صار هزاع كل يوم يحب فطامي يوم ورا يوم و كل مره سلامه ترمس عن فطامي يتفداها و عنود صارت تكره سلامه لانها دوم ف بيت قوم فطامي
حمدان بدت حالته تصير اخس عن قبل
اليوم اخخر يوم امتحانات قررت عنود تتاسف من فطامي
بعد ما خلصو امتحان راحت عنود عند فطامي
عنود : فطامي
فطامي : هلا
عنود : انا اسفه ع اي شي سويته والله ما رمت اصبر بدونج سامحيني
فطامي : مسموحه فديتج ولا انا رمت اصبر بدونج
عنود حضنت فطامي و بعدين يتهم سلامه
سلامه : هلا فطامي
فطامي : اهلين سلامه
عنود : هلا سلامه
و قعدو يسولفون عن الامتحان و جي
صارو فطامي و عنود و سلامه وايد قراب من بعض و كل يوم يروحون و يردون ويا بعض
قررو يسوون لهم حفله تخرج قبل و بعد ما تطلع النسب
قبل الحفله ب يوم هزاع رمس امه انه يبا يخطب فطامي
ام هزاع : شوفيك يا ولدي
هزاع : امايه انا ابا اخطب ربيعت سلامه
سلامه : منو فطامي
هزاع : هي نعم
سلامه استانست : اللهههه والله ححلو
ام هزاع : منو هالبنت و انتي كيف تعرفينها و انته كيف تباها
قعدو سلامه و هزاع يقولون حق امهم كيف يعرفون فطامي و كيف انها بنت عرب و ناس و محتشمه
ف حفله التخرج ( الي قبل ما تطلع النسب )
سوو لهم حفله بسيطه ( بسيطه ولا سبونج بوب لا استهبل كملو )
كان الثيم الحفله وردي و ابيض
عنود كانت لابسه فستان عيناوي و شعرها قصير ف خلته مفتوح و لبست طوق ع شعرها و شوي اكسسوارات
سلامه كانت لابسه فستان بيج و شعرها رفعته و جي سوت لها تسريحه خفيفه ف شعرها
فطامي طبعن احلا البنات كانت لابسه فستان وردي فاتح و شعرها طويل فاتحتنه و رافعه طرف منه ب ورده
استانسن البنات وايد كانت الحفله ف بيت قوم فطامي
و بعد ام هزاع رمست ام عبدالله عن خطبه هزاع حق فطامي
بعد ما استانسن البنات رجعن بيوتهن
و ام عبدالله رمست ابو عبدالله عن فطامي و قالو الصبح بيشاورونها
اليوم الي عقبه قامت فطامي و نزلت عند اخوها و امها و ابوها كانو قاعدين
فطامي : صباح الخير
كلهم : صباح النور
بو عبدالله: هلا بالخريجه
فطامي : هلا ابوي
و راحت و قعدت فطامي عدال ابوها
بوعبدالله: بنتي انتي الحين صرتي بنت كبيره و مشاءالله عليج
و الصراحه في واحد متقدم لج
ام عبدالله : ترا تعرفينه اخو ربيعتج سلامه
عبدالله: الله الله اختيه بتعرس
