Taehyung p.o.v
Jungkook leh Jimin kal chu ka en zui vawng vawng, ka inhum ruh hle bawk.
Chiang takin kei mah laka Jimin a thlan zia min hmuh tir ah ka ngai...
Kar kalta chhûng khan Jungkook nen kan ṭha viau sin mahse kha Jimin khan rawn ti chhe vek... Ka duh a ni tih hi hriat tir ka tum ṭan tawh tehreng nen
Ka tukverh ṭang chuan pâwn a an kal chu ka en reng a. An in kuah ka hmuh phei chuan ka thik takzet ka coffee in na no chu ka peih darh chuaih a
Inbengdaih tumin ka thaw halh halh bawk. Khatiang mai mai ka thinrim pui a nih chuan engtin nge hun kalzel tûr ah ka awm ang...
Ka secretary chu a rawn lut vat a, no keh pawh chu a hmu nghal.
"Sir tinge heihi" a tia tihfai tum chuan a ṭhu thla a
"Chhuak rawh, ka lo ti ang" ka ti hmak
"Mahse Sir..."
"CHHUAK RAWH KA TIH CHU" ka ti tuarh a. Tûnah tak hi chuan mahni awm ka mamawh hrih
Engmah sawi lo chuan a chhuak nghal vat a...
Ka thaw leh hak a...
Ka no vawm keh darh chu ka kut chuan ka chhar malh malh a...
A hriam lai ka khawih fuh chuan ka ṭhen sak thip ngei mai.... A rawn thi nghal a mahse engah mah ka ngai duh lo. Ka kut thi chung chuan ka chhar pah zêl tho
Jimin ka thik chhan em em chu hmanni Jin hyung nen a kan inkawm in engtiang chiah a Jungkook nen a inhnaih nge an nih ka zawt a... Min chhan rual chuan ka zawt kha ka in chhiar nghal, a sawi chhûng zawng a thawk ka harsat zia pawh hre hauh lo in Jin hyung khan a sawi char char mai si.
Jin hyung ka huat ber ṭum a ni hial ang....
Chuvang nia Kan Company a awmchilh tur a Jungkook chauh ka thlan nachhan... Mahse tuman ka thlan tih an hrelo Mr Lee tih ah an ngai a mahse ka tih tir a ni.
Jimin nen a inhnaih taka an awm ka remti tawh lo. Inkhata an chêng dun pawn min tibuai tawk tawh nia hnahnawh na lehzêl ah chuan ka hmudun peih lo.
Pakhat leh chu Jimin hi Jungkook a hlat theih nân tiin program hran hran ka siam sak nual kha... A buai in dorm ah pawh a haw hman meuh ngai lo hotel ah a riak tam zawk chupawh chu keihian ka thla muan pui.....
(Aww Tae Jimin chauh i ngaihtuah a, a ai hreawm zawk tûr thu i hriat hun chu engtin tak awm ang che..... I ngaihtuah na kha hmang thûk deuh rawh Jimin chu a ṭhian mai ni si a)
★★★★★
*Taehyung vawiin lunch chu keiman ka treat ve thung ang che...*
Jungkook message chu ka chhiar a
*Jimin va sâwm rawh* tih chu ka type a mahse thawn lo chuan ka delete leh zawk.
Chhang ta lo chuan ka hna chu ka thawh zawm leh malh malh a nidang chu ni se ka reply vat nga biak zawm na tur ka zawng leh char char tawh ang mahse tûnah chuan ka lungawilo ve tlat...
Lungawilo ve ngawt tûrin tunge maw ka nih le
Ka rilru ah engmah a lut thei lo lehnghâl a
Ka phone pakhat zawk chu la chhuak in Jungkook hla pakhat chu ka play a, coffee ka in pah bawk.... Only then hi chu a sa nalh chiang lawm, tiang em em a aw han mawi mai chuh. A talented zia ka hria amah vang hian Youtube ka en hnem ve phah.
Mahse Jikook moment tih ka hmuh fuh khan ka thinrim teh e.... Jikook is real tih te lo awm ṭeuh ka thinrim bawk si kha engmah ngaihtuah hman lo ka phone ka thehbo daih....
Jungkook hnên ṭang bawk chuan message ka dawng leh a
"Taehyung,, lunch eidun chu I hman lo mi" tih a ni, nimin a Jungkook nen a va in ang lo ve.
Ka chhang leh lo dawn emaw ka ti hman zet a mahse
*Hman e*
Ti in ka chhang ta tho
Tinge ka hnar theih miah loh le.... Be miah lo leh hmu lo chuan awmrei ilang ka theihnghilh ve mai ka ring mahse chu chu ka thei tlat si lo nih hi....
**************
Jungkook p.o.v
Nimin a thil thleng kha ka ngaihtuah hian ka nuih la za. Jimin hmel mawlh kha mak a tih zia kha, min puan ṭêp zawk lawm le...
A vawikhat nan ka bialnu nen kan inhmu bawk a..... A hmel pawh a tha in kan inhmeh phian mai.
Ahma a Gift min pêk tûr a a sawi pawh min pe ngei bawk...
Jimin lah chuan dawt in sawi a ti tlat pêk a.
Mahse a hnuah kan in text na vel ka chhiar tîr a a awih chiah. Chuan a kal nghal daih
Tzuyu pawh ka thlah leh thlap a, ka hmeichhe duh zawng tak a ni in ka hria mahse tinge maw ka tuilo ru tlat.
Message ka dawn chu ka en vat a
*Hman e*
Tih zawng a ni
Tinge le Taehyung hi, a diklo riau in ka hria. Hna lam pang ah a buai deuh a mawni le, zawt ta ila pawi viau ngem
*I buai deuh a mi* tih zawng ka type mahse ka delete leh vek.
Ni e lo buai na tur ka nei lo, lunch ei pui ah ka sâwm a a hman thu min hrilh a. A tawk tawh lawm le
Min vân ti buai reuh tak.
Tzuyu ka call ta zawk a. A ni lah ka call vang chuan lo phur nasa mai
*************
Taehyung hi enge maw a hriat le, nidang chu nise eng eng emaw min zâwt leh vak tawh ang mahse vawiin chu a la ngawi char char bakah min melh eih lo hnuai lam a hawi a a hma a Eitur chu a ei ringawt
"Taehyung" ka tih chuan a thil ei lai tawp in a rawn hawi chhuak a
"I ṭha chiah maw.... Hna lam ah buai na a awm mi"
"Awm lo e" tih pah in soup chu an hâwp leh a
Lawkin tinge a kut saw
"Taehyung tinge i kut kha"
"Ka ti pem palh a engmah ni lo"
Taehyung awm dân chuan nuam min tih tir zan lo. Ka bulah tiang a a vawikhat awmna
A ei zawh rual rual in, hna thawh lai ka nei a tiin a kal nghal daih zui a.
Min ti hrilhhai lek lek zawk lawm.....
★★★★★★★
Zantin Ka post tho a. A hma anga tam lutuk chuan ka ti tawh lo a, in lo hrethiam dawn nia....
Chuan tunlai chu ka hman lai tak nia One shot ziah te ka tum ve deuh a. Request tur te in nei nih chuan in duh dan kalhmang te kha in lo sawi dawn nia aw... In duh ang ang kha ni mai
Request ka hawng deuh tawp eee
BORAHAE 😘💜
Bye bye
