"Jimin ka â mai dawn in ka hria. Tunkar chhûng zawng khan min pehhel nih chu engtin nge ka tih ang. Ahma a Taehyung ka hriat ṭhin kha a bo vang vang mai a ni, kei tih loh midang chungah chuan a hma aiin a ṭha mah mah mahse kei chu min biak loh dan kawng mawlh a zawng. A hreawm zia chu"
"I duh thu hrilh rawh ka tih kha"
"Hrilh ringawt chuang ila enge, bialnu ka neih hi"
Ni e, Taehyung hi ka duh lutuk mahse ka hrilh thei lo. A rilru ka tihnat hnu phei chuan
"Tzuyu hi duh na pakhat mah i nei lo tih te chu nang hian i chiang ber ang chu. Ṭhen rawh, Tzuyu pawh a hreawm nep deuh ang chu, amah duh miah lo tu bialpa a nei nia"
"Mahse Jimin..."
"Jungkook mahse tih a hun lo. I ngaihdan siam fel rawh, Taehyung hian a nghak reng lo ang che midang an rawn inrawlh hma in hma la rawh. Mahse Tzuyu i ṭhen dâwn lo a nih chuan Taehyung hi duhloh dan i ngaihtuah dawn nia. Ka inrawlh peih tawh lo i hahthlâk em mai"
A tia, min chhuah san daih nih chu.
Ka insiam malh malh a, ka phur hlawl lo.
Taehyung tello chuan ka khua a har ngawih ngawih. Min nuih sen sen te, enge maw min sawi pui mawlh mawlh ṭhin te, lunch kan eidun te kha ka ngai takzet tawh nih ber hi.
*********
Lunch ei a hun tawh a, Ka room ṭang chuan ka chhuak a.
Ka thil hmuh vang chuan ka ding chiang teh sin
Taehyung room ṭang chuan mipa pakhat hi rawn chhuak a, ka hmuh ngai a ni miah lo a inchei dan ah sawn businessman a ang lem lo khawp mai.
Taehyung hi chuan businessman deuh hlir a hmu ṭhin sia tunge le...
Va kal hnaih ka tum lai takin Taehyung a rawn chhuak a, nui deuh san san mai zui a
Tu chiah nge a nih le.....
Chupa chuan lunch eidun pui turin a la sâwm ta deuh deuh. A lo pawm vat bawk a, Jimin khan a ti dik ni ka chet vat loh chuan Taehyung hi ka la chan vat ang. A ni ang te chu tupawn an duh ang chu mawle.
Lunch ei pawh ka tui tawh nek lo.
Taehyung room hmaah chuan ka vei tawn sek ringawt a.....
An rei ka ti tawh takzet, ei zawh a hun daih tawh sia tinge tun thlenga an rawn la let loh chu le...
Lift a rawn in hawn chuan ka en vat a. Taehyung chu a ni ngei mahse khapa nen bawk khân maw.
Ka lo ding reng chu min rawn hmuh chuan mak a tih hmel deuh mahse a insiam rem nghal vat a. Chupa bul chêta a kal te chuan min ti thinrim takzet.
Ka lo din tlat vang chuan
Chupa bulah chuan min in hmelhriat tir a.
"Chibai le Park Bogum ka nia, ka ngaisang lutuk che lawm i hla hi ka duh khawp mai"
"I va ti lawmawm ve" tiin ka chibai ve mai
a
Taehyung lam ka hawi a "Taehyung kan inbe lawk thei ngem sawipui tur che ka nei aa" ka ti nghal zât
"Ni e, keipawh Tae ka kal tawh ang. I chawhma hun ka lak kâm sak tawh che sia tûnah chuan hna lamah in sawrbing leh tawh rawh.... Kan inhmu leh vat dawn nia"
Engmaw, Chawhma hun a awmzia chu an lo awmdun reng tihna ni maw. Chuan Tae tiin a ko bawk maw.
"Nia,,, Zanriah kan la eidun leh dawn nia. I hnathar neih ah ka lawmpui lutuk che nia." Nui sang chuan a tia
