صباح الاحد
نشت فطامي و تسبحت و تلبست و شلت شنطتها و دقت حق عنود
فطامي : وينج ي حماره
عنود : يلا يايين
وصلو قوم عنود بيت قوم فطامي
عنود راكبه ورا
فطامي فجت الباب الي ورا
عنود : جدام جدام
فطامي : اوهوو
حمدان كان طول الدرب ساكت
يوم وصلو المدرسه نزلت عنود
و تمو فطامي و حمدان
حمدان : شحالج فطيم
فطامي : حمدلله بخير
حمدان : فطامي انا ما اعرف اقول مقدمات
فطامي : قول بدون مقدمات
حمدان : اول شي كم بقا لج لين ما تخلصين مدرسه
فطامي : ثلاث اسابيع يعني مع بدون هالاسبوع اثنينه
حمدان : فطامي انا احبج
فطامي انصدمت : شو
حمدان : فطامي والله اباج و بخطبج بس اترياج تخلصين
فطامي : حمدان انا اعتبرك شرات اخويه و ما اروم اتخيلك اكثر من جي
حمدان انكسر و فطامي طلعت من السياره و دخلت المدرسه
فطامي تمت طول الدوام متوتره و عنود تبا تعرف شو صار بس ما تبا تسال فطامي بتسال اخوها
بعد ما رجعو البيت
طبعن فطامي راحت ترقد
بس عنود راحت ع طول عند حمدان
حمدان كان منسدح ع الشبريه
عنود دخلت عليه
عنود : حمدان
حمدان : ها
عنود : شو صار
حمدان : ياليتني ما قلت
عنود : ليش
حمدان قالها السالفه كلها
و عنود انصدمت
مر الاسبوع و فطامي ما ترمس عنود و حمدان داخل الحجره و ما يلطع
