اليوم الي عقبه كان الخميس ععاد عقب اليمعه عيدميلاد عبدالله و محتشر الولد
عبدالله : الو
ذياب : الو
عبدالله : هلا بوغانم
ذياب : هلا فيك
عبدالله : شوف ترا باجر عيدميلادي
ذياب : ذليتنا ياخي قلنا لك بنييب لك هديه بنحتفل فيك
عبدالله و هو يضحك : خلاص خلاص زين
و سكر عنه
ف غرفه فطامي مخططه كل شي
رمست عنود و ساره يقولون حق اخوانهم انه ما بنسوي ولا شي حقه بس اييبون الهديه و يدخلونها من الباب الي ورا عشان محد يشوفها
فطامي تبا تسوي له مفاجأه بعد ما قالت حق كلحد
عند قووم عنود
عنود قاعده و مجابله اخوها و تقوله فكره فطامي
حمدانن ميت ضحك : والله هذي عليها افكار
عنوود : اقولك انته خلك جد و جي يعني نسيت و جي
حمدان : افا عليج الترتيب عند اخوج
عند قوم ساره
ساره و هي تقول حق اخوها فكره فطامي
ذياب و هو منصدم : كل ها يطلع من هالنتفه
ساره منفسه : هي هي يطلع انته شو فيك
ذياب : انتي شو سالفتج دوم منفسه
ساره : اففف ما يخصك انزين و ثاني شي ترا باجر بطلع
ذياب : وين بتطلعين ماشي طلعه
ساره : انته مب امي ولا ابوي انزين
ذياب : قلتلج ما بتطلعين و ها تلفونج
مسك ذياب تلفون ساره و سكره
ساره تمت تصيح : ها الي الله قواك عليه يعني
ذياب يوم كسر تلفونها حس براحه نفسيه
يوم الخميس
عبدالله طبعن متوقع هدايا و حفله بس يوم نزل ما لقا حد ف الصاله نفس كل يوم تضايق طبعن دق حق ذياب
ذياب : الو
عبدالله: اي الو يا ريال
ذياب : كل عام و انته بخير ي التيس عقبال ما نشوفك معرس
عبدالله: ي حبيبي م اقبل تهاني بدون هدايا وين هديتي
ذياب : شتتت نسيتت تصدق
عبدالله : بصفعك ايهه
ذياب : يلا يلا مع السلامه
راح و دق حق حمدان
حمدان : كل عام و انته بخير
عبدالله: و انته بخير وين هديتي
حمدان : م عرفت شو اخذ لك قلت برايه ما يبا
عبدالله: اوهوو اقول اذلف اذلف انته
نزلو فطامي و عفاري : كل عام و انته بخخير يا اخخونا
عبدالله عباله وياهم هدايا ولا شي
عبدالله: وين هديتي انتو ش فيكم محد يتذكرني مب حاله
و راح فوق حجرته و هو متضايق و كمل رقاده
فطامي و عفاري استانسن
