بعد هالاسبوع بدا اخر اسبوع امتحانات
فطامي و عنود بعدهم ما يرمسون بعض
فطامي ف حجرتها تدرس و عنود بعد
حمدان حالته مب حاله ما يطيع ياكل ولا يشرب و قاعد ف حجرته خذ اجازه من الدوام بس عشان يتم ف الحجره و ما يبا يطلع ولا يروح مكان
الصبح فطامي و عنود ف المدرسه
فطامي قاعده بروحها يتها بنت اسمها سلامه
سلامه : هلا فاطمه
فطامي رفعت راسها : اهلين
سلامه : عادي اسولف وياج
فطامي استغربت : هي عادي
عنود كانت قاعده شوي بعيد و شافت انه سلامه يت عند فطامي و قعدت عدالها ف عنود انقهرت
( خلوني اشرح لكم عن شخصيه سلامه : سلامه مشاءالله عليها ادب و اخلاق و مزيونه عندها اخو اكبر منها اسمه هزاع )
فطامي سولفت ويا سلامه و فطامي عزمتها ف بيتهم عشان يدرسون ويا بعض
ع الظهر
عبدالله و امه قاعدين
ام عبدالله : عبدالله ولدي
عبدالله: هلا امايه
ام عبدالله: تراك الحين خديت ريال متى ناوي تخطب
عبدالله : امايه انا م افكر ف الزواج
ام عبدالله: ي ولدي م قلنا زواج بس اخطب
عبدالله: امايه انا ف بالي بنت بس خليني اخلص جامعه وانشاءالله بخطبها
ام عبدالله : خلاص ع راحتك ي ولدي
دخلت عليهم فطامي
فطامي : شو تقولون بدوني
عبدالله: يالله يت النشبه
فطامي : جبجب امايه اليوم ربيعتيه بتي
ام عبدالله: منو من ربيعاتج
فطامي : اسمها سلامه بتيي عشان ندرس ويا بعض بروح اتسبح و اتزهب
ام عبدالله:زين يلا روحي
عقب الغدا يت سلامه بيت قوم فطامي و كان موصلنها هزاع اخوها
طلعت فطامي تسلم ع سلامه و ما كانت منتبهه انه هزاع ف السياره هزاع و هو ف السياره اخخخ هالبنت الي ترمس عنها طول اليوم سلامهه شق طلعت والله
دخلت فطامي و سلامه يدرسن و
هزاع راح عند ربعه لين ما تخلص اخته
هزاع و هو قاعد عند ربعه سرحان فالي شافته عينه
بعد المغرب خلصو فطامي و سلامه دراسه
سلامه : مشكوره وايد والله في اشياء ما كنت فاهمتنها
فطامي : لا عادي خلاص بنتم جي عشان نخلص بسرعه
سلامه : خلاص تمام فطامي عادي اخذ تلفونج عشان اتصل حق اخوي
فطامي : هي اكيد عادي
دقت سلامه حق هزاع و قالت له ايي يشلها
بعد ما راحت سلامه ركبت السياره مع اخوها
سالها هزاع : رقم منو الي دقيتي منه ؟
سلامه : رقم فطامي
هزاع ف خاطره اخخخ احلا فطامي بعد و حصلت رقمها بعد ياحظي
و صارت سلامه كل يوم تروح عند فطامي و تدرس عندها و حتى ايام المدرسه تسولف وياها
