរឹបរាវជាមួយនឹងអាវសាច់ក្រណាត់ពណ៍សរឆ្នូតដៃវែង វែនតាខ្មៅ សក់វែងប្រាស់ស្មា រលាស់ៗតាមដំណើរកំពុងបោះជំហានចេញមកដោយដៃមានកាន់វ៉ាលីរបស់ខ្លួន ។ ស្នាមញញឹមស្រស់ស្អាតរបស់នាង ទាក់ទាញភ្នែកជាច្រើនគូរអោយងាកមកមើលនាងតូចគ្រប់គ្នា
"សួស្ដី!...ជាអ្នកនាងជូហ្វីនមែនទេ?"ភ្លាមនោះក៏លេចមុខបុរសមាឌមាំម្នាក់ ក្នុងឈុតសម្លៀកបំពាក់ពណ៌ខ្មៅ ទំនងដូចជាកូនចៅអីបែបហ្នឹង ដើរមកសួរនាងតូចពេលនាងដើរចេញមកដល់កន្លែងរង់ចាំ
"ចាស៎៎!...តែហេតុអីលោកស្គាល់ខ្ញុំ?"ស្រីតូចស្រាប់តែជ្រួញចិញ្ចើមឆ្ងល់ ពេលសុខៗមានមនុស្សប្លែកមុខមកសួរឈ្មោះរបស់ខ្លួន ឬមួយជាអ្នកមកទទួលខ្លួនទេដឹង?
"បាទ!...គឺខ្ញុំនេះហើយដែលចៅហ្វាយអោយមកទទួលអ្នកនាង"
"ជាកូនចៅរបស់បងប្រុសទេហ៎៎?"
"បាទ"បុរសម្នាក់នោះអោនគំនាបនាងតូចតាមឋាន:
"អោយវ៉ាលីមក ចាំខ្ញុំជួយយកទៅទុកក្នុងឡានមុន"
"អរ...នេះចាស៎៎"ជូហ្វីនហុចវ៉ាលីរបស់ខ្លួនអោយទៅបុរសម្នាក់នោះ រួចគេក៏ដើរទៅមុននាំផ្លូវនាងតូច ជូហ្វីនដើរតាមក្រោយ រហូតមកដល់ចំណតឡាន ។ មាឌក្រាស់យកវ៉ាលីរបស់ជូហ្វីនទៅទុកនៅគូទឡាន ហើយក៏រត់មកបើកទ្វាអោយស្រីតូចចូលទៅអង្គុយក្នុងឡានបាំងខាងក្រោយ បន្ទាប់មកគេក៏ទៅកន្លែងរបស់ខ្លួន ជាកន្លែងបើក ។ ឡានចាប់ផ្ដើមបញ្ឆេះហើយ រួចក៏ចេញដំណើរចេញពីព្រលានសំដៅទៅគោលដៅរបស់អ្នកដែលអោយមកទទួលនាង ។ ជូហ្វីនអង្គុយក្នុងឡានងាកមើលខាងក្រៅតាមកញ្ចក់ឡាន ទឹកដីសហរដ្ឋអាមេរិច ទឹកដីស្រុកកំណើតដែលខ្លួនបានចាកចេញអស់រយះពេលជាច្រើនឆ្នាំ ពេលនេះនាងក៏បានត្រលប់មកវិញហើយ វាមានការផ្លាស់ប្ដូរច្រើនណាស់ ហើយក៏កាន់តែស្អាតជាងមុនណាស់ដែរ ។
VOCÊ ESTÁ LENDO
🔥គំនុំចិត្តអន្ទាក់ស្នេហ៍🔥
Romanceមនុស្សម្នាក់ ព្រោះតែគំនុំដែលមានក្នុងចិត្ត ត្រូវបាំងភ្នែកហ៊ានធ្វើគ្រប់យ៉ាង លែងដឹងថាល្អឬក៏អាក្រក់ ជាន់ឈ្លី រាងកាយ ប្រើសំដីមាក់ងាយ ស្ទើរគ្រប់ស្ទើរសព្វទៅលើអ្នកដែលមាននាមជាប្អូនសត្រូវ.... Actor : Jung Hoseok / Lee Jufin written by : ហេមីន Date : 02/12/2020
