Nilengin Laljungkook hian min pehhel nih chu mawle, ka ning takzet. Tinge Bogum ka hmuh vang mai mai a hetia awm le, ka duh tawh miah si lo a. Min ngai diklo a ka insawifiah ngaithla duh bawk si lo, min ngai dikloh na a dikah a ngai bawk si..
Min tibuai mange ka ti, ka hnathawh lai pawh rilru ah lut thei lo.
Miss Go ka ko lût a
"Enge ni ta Sir"
"Jungkook rawn ko ta che"
"Awle Sir" tiin a chhuak a
Rei vak lo ah chuan Miss Go a rawn lut leh a
"Sir Mr Jeon chuan thil tih lai pawimawh ka nei a kin deuh ah ka rawn kal ang a ti"
Ka phone call a chhang duh si lo, ka van ning tak. Ka va kal mai dawn zawk a mi nia keimah ka va kal zawk nge....
Ka tho hluai a, JungKook room lam chu ka pan a.
A lo in hawn deuh vangin kik lo chuan ka lut a. Tu emaw hi lo be mek, min melh zawk a a haw sawn lehnghâl daih nih chu.
Ka nghâk reng a, phone a hman zawh chuan a dawhkan a a thil dah chu a rem ṭha mawlh mawlh a.
"Jungkook" min chhang duh miah lo zui a
"Jungkook"
"KOOKIE"
"Kook"
Min chhang duh chuang lo reng reng.
"Kook min chhang ve la, a nuam lo nia. Chuan ka tihpalh aw khawngaih in min thinrim khum tawh lo teeehhh" kan ti deuh vak a
"Taehyung inbiak ka peih hrih lo nia" ti bul bul
Hmui ti pawrh tarh pah chuan "keiman ka peih lawm,. Khawngaih in min be rawh Ka Jungkook hmelṭha em em te, immm min be rawh mawhhh min be rawh tiang khan ka awm tawh miah lo ang. Tak tak KOOKIE min ngaidam rawh aw" a kut a vuan pah chuan ka ti vel vak vak a, ka van che naupang chhia ngawih ngawih tak.
Jungkook pawn min en hau in ka hria.... Ka zak leh deuh sia a thil sawi hmain ka kuah ta ringawt
Min kuah let dawnlo maw ka tih hnuah min rawn kuah let ta hram. Ka hahdam huai mai
"Bogum kha ka thik hle tih hria la, a bul hnai ah awm tam tawh suh ang che"
"Mahse Kook thik nachhan tur i nei hleinem, ka hrilh tawh che kha ka bialpa a nih ve deuh lai pawn ka duh ngai lo ka tih kha. Tûnah engvângin nge ka duh ngawt ang, ka bulah ka duh ber nang i awm alâwm."
"Chupawh ni se, a hma pawh khan a biangah i fawh sak kha" la ti hram
"Kha te kha chu I hmuh tur a ka tih mai mai lawm, thinrim suh ka Kook duat laipui min thinrim khum tawh miah suh. Hna min thawh ṭhat theih tîr rêng rêng hleinem, min ti buai vek nia aw"
"I chimawm reuh thei lutuk mai a.... Ka hmuh laiin han ti leh na teh. Khapa kha ka rek khawp ang" a tih chuan ka lo nui var var
"Awle awle chuan i lungawi tawh tihna em ni"
"Thinrim khum rei theih pawh i ni lo, i nghal ve reuh sia" ka hnar khawih pah in la ti kher zui...
Nghet zet in ka kuah leh vang vang ah, a hnu ah min rawn fawp chat. He ka hmui tui a tih tâk hi a ngaih tawh ka ring reng a ni, nge maw min thinrim khum vel a. A in hrem tel tihna a ni mai😏😏😏😏
(Lal Kim Taehyung zet hi zawng...🤗🤭🤩🤩🤩 Ka ṭan a ni)
********
Darthlalang ah chuan uluk fahran hian ka lo in en a.
"I chhelo lutuk lawm Bawiha, nidangah khatia uluk taka i in en kha ka la hmu ngai hauh lo. Vawiin chu tinge a thil pawimawh deuhah i chhuak dawn mi" ka nu chuan kawngkhar ṭanga min rawn en lah hian a tia
